1 Timɔtɛ́ɛ 3:7 - Kɑɑ Fí

⁷ Ɛ́ pɛn ḿbɔ́ ḿbíkŋɛ ŋɡɔ ɑ pɔ́ ŋu ẅí pʉɔ pi pɔ́p kɑ́ pɔ́ pʉɔ-Kɛlístɔ pɔ́, pɔ́ kẅíi lík yɛ́ pɔ sʉ́Ꞌnɛ. Pɔ́Ꞌɔ, mɛcɔ́ mɛnu mɛ́ mi ḿbɔ́ pɛ́ kɛm sʉ́ʉ kɔ́ wɛ́ pɔɔ ɡú pɔ́, Sɑ́ttɑ pɔɔ kuꞋ nɛlʉꞋ ŋkʉ tɛ ńdɔk ŋ́ɡẅɛɛ wɛ́ pɔ́.

1 Timɔtɛ́ɛ 3:7 Referans Kwoze

2 Kɔlɛ̂ŋtɛ 8:21

Pɛk sɛ́ ńtsɑ́ɑ nɛɡɛ yúu mi ɛ́ kɛ́ pɔŋ pɔ ndɑꞋ Sɛ́ pɔ́, pɛk sɛ́ ńtsɑ́ɑ nɛɡɛ yi ɛ́ ɡʉ ḿbɛn ḿbɔŋ mbɑ pʉɔmɛsɔŋ.

2 Timɔtɛ́ɛ 2:26

ḿbɛn ŋ́kwɑŋɛ nu pɑ́Ꞌ ɛ́ sɛ́ ḿbíkŋɛ ŋɡɔ pɔ́p kwɑŋɛ, ŋ́ɡɔ́ɔ ŋ́kɛ́ ɛ́fú tsɛt mɛɡwɑk mi Sɑ́ttɑ kɑ lɔknɛ ŋ́ɡẅɛɛ wɔ́p ńcẅɛt. Mbɔ pɔ́p kɑ pɔ́ tsɛtú ńtsʉ́Ꞌ ḿbɔ́ pɔ ɡɑŋtsɑ́ŋ, ŋ́ɡɛ pɔ yúu mi Sɑ́ttɑ sɛ́ ŋ́kɔŋ.

Kɔlɔsíyɛ̂ŋ 4:5

Ɛ́ ɡʉ nǔu pʉɔ pi pɔ́p kɑ́ pɔ́ pʉɔ-Kɛlístɔ pɔ́, pʉʉ jí ntɛ́ yi pʉʉ ɡʉ ńdɔk ńnɑ́ŋ tsɛtsɛt pɔ́p. Sɛ́ ɡɑ́ ndúŋ nɛcẅi Ŋkʉʉ Sʉ́Ꞌnɛ mbɔ̌ pɔ́p, kɔɔ pʉʉ pɛ́m yîyɑ́ ŋkɑ́ lɛɛ.

1 Timɔtɛ́ɛ 6:9

Lɑ́ ɛ́ ŋ́kɛ́ ŋ́ɡʉ nǔu pʉɔ pi pɔ́p kɔŋ nɛɡẅɛɛ yúu tɛ ɛ́ zɑ́ɑ zɑ́ɑnɛ, ɡʉ ḿvu tsɛt ŋkwɑꞋnɛ. Mɛyúu kɛpɔŋ mi pɔ́p tsɑ́ɑnɛ, ɛ́ minɛ ɛ́ pʉ́ʉpɛ ŋu pʉ́ʉpɛ́nɛ, ɛ́ ɡẅɛɛ wɔ́p pɑ́Ꞌ ɡwɑk lɑ́. Mîmɑ́ mɛyúu tsʉ́ʉnɛ́nɛ pʉɔmɛsɔŋ pɔ́p vu sɛ́, ŋ́kúu pɛ́.

1 Tɛsɑlɔník 4:12

ńjí ŋɡɔ pʉɔ pi pɔ́p kɑ́ pɔ́ pʉɔ-Kɛlístɔ pɔ́, ɡʉ ńjʉ́ɔ pɔ́Ꞌɔ, ŋ́ɡʉ̈ɔꞋtɛ yʉʉ ntɛ́ nɛnɑ́ŋ. Pʉʉ pɛn ŋ́kɛ́ mbɔɔ tsʉ́Ꞌ piꞋ mbɔ̌ wɛcɔ́ ŋu pɔ́.

2 Kɔlɛ̂ŋtɛ 6:3

Ɛ́ ɡʉ nǔu pɛk ɡɑŋntúu, pɛk kɑ́ pɔ́ ŋ́ɡɛ yɛcɔ́ yúu mi mbɔ ŋu kɔɔtɛ nǔu ḿvu sɛ́ pɔ́, pɛ́ fú nǔu ńdɔk ńzɔɔtɛ fɑꞋ yɛ́k pɔ́.

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

ŊwɑꞋnɛ-Gɑŋntúu Yɛ́su Kɛlístɔ 6:3

Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, pʉʉ ɡʉ tsɛtsɛt pʉʉ, ńdɔɔ pʉɔ sɑɑmbɑ́ pɑ́Ꞌ pɔ́p ɡʉ ḿbɔ́ ɛ́fɑꞋ yîyɑ́ fɑꞋ. Pʉʉ tsʉ́Ꞌ nɛtsɔ́Ꞌ, ńdíŋɛ pʉɔ pi tswɛ́ wɔp pɔŋnɛ. Pʉɔ pi Zẅikŋɛ-Sɛ́ kɑ jʉ́ mɔ tʉ́m yɔ́p. Pɔ́p pɛn ŋ́ɡẅɛɛ jínu. Pɛk ńníꞋ fɑꞋ-yúupɛ́jʉ́ mbɔ̌ pɔ́p,

Tîtɛ 2:8

Cú nu ɛ́ tʉ́ʉ ndʉ́ŋndʉŋ, yi ɛ́ lɑɑ ḿbɔ́ pɛ́ pɔɔ zɔŋ, ńjí ŋɡɔ pʉɔ pi pɔ́p lʉꞋnɛ nu-Sɛ́, ɡʉ ńjɑ́k nu kɛpɔŋ yi pɔ́p ɡʉ ńcú nǔu pɛkŋɛ, sʉ́ʉ kɔ́ wɔ́p.

Tîtɛ 2:5

ḿbɔ́ mɑŋɡɛ́ ẅí ɑ sɑ́ŋnɛ nu lɑ ŋ́ɡɛ, ḿbɔ́ mɑŋɡɛ́ ẅí ɑ jínɛ pɔ ndɑꞋ ndúu mɛ, ɛ́fɑꞋ mɛfɑꞋ-ndɑ́ mɛ́ sʉ́Ꞌnɛ, ɑ pɔ́ mɑŋɡɛ́ ẅi pɛ́ kɔŋ nu yɛ́, ɑ pɔ́ mɑŋɡɛ́ ẅi ɑ zúꞋnɛ ntsu-ndúu mɛ. Pɔ́p lɑɑ ŋ́ɡɛ pɔ́Ꞌɔ, ŋu pɔɔ sẅiŋɛ kɛpɔŋ nǔu nu-Sɛ́ pɔ́.

1 Tɛsɑlɔník 5:22

mbuu ŋ́kʉɔ nu kɛpɔŋ tsʉʉ.

1 Timɔtɛ́ɛ 5:14

Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.

1 Kɔlɛ̂ŋtɛ 5:12

Pɛkŋɛ pɛ́ pʉɔ pi pɔ́p kɑ́ pɔ́ pʉɔ-Kɛlístɔ pɔ́ zɛɛ ŋ́ɡẅɛɛ kʉ̈ɔ́ tɛ ŋ ŋɑk wɔ́p? Pʉʉ ɡẅɛɛ pɔ nɛŋɑk pʉɔ pi pʉʉ pɛ́ pɔ́p pɔ́nɛ ndɑ́.

ŊwɑꞋnɛ-Gɑŋntúu Yɛ́su Kɛlístɔ 22:12

Ŋ́kúu zúꞋu, wɛcɔ́ ŋu pɔ́ zúꞋu. Pɛ́ fúŋ wɛ́ ŋɡɔ Anɑníyɑs. A pɔ́ ŋu ŋ́ɡɛ mɛkuꞋ-Sɛ́ ḿbɛn ńnɛn pɑ́Ꞌ nɛpʉ́ʉ nɛkŋɛ sɛ́ ḿbíkŋɛ. Pɑyúdɑ pi pɔ́p ńtswɛ́nɛ tʉ́sɔŋ-Ndɑ́mɑ́s tɛ ḿmik wɔ́p pɔ́ ŋ́kẅíi lík yɛ́ pɔ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 10:22

Pʉɔ ɛ̂pɑ́ cú mbɔ̌ wɛ́ ŋɡɔ: «Kɔ̂lnɛ́ɛ túunɛ wɛk, ḿbɔ́ wɛcɔ́ tɑ́tndɑ́ntsɔ-Pɑlɔ́mɑ, ḿbɔ́ ɛ́sɑ́Ꞌ pʉɔ ŋkʉ. A ŋu ndʉ́ŋndʉŋ, ḿbɔ́k Sɛ́. Pɑyúdɑ pɛtsʉʉ kẅíi lík yɛ́ pɔ sʉ́Ꞌnɛ. Tɑ́Ꞌ Cʉ̈ɔꞋ-Sɛ́ kɑ tɔ́ ńcú mbɔ̌ wɛ́ ŋɡɔ: “Túu pɛ́ ɡʉ ɛ́fúŋ Pyɛ̂, ɑ tɔ́ ndɑ́ wu, ɔ zẅíꞋlɛ nu yí ɑ ɡʉ ɛ́sẅíi wú.”»

Mɑ́lɛ́kúshi 4:11

A cú mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ nɛ́ ni ɛ́ lʉɔmɛ́nɛ. Lɑ́ ɛ́ ɡʉ nǔu pɛcɔ́ pʉɔ pi pɔ́p kɑ́ pɔ́ nǔu yʉ́ʉ ku pɔ́, pɔ́p zúꞋ yɔ́p pɔ ndɑꞋ ŋɡɔ pɛ́ lɔk sɑknɛkɛt ńcú nu.»

3 Jɑ̂ŋ 1:12

ŋ́ɡʉ nǔu Ndɛlmɛ́tɛ́lẅís, mbɔ mbɑ wɔ̌ lɑ́ kẅíi lík yɛ́ pɔ sʉ́Ꞌnɛ. Ntɛ́ yi ɑ sɛ́ ńdɔk ńnɛn nǔu sɛ̂ndúŋ-nu nɛ́nẅín sɛ́ ńdɛꞋlɛ ŋɡɔ mɛfɑꞋ mɛ́ pɔŋ. Pɛk ɡúu sɛ́ ŋ́kẅíi lík yɛ́ pɔ sʉ́Ꞌnɛ, ɔ pɛn ḿbɔ́ ńjí ŋɡɔ pɛk lɔk ńcú ɛ́sẅíi nu.

1 Timɔtɛ́ɛ 3:6

Ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ pɔ́ ŋu ẅí ɑ kɑ pɛ́t lɑ ḿbɔ́ ŋu-Kɛlístɔ pɔ́, mbɔ ḿbɔ́ ɑ tɔ́ nɛŋɑ́Ꞌlɛ mbʉʉ, ɛ́fɑɑnɛ nu, ḿvu ntsɑŋ pɑ́Ꞌ Sɑ́ttɑ.