1 Tɛsɑlɔník 4:12 - Kɑɑ Fí

¹² ńjí ŋɡɔ pʉɔ pi pɔ́p kɑ́ pɔ́ pʉɔ-Kɛlístɔ pɔ́, ɡʉ ńjʉ́ɔ pɔ́Ꞌɔ, ŋ́ɡʉ̈ɔꞋtɛ yʉʉ ntɛ́ nɛnɑ́ŋ. Pʉʉ pɛn ŋ́kɛ́ mbɔɔ tsʉ́Ꞌ piꞋ mbɔ̌ wɛcɔ́ ŋu pɔ́.

1 Tɛsɑlɔník 4:12 Referans Kwoze

Kɔlɔsíyɛ̂ŋ 4:5

Ɛ́ ɡʉ nǔu pʉɔ pi pɔ́p kɑ́ pɔ́ pʉɔ-Kɛlístɔ pɔ́, pʉʉ jí ntɛ́ yi pʉʉ ɡʉ ńdɔk ńnɑ́ŋ tsɛtsɛt pɔ́p. Sɛ́ ɡɑ́ ndúŋ nɛcẅi Ŋkʉʉ Sʉ́Ꞌnɛ mbɔ̌ pɔ́p, kɔɔ pʉʉ pɛ́m yîyɑ́ ŋkɑ́ lɛɛ.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

Pʉɔ-Lɔ́mɑ 12:17

Kɔɔ pʉʉ tsɔ́Ꞌ pɛn nu kɛpɔŋ ŋ́ɡɑ́ nu kɛpɔŋ. Tɛ ńtsʉ́Ꞌ pɔ́Ꞌɔ, pʉʉ lɔɔ shʉ́ ŋ́ɡɛ pɔ nu yi mbɑ wɔ̌ lɑ́ ɡʉ ńjʉ́ɔ ḿbɛ́m ŋɡɔ ɛ́ pɔŋ.

1 Timɔtɛ́ɛ 3:7

Ɛ́ pɛn ḿbɔ́ ḿbíkŋɛ ŋɡɔ ɑ pɔ́ ŋu ẅí pʉɔ pi pɔ́p kɑ́ pɔ́ pʉɔ-Kɛlístɔ pɔ́, pɔ́ kẅíi lík yɛ́ pɔ sʉ́Ꞌnɛ. Pɔ́Ꞌɔ, mɛcɔ́ mɛnu mɛ́ mi ḿbɔ́ pɛ́ kɛm sʉ́ʉ kɔ́ wɛ́ pɔɔ ɡú pɔ́, Sɑ́ttɑ pɔɔ kuꞋ nɛlʉꞋ ŋkʉ tɛ ńdɔk ŋ́ɡẅɛɛ wɛ́ pɔ́.

Pʉɔ-Lɔ́mɑ 13:13

Pɛkŋɛ ɡẅɛɛ tsẅɛ́ sʉ́Ꞌnɛ nǔu pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡẅɛɛ pɔ́Ꞌɔ, ŋkɑ́ yi zʉꞋ sɛ́ ɛ́fúk, ḿbɑ́ɑ nɛkwɛ́t yúu kɛ nɛ́ nɔ́ mɛluꞋ pɔ́ nɛ́ ɡɛɡʉʉ, ḿbɑ́ɑ nɛ́ puutɛ mbɑ wɔ̌ lɑ́ pɛkŋɛ pɛpɔ́p nɔɔ nɔɔnɛ, ḿbɑ́ɑ yúu mi sʉ́ʉ ɡʉ kɔ́ wɛkŋɛ nǔu, ḿbɑ́ɑ nɛtɑ́k mɛfɛꞋ, ḿbɑ́ɑ kɛ́ɡʉ̈ɔꞋ.

Mɑ́lɛ́kúshi 4:11

A cú mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ nɛ́ ni ɛ́ lʉɔmɛ́nɛ. Lɑ́ ɛ́ ɡʉ nǔu pɛcɔ́ pʉɔ pi pɔ́p kɑ́ pɔ́ nǔu yʉ́ʉ ku pɔ́, pɔ́p zúꞋ yɔ́p pɔ ndɑꞋ ŋɡɔ pɛ́ lɔk sɑknɛkɛt ńcú nu.»

1 Tɛsɑlɔník 5:22

mbuu ŋ́kʉɔ nu kɛpɔŋ tsʉʉ.

1 Pyɛ̂ 3:1

Mbɑ pʉʉ yʉ́ʉ pɑŋɡɛ́, pʉʉ kɔk mbʉʉ yʉʉ ŋ́ɡɑ́ sɛ́ mbi pɛlúu pʉ́ʉ, ɛ́ lɛɛ pɔ́Ꞌɔ, ḿbɔ́ yi pɛcɔ́ pʉɔ tsɛtsɛt pɔ́p sɛ́ ńdʉꞋ nɛzɑ́p tʉ́m nǔu sẅiŋɛ-sɛ́, pɔ́p cʉ́ɔ nzʉʉ pʉʉ kɛ́ pɔ́ yi pʉʉ cú nu, ɛ́fú nǔu mɑt wʉʉ.

Filipɛ 4:8

Pɔ́ɔpɛ́mɑ́ pɑ́ɑ, nu yi m bɔ́ ńdɔk ńcɔ́kŋɛ ɛ́ ŋɡɔ, kwɑŋɛ yʉ́ʉ ńnɑ́ŋ ńtʉ́ʉ pɔ nǔu mɛnu sʉ́Ꞌnɛ mi pʉɔ tɛ ńzɑ́ɑ ɡʉ̈ɔꞋtɛ́nɛ, ńtʉ́ʉ nǔu nu nɛ́nẅín, nǔu nu yi ɛ́ tʉ́ʉnɛ ndʉ́ŋndʉŋ, nǔu nu kɛ́ lɔ́Ꞌ, nǔu mɛnu mi ɛ́ mɛ́ mɛkuꞋ, nǔu mɛnu mi pɛ́ ɡɛ pʉɔ ɡɑ́ pɑ́Ꞌlɑ́, mɛnu mi ɛ́ cẅɛ́lɛ́nɛ, nǔu mɛnu mi pɛ́ sɛntɛ ŋu nǔu.

Ɛ́fɛ̂zɛ 4:28

Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,