1 Tɛsɑlɔník 5:5 - Kɑɑ Fí

⁵ Pʉʉ pɛtsʉʉ zɛɛ ḿbɔ́ pɔ pʉɔ pi pɔ́p nɛnnɛ nǔu zʉꞋ yi ɛ́ yi kyɛꞋnɛ, ḿbɔ́ pʉɔ pi pɔ́p nɛnnɛ pɔ nɛnɛm. Pɛkŋɛ kɑ́ pɔ́ pʉɔ pi pɔ́p nɛnnɛ nɛtúꞋ pɔ́, ŋ́kɛ́ ḿbɔɔ pɔ́ pʉɔ pi pɔ́p nɛnnɛ nɛ́ nzɛ́nzʉ́ʉ pɔ́.

1 Tɛsɑlɔník 5:5 Referans Kwoze

Ɛ́fɛ̂zɛ 5:8

Pʉʉ kɑ pɔ́ yɛcɔ́ ŋkɑ́ ḿbɔ́ pɔ tsɛt nzɛ́nzʉ́ʉ. Ɛ́ lɛɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Tsɑpʉɔ, pʉʉ tsʉ́Ꞌ ḿbɔ́ ŋkɔ̂ɔnɛ ḿbɔ́ pɔ zʉꞋ fúknɛ. Pɔ́Ꞌɔ lɑ́, pʉʉ ɡɔ́ ŋ́ɡɛ mbɑ kʉ̈ɔ́ lɑ́ yʉ́ʉ, ŋ́ɡɛ pɑ́Ꞌ pʉɔ pi pɔ́p nǔu zʉꞋ fúknɛ.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Jɑ̂ŋ 12:36

Kyɛꞌ lɑɑ ḿbɛ́t tsɛtsɛt pʉʉ, pʉʉ zɑ́p tʉ́m nǔu kyɛꞌ, ńdɔk ńtsʉ́Ꞌ pɔ́ɔ-kyɛꞋ. Yɛ́su cú yɔ nu tɛ ɛ́ kuꞋ, ɑ ɡʉ ńdʉ̈ɔmɛ nǔu zʉꞋ yi pɔ́p kɛ́ ɡɛ ńjʉ́ɔ wɛ́ pɔ́.»

Lúkɑ́shi 16:8

Tɑ́fɑꞋ ɡɛ ńjʉ́ɔ ntɛ́ yi ŋɡɑŋfɑꞋ kɛpɔŋ wɛ lɔknɛ ńtɑ́ɑ zúŋ pɔ́Ꞌɔ, ńtsʉ́Ꞌ ḿbɛ́m pɛ́mnɛ ŋɡɔ jínu yɛ́ ɡú. Yɛ́su cú mbɔ̌ pɔ́p ŋɡɔ: «Ɛ́ nɛ́nẅín ŋɡɔ pʉɔ-mbí yɔ jí nɛtɑ́ɑ zúŋ ńdɔk niitɛ mɛnu tsɛtsɛt pɔ́p, ńdɛɛ pʉɔ pinɛ pɔ́p zɑ́pnɛ tʉ́m yɔ́p nǔu Sɛ́.»

1 Tɛsɑlɔník 5:8

Lɑ́ ŋ́ɡʉ nǔu pɛkŋɛ pi pɛkŋɛ nɛnnɛ nɛnɛm, mbɔ ɛ́ sɛ́ ḿbíkŋɛ ŋɡɔ pɛkŋɛ ɡuutɛ mbʉʉ yɛkŋɛ, ŋkɔŋɛ mbɑ nɛzɑ́p tʉ́m nǔu Sɛ́ pɔ́ yɛkŋɛ ndẅí-ntsɔ yi pɛ́ lɔknɛ tʉ́n ńniitɛ. NɛzẅíꞋlɛ lɛ́Ꞌ yi Sɛ́ ɡʉ ŋ́ɡɛ pɛkŋɛ luk, ɛ́ pɔ́ yɛkŋɛ cɔꞋ-ntsɔ yi pɛ́ lɔknɛ tʉ́n ńniitɛ.

1 Jɑ̂ŋ 2:8

Tɛ mbɑ pɔ́Ꞌɔ, nɛpʉ́ʉ ni ŋ ŋwɑꞋnɛ́nɛ ŋ́ɡɑ́ mbɔ̌ pʉʉ lɑɑ, ɛ́ pɑ́Ꞌɑ, ŋ́kɛ́ ḿbɔ́ nɛ fí, ɛ́ nɛ fí ńdɛɛ nǔu yúu mi pɛ́ sɛ́ ńjʉ́ɔ nǔu Kɛlístɔ mbɑ nǔu pʉʉ ɡúu. Pʉʉ zɛɛ ńjʉ́ɔ pɑ́Ꞌ nzɛ́nzʉ́ʉ sɛ́ ḿmɛ, lɑ́ mbɔ kwɑꞋ kyɛꞌ zɛ mɔ́ nɛkyɛ́Ꞌ zʉꞋ.