1 Tɛsɑlɔník 2:15 - Kɑɑ Fí

¹⁵ Pɑyúdɑ ɛ̂pɑ́ kɑ jẅí pɑcẅiŋkʉʉ-Sɛ́ pɛ́ ŋkɑ́mbi, pɔ́p kɑ pɛn ńjẅí Tsɑpʉɔ Yɛ́su. Pɔ́p pɛn ḿbɔ́ ŋ́kʉ́ʉnɛ wɛ́k. Pɔ́p kɑ́ pɔ́ ŋ́ɡɛ yúu mi ɛ́ pɔŋnɛ Sɛ́ pɔ́, pɔ́p pɑɑ pʉɔ tsʉʉ.

1 Tɛsɑlɔník 2:15 Referans Kwoze

Mɑtʉ̈ɔ 5:12

Pʉʉ tsɑ́ɑtɛ ńzɔp ńnʉŋ, mbíꞋŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ tʉ́ nɛpú. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ, pɛ́ kɑ zɑ́Ꞌnɛ ku-pɛŋɡɛ́mndʉ̈ɔ́Ꞌ-Sɛ́ pinɛ pɔ́p kɑ piitɛnɛ ńtɔ́ lɑ́ pʉʉ tɔ́.

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 3:15

Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.

Lúkɑ́shi 24:20

PɑꞋ Pɛtɑ́tndɑ́-pɑnɔ́ŋpɔꞋ pɔ́p pɑsɑ́Ꞌ lɑ́Ꞌ pɛk kɑ cɑklɛ wɛ́ mbɔ̌ Pilɑ́tu ŋɡɔ pɛ́ ɡʉ ŋ́ŋɑk wɛ́, ńjẅí wɛ́. Pɛ́ kɑ ɡɔ́ɔ ŋ́kɛ́ ŋ́kẅii wɛ́ nǔu tʉ́ Mbɑŋtɛ pɑ́ŋtɛ́nɛ.

Mɑtʉ̈ɔ 27:25

Pʉɔtsʉʉ pʉ̈ɔt ŋɡɔ: «Mɛci ŋu wɑ́ ńtúŋ nǔu pɛk tɛ mbɑ nǔu mbɔ́ŋkʉ̈ɔ́ pɛk.»

Mɑtʉ̈ɔ 23:37

Ŋkɑ́ kuꞋ Yɛ́su cú ŋɡɔ: «Pʉɔ-Yɛlúsɑlɛm, pʉɔ-Yɛlúsɑlɛm, pʉʉ ẅí pʉʉ jẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́m pʉɔ pínɛ Sɛ́ túunɛ wɔ́p mbɔ̌ pʉʉ ńjẅítɛ, ŋkɑ́ yɛsʉ́Ꞌʉ́ pɑ́Ꞌ n dɔɔnɛ nɛcúꞋlɛ wʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ mɛpɑp yɛ́, pʉʉ kɛ́ ńdʉꞋ lʉꞋnɛ?

1 Kɔlɛ̂ŋtɛ 10:5

Pɔ́p kɑ jʉ́ɔ mbɑ mɔnɛ mɛnu lɑ nɛzɑ́ɑ pʉɔ tsɛtsɛt pɔ́p kɛ mbɔɔ ɡɛ yúu mi ɛ́ pɔŋnɛ Sɛ́ pɔ́. Ɛ́ yúu mi ɛ́ kɑ ɡɛnɛ pɔ́p vutɛ kɔ̂ŋtɛt ḿpfútɛ.

ŊwɑꞋnɛ-Gɑŋntúu Yɛ́su Kɛlístɔ 12:3

A jʉ́ɔ, mbɔ ɑ ɡɛ pɔ́Ꞌɔ, ɛ́ pɔŋ pɑyúdɑ. A pɛn ŋ́ɡɛ pɛ́ ɡẅɛɛ Pyɛ̂ ɡúu, ŋ́ɡɔ ŋ́ɡẅɛɛ wɛ́ pɔ́Ꞌɔ, ɛ́ pɔ́ ŋkɑ́ yi pɛ́ jʉ́nɛ ndínɑ-mbɛlɛ̂ɛt kɛ́ fɛntɛ.

ŊwɑꞋnɛ-Gɑŋntúu Yɛ́su Kɛlístɔ 5:30

Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɛ Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, zẅíimɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 4:10

Pʉʉ pɛtsʉʉ tɛ mbɑ pɑíslɑyɛ̂l tɛ ḿmɛ, ɛ́ ŋ́kɛ́ ḿbɔ́ ḿbíkŋɛ ŋɡɔ pʉʉ jí tɑ́Ꞌ nu. Yîyɑ́ nu pɔ́ ŋɡɔ pɛk kɑ lɔk pɔ lík-Yɛ́su Kɛlístɔ mɔ́ɔ-Nɑ̌zɑlɛt lɑ ŋ́ɡɛ ŋu wɔ fíitɛ pɑ́Ꞌ pʉʉ jʉ́ɔnɛ lɑɑ. A Yɛ́su Kɛlístɔ wɑ́ ẅi pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.

2 Kɔlɛ̂ŋtɛ 11:26

Ŋ kɑ ńnɛn tɛꞋ, nɛvú ńnʉk wɑ́ɑ tɛꞋ, ńjúk ńjʉ́ɔ ŋɡʉ̈ɔ́Ꞌ mɛŋki mi ɛ́ kɔ́Ꞌnɛ tɛ ɛ́sɑt zʉꞋ, ńjúk ḿvu nu mbɔ̌ pɛsɛmntsu, ńjúk ḿvu nu mbɔ̌ pɔ́ɔpɛ́mɑ́ pɑ́ɑ pɑyúdɑ, ńjúk ḿvu nu mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńjúk ŋ́kúu nu tsɛt mɛtʉ́sɔŋ, ńjúk ŋ́kúu nu kɔ̂ŋtɛt, ńjúk ŋ́kúu nu tsɛt ŋki kɛ́ nɛpɑt, ńjúk ŋ́kúu nu mbɔ̌ pʉɔ pi pɔ́p cɔtnɛ nu ŋɡɔ pɔ́p pʉɔ-Kɛlístɔ,