1 Timɔtɛ́ɛ 1:10 - Kɑɑ Fí

¹⁰ Pɛ́ kɑ tík nɛpʉ́ʉ mbíꞋ pʉɔ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbíꞋ mbɛ́ɛnɛ yi ɛ́ nɔŋnɛ pɛcɔ́, mbíꞋ pɑtɑ́ŋpuꞋ. Pɛ́ kɑ tík nɛpʉ́ʉ mbíꞋ ɡɑŋcɔtnu, mbíꞋ pɑjʉ́ ńjʉ́ɔ pi pɔ́p pɔ ɡɑŋcɔtnu. A kɑ tík nɛpʉ́ʉ mbíꞋ pʉɔ pi pɔ́p lɔɔnɛ shʉ́ ŋ́ɡɛ pɔ yúu mi ɛ́ kɑ́ pɔ́ ḿbuutɛ nǔu nu nɛ́nẅín yi pɛ́ zíꞋnɛ wɛkŋɛ pɔ́.

1 Timɔtɛ́ɛ 1:10 Referans Kwoze

2 Timɔtɛ́ɛ 4:3

N cú mbíꞋŋɡɔ yɛcɔ́ ŋkɑ́ ɡʉ ŋ́ɡɛ ḿbɔ́, pʉɔ pɔɔ pɛn ŋ́kɔŋ nɛzẅíꞋlɛ nu nɛ́nẅín yi pɛ́ zíꞋnɛ nǔu Yɛ́su Kɛlístɔ pɔ́, lɑ́ pɑ́Ꞌ pɔ́p kɔŋ nɛzẅíꞋlɛ pɔ nu yi tʉ́m yɔ́p tsɑ́ɑnɛ lɑ́, ńdɔɔ pɔ́p pɑzíꞋ wɔ́p nɛ́ yúu tɛ ɛ́ zɑ́ɑ zɑ́ɑnɛ. Pɔ́p zíꞋ wɔ́p nɛ́ nu yi pɔ́p kɔŋ nɛzúꞋ.

Pʉɔ-Lɔ́mɑ 1:26

Ɛ́ yúu mi ɛ́ kɑ ɡɛnɛ Sɛ́ nɑ́ wɔ́p pɔ́p ɡɛ yúu mi kwɑŋɛ yɔ́p tʉ́ʉnɛ nǔu lɑ́ ɛ́ pɔ́ mɛnu mi ɛ́ níꞋnɛ sʉ́ʉ nǔu pɔ́p. Pɛzwɛ́ pɔ́p nɑ́ mbɛ́ɛnɛ ńtsʉ́Ꞌ ńdɔɔ pɔ pɛcɔ́ pɑŋɡɛ́ pɔ́p pɛpɔ́p nɔɔ, yîyɑ́ ntɛ́ nɛɡɛ mɛnu kɑ́ pɔ́ ntɛ́ yi Sɛ́ kɑ zɑ́pnɛ pɔ́.

Mɛnu ɛ́ ńdɑ́Ꞌ ńcẅɛt 21:27

Lɑ́ yɛcɔ́ yúu mi ntsɛ́llɛ́ nǔu, kɛ́ ɡɛ ńdɛɛ tɛ ŋ́kúu zúꞋu pɔ́. Tɛ mbɑ sɑ̌ɑ ŋu ɑ nǔu pɑɡɛ mɛnu ndǔmbí, mbɑ nǔu ɡɑŋcɔtnu. NdɑꞋ pʉɔ pi mɛlík mɔ́p tsɛt ŋwɑꞋnɛ-Mɔ́ɔ-Njinjɔ yi lík-pʉɔ pí pɔ́p ɡẅɛɛnɛ luk kɛ́mɛ tsɛtú, ɡʉ ńdɑ́Ꞌ ŋ́kúu zúꞋu.

1 Timɔtɛ́ɛ 6:3

Ŋu lɑɑ ńzíꞋ pʉɔ nɛ́ nu ndɛꞋ ńdɔk ḿmɛꞋ sẅiŋɛ nɛ́nẅín yi ɛ́ fúnɛ mbɔ̌ Tsɑpʉɔ wɛkŋɛ Yɛ́su Kɛlístɔ, mbɑ yúu mi pɛkŋɛ zíꞋnɛ pʉɔ pɔ́p fú nǔu ńzɑ́p tʉ́m nǔu wɛ́,

Jẅidɛ 1:7

Pʉʉ pɛn ŋ́kẅíitɛ nu tʉ́sɔŋ-Sɔdɔ̂m mbɑ yɛ́ Ŋɡɔmɔ̂ɔ, tɛ mbɑ yɛ́ mɛcɔ́ mɛtʉ́sɔŋ mi pɔ́p pɛpɔ́p kɑ ɡẅɛɛnɛ nɛpɑt. Pʉɔ-mɛtʉ́sɔŋ ɛ̂mɑ́ kɑ nɛn nǔu sɛ̂ndúŋ-ɡɑ́ɑ pɑ́Ꞌ pɛcʉ̈ɔ́Ꞌ-Sɛ́ ɛ̂pɑ́. Ḿbɔ́ ńdɔɔ nɛnɔɔ nɛ́ pɛcʉ̈ɔ́Ꞌ-Sɛ́ ɛ́ pɔɔ ḿbíkŋɛ pɔ́. Ɛ́ nǔu ŋkɔ̂ɔnɛ mbɔ Sɛ́ níꞋ pʉɔ-tʉ́sɔŋ ɛ̂pɑ́ tsɛt múk ẅi ɛ́ kɛ́ lɑ́Ꞌ ḿbɛ́ pɔ́. Ɛ́ lɔk ńcú nu mbɔ̌ mbɑ wɔ̌ lɑ́.

Tîtɛ 1:9

Ɛ́ píkŋɛ ŋɡɔ ɑ niitɛ ŋ́ɡẅɛɛ Ŋkʉʉ ẅí ɛ́ ẅi ḿbɔ́ pɛ́ zɑ́p tʉ́m nǔu, ɛ́ pɔ́ ẅi ɛ́ cẅɛ́Ꞌnɛ́nɛ nǔu ẅi pɛk zíꞋnɛ pʉɔ. Ɛ́ lɛɛ pɔ́Ꞌɔ, ɑ kuꞋ nɛlɔk sẅiŋɛ yi ɛ́ nɛ́nẅín, ńníꞋ mɛtʉʉ-pɛcɔ́ pʉɔ, ŋ́kuꞋ nɛnyɛt mɛlɔꞋ-pʉɔ pi pɔ́p lʉꞋnɛ nu yi ɑ cúnɛ kwɑꞋ mbɔ̌ pɔ́p.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

Ɛ́bɛlʉʉ 13:4

Ɛ́ pɔŋ ŋɡɔ lɑ́ɑndɑ́ pɔ́ mbɔ̌ pʉɔ tsʉʉ ḿbɔ́ yúu mɛkuꞋ, ŋu mbɛ́ɛnɛ jí ndɑꞋ nzwɛ́ wɛ, mɑŋɡɛ́ jí ndɑꞋ ndúu mɛ, Sɛ́ ɡʉ ńzɛɛ ńdɑ́Ꞌ ŋ́ŋɑk pʉɔ pi pɔ́p puutɛnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pɑɡɛ ɡɑ́ɑ.

Mɛnu ɛ́ ńdɑ́Ꞌ ńcẅɛt 22:15

Lɑ́ ŋ́kɛ́ ŋ́ɡʉ nǔu pɑɡɛ mɛnu pɑ́Ꞌ mvú, ɛ́ pɑɡẅɛɛ mɛkɑŋ, ɛ́ pɑɡɛ mɛnu mpfuꞋ, ɛ́ pɑjẅítɛ pʉɔ, ɛ́ pɑɡúꞋlɛ yúu ŋɡɔ ɛ́ mɛsɛ́, ḿbɔ́ mbɑ wɔ̌ lɑ́ ẅi ɑ kɔŋnɛ cɔtnu, tɛ ɛ́sẅíi yɛ́ pɔ cɔtnu, pɛɡɑŋ ɡɔ́ŋ nzɛmpíi.

2 Timɔtɛ́ɛ 1:13

Timɔtɛ̂ɛ, pɛ́ɛ fʉꞋ nǔu sẅiŋɛ yi ɔ kɑ zúꞋnɛ ntsu mɔ ɛ́ pɔ́ nɛ́nẅín. Zɑ́p tʉ́m yú nǔu Sɛ́, ŋ́kɔŋ pʉɔmɛsɔŋ mbíꞋ pɑ́Ꞌ pɛkŋɛ lɑtnɛ mbʉʉ yɛkŋɛ nǔu Yɛ́su Kɛlístɔ lɑ́.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Tîtɛ 1:13

Nu yi ɑ kɑ cúnɛ lɑɑ, ɛ́ nu nɛ́nẅín. Ɛ́ yɛ́tɛ́ lɑ́ ɛ́ sɛ́ ḿbíkŋɛ ŋɡɔ ɔ lɔk cʉ́ɔk ńcú nu mbɔ̌ pɔ́p, ńjí ŋɡɔ pɔ́p ɡʉ ńtsuŋ ńzɑ́p tʉ́m yɔ́p nǔu Sɛ́,

Mɛnu ɛ́ ńdɑ́Ꞌ ńcẅɛt 18:13

Yúu pɑ́Ꞌ yɛcɔ́ ntɛ́ yúu-nɑ́Ꞌ pɑ́Ꞌ yi pɛ́ fúŋnɛ ŋɡɔ kɑnɛl mbɑ lɑmɛ́ndɑɑ ntɛ́ nɛ́ ntɛ́, nɛ́ lǐi nɛ́ mɛcɔ́ mɛyúu mi pɛ́ tɔɔnɛ, nɛ́ mɛluꞋ, nɛ́ mɛɡwɛ́t, nɛ́ fɑlîn ntɛ́ nɛ́ ntɛ́, nɛ́ pɛfɔŋ, nɛ́ mɛnjinjɔ, nɛ́ pɛlʉ̈ɔ́ nɛ́ mɛkɑ́lɛk, pɔ́p puꞋ zúu zúunɛ mbɑ wɛ ntsɔ.

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.