1 Timɔtɛ́ɛ 1:20 - Kɑɑ Fí

²⁰ Ɛ́ tsɛtsɛt pîpɑ́ pʉɔ, Himɛnɛ̂ pɔ́p Lɑksɑ́ndɑ pɔ́ zúꞋu. Ŋ kɑ níꞋ pɔnɛ pʉɔ pɛ́pɑ́ nǔu mbɔ́-Sɑ́ttɑ. Nɛpɔ́ yi pɔ́p ɡʉ ŋ́kúu mbɔ̌ wɛ́, ńzíꞋ pɑ́Ꞌ pɔ́p kɛ́ pɛn ńjúk ḿbɔ́ ḿbʉ́ʉpɛ lík-Sɛ́ pɔ́.

1 Timɔtɛ́ɛ 1:20 Referans Kwoze

2 Timɔtɛ́ɛ 2:17

Sẅiŋɛ-pʉɔ ɛ̂pɑ́ pɔ́ pɔ pɑ́Ꞌ fʉ́ŋ yi ɛ́ níꞋnɛ mbɛt, ḿbɔ́ ŋ́kẅiꞋ ŋ́ɡɑ́Ꞌ lɑ́. Himɛnɛ̂ pɔ́p Filɛtɛ pɔ́ lii-pʉɔ ɛ̂pɑ́.

1 Kɔlɛ̂ŋtɛ 11:32

Lɑ́ Tsɑpʉɔ ŋ́ŋɑk wɛkŋɛ, ńdɔk ńtík wɛkŋɛ, ḿbɔ́k pɑ́Ꞌ mbɔ pɛ́ lɑ́Ꞌ ńtɛmtɛ wɛkŋɛ pɛ́ pʉɔ-ndǔmbí ŋ́ŋɑk.

2 Tɛsɑlɔník 3:15

Lɑ́, ḿbɑ́ɑ wʉ́ʉ nɛlɔk wɛ́ ŋ́ɡɛ ŋɡɑŋmbuu wʉʉ. Pʉʉ kɑkŋɛ wɛ́ pɔ pɑ́Ꞌ ɛ́ lɑɑ ḿbɔ́ ŋu kɑkŋɛ mɔ́ɔmɑ́ wɛ.

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.

ŊwɑꞋnɛ-Gɑŋntúu Yɛ́su Kɛlístɔ 19:33

Pɛcɔ́ pʉɔ fú tsɛtsɛt lɑ́Ꞌ, ŋ́kyɛ́Ꞌtɛ yúu mi ɛ́ lɛɛnɛ, ɛ́sẅíi wɛcɔ́ ŋu pɛ́ fúŋnɛ ŋɡɔ Lɑksɑ́ndɑ ẅi pɑyúdɑ lɑ́Ꞌnɛ ńtsʉ́ʉnɛ wɛ́ ńtík mbi. A kúu zúꞋu, ŋ́kɑꞋ pɔ́ yɛ́ ŋ́ɡɑ́ tʉ́, nɛlɔk ɛ́sẅíi lɑ́Ꞌ ŋɡɔ ɑ ɡẅɛɛ nu yi ɑ ɡʉ ńcú.

Mɛnu ɛ́ ńdɑ́Ꞌ ńcẅɛt 13:1

M bɛn ńjʉ́ɔ wɛcɔ́ ŋkʉꞋnɛ nɑɑ fú tsɛt ŋki kɛ́ nɛpɑt ńcẅɛt, ŋ́ɡẅɛɛ mɛtú sɑɑmbɑ́, ŋ́ɡẅɛɛ mɛndɔ́ŋ nɛɡɛ́m, mbɑ yɛ́tɛ́ ndɔ́ŋ lɑ́ ɡẅɛɛ cɔꞋ-nɛfɔɔ, mbɔ pɛ́ ŋwɑꞋnɛ lík yi pɛ́ lɔknɛ ńzɔɔtɛ Sɛ́ zɔɔtɛnɛ nǔu mbɑ yɛ́tɛ́ tú lɑ́.

2 Timɔtɛ́ɛ 3:2

N cú mbíꞋŋɡɔ, pʉɔmɛsɔŋ ɡʉ ŋ́ɡɛ ḿbɔ́ ɡɑŋŋyɛ́p, ŋ́kɔŋ pɔ ŋkɑ́p, ḿbɔ́ ɡɑŋnyɛt mbʉʉ, ḿbɔ́ ɡɑŋŋɑ́Ꞌtɛ, ḿbɔ́ ńzɔɔtɛ Sɛ́ zɔɔtɛnɛ, ńtʉʉ tú mbɔ̌ pɛtɑ́t pɔ́p, ḿbɔ́ pɑjʉ́ntukntsu, pɔ́p kɑ́ pɛn ńdɔk yúu mi ɛ́ yɛ́ Sɛ́ ńdɔk ɛ́fúŋ yɛcɔ́ yúu pɔ́.

2 Timɔtɛ́ɛ 2:14

Mɔnɛ mɛnu tsʉʉ mi ɔ ɡẅɛɛ nɛkẅíitɛ mbɔ̌ pʉɔ tsʉʉ, ńtʉ́ʉ mbi Sɛ́ ɛ́sɑ́ɑnɛ sɑ́ɑnɛ́nɛ ɛ́sẅíi pʉɔ ŋɡɔ kɔɔ pɔ́p kɑ́t ńzɔŋ nu. Pɔ́p zɔŋ nu pɔ́Ꞌɔ, ɛ́ pɔɔ cẅɛ́lɛ́ nǔu yɛcɔ́ yúu pɔ́, tɛ ńtsʉ́Ꞌ pɔ́Ꞌɔ, mbɔ ɛ́ ḿbʉ́ʉpɛ pʉɔ pi pɔ́p zúꞋnɛ mîmɑ́ mɛnu pʉ́ʉpɛ́nɛ nzʉʉ Sɛ́.

2 Kɔlɛ̂ŋtɛ 10:6

Pɔ́Ꞌɔ lɑ́, pʉʉ sɑ́Ꞌ tʉʉ, ńtsʉ́Ꞌ ńzúꞋ pɔ ndɑꞋ ntsu-Kɛlístɔ nǔu kʉ̈ɔ́ lɑ́, ḿbɔ́ ńjí ŋɡɔ ŋu lɑɑ ŋ́kɛ́ ńtʉʉ tú tʉʉnɛ, ḿbɔ́ pɔ wɔ̌ lɑ́, mbɔ pɛk tʉ́ʉ nɛníꞋ ŋɡʉ̈ɔ́Ꞌ tú yɛ́.

ŊwɑꞋnɛ-Gɑŋntúu Yɛ́su Kɛlístɔ 13:45

Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.

2 Kɔlɛ̂ŋtɛ 13:10

Yúu mi ɛ́ ɡɛnɛ, m bɛ́t pɔ ŋɡɑ sɛsɑ ŋ́ŋwɑꞋnɛ yɔ nu tsʉʉ, ḿbɔ́ ńtsɑ́ɑ ŋɡɔ ŋ kɛ́ ɡɛ ńtɔ́ tɛ kúu tsɛtsɛt pʉʉ ńdɔk pɑ́Ꞌ Tsɑpʉɔ kɑ tíknɛ wɑ́ɑ mbi pʉʉ, ńcʉ̈ɔ́k wʉ́ʉ cʉ́ɔknɛ pɔ́. Tsɑpʉɔ kɑ tík wɑ́ɑ mbi pʉʉ pɔ nɛɡɛ cúꞋlɛ kẅiꞋ ŋ́ɡʉ nɛ́ mbi. A ŋkɑɑ tík wɑ́ɑ ŋɡɔ n tɑ́k tɑ́knɛ pɔ́.

Mɑtʉ̈ɔ 18:17

Lɑ́ ɑ kɛ́ ńdʉꞋ nɛzúꞋ nu yi pɔ́p cúnɛ, ɔ lɔk yɔ nu ŋ́ɡʉ cúꞋlɛ-pʉɔ-Sɛ́. A pɛn ńdʉꞋ nɛzúꞋ nu yí cúꞋlɛ cúnɛ, ɔ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ kɑ́ Jí Sɛ́ pɔ́, kɛ pɔ pɑ́Ꞌ pɛ́ líŋɛ́nɛ ńcẅɛ́ɛntsup-Pɑlɔ́mɑ ɔɔ.

1 Timɔtɛ́ɛ 5:15

N cú pɑ́Ꞌɑ mbíꞋŋɡɔ pɛcɔ́ nɛlʉ́m pɛpfúk mbɔ́ŋkʉ̈ɔ́ nɑ́ mɔ́ nu-Sɛ́, ńcʉ́ɔ nzʉʉ Sɑ́ttɑ.

Ɛ́bɛlʉʉ 12:5

Pʉʉ likŋɛ pɑ́Ꞌ Sɛ́ sɛ́ ńníꞋ mɛtʉʉ mʉ́ʉ pɑ́Ꞌ ŋu níꞋnɛ mɛtʉʉ-mbɔ́ŋkʉ̈ɔ́ pɛ́? A tsɛt ŋwɑꞋnɛ-Sɛ́ ɛ̂wɑ́ ńcú ŋɡɔ: «Mɔ́ɔ wɑɑ, Tsɑpʉɔ lɑɑ ḿbɔ́ ŋ́kɑkŋɛ wú, Ɔ pɑ́ɑ nɛɡwɑ́k nu nǔu, A lɑɑ ńcʉ̈ɔ́k wú ɔ pɑ́ɑ nɛcitɛ mbʉʉ