1 Tɛsɑlɔník 2:11 - Kɑɑ Fí

¹¹ Pʉʉ pɛn ḿbɔ́ ńjí ŋɡɔ pɛk ḿbɔ́ nɛjɔ́ŋ mbɑ wɔ̌ lɑ́ nǔu pʉʉ, ŋ́ɡɛ pɔ pɑ́Ꞌ tɑ́mɔ́ɔ ɡɛ nɛjɔ́ŋ mbɔ́ŋkʉ̈ɔ́ pɛ́ lɑ́.

1 Tɛsɑlɔník 2:11 Referans Kwoze

Ɛ́bɛlʉʉ 13:22

Pɔ́ɔpɛ́mɑ́ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, mɔ sɛ́ ḿbúꞋ mbɔ́ mbɔ̌ pʉ́ʉ ŋɡɔ pʉʉ lɔk kɔkmbʉʉ, ńzẅíꞋlɛ yɔ sẅiŋɛ yi ŋ ɡɑ́nɛ mbɔ̌ pʉʉ, ńdɔk ńníꞋ mɛtʉʉ mʉ́ʉ lɑɑ. N zɛɛ ŋ́kɛ́ mbɔɔ ŋwɑꞋnɛ ɛ́ sɑk pɔ́.

1 Timɔtɛ́ɛ 5:21

Mɔ ńdɔk lík-Sɛ́, ńdɔk lík-Yɛ́su Kɛlístɔ mbɑ lík-pɛcʉ̈ɔ́Ꞌ-Sɛ́ pi Sɛ́ kɑ tsɔ́Ꞌnɛ ńcú mbɔ̌ ɡu ŋɡɔ: «Tsuŋ ńzúꞋ yúu mi mɔ ńcú. Pɑ́ɑ nɛlíŋɛ shʉ́-ŋu, kɛ ńdɔk pɔ tɔŋ ɔɔ ŋ́ɡɛ yúu nǔu ŋu.»

2 Tɛsɑlɔník 3:12

Pɛk lɔk lík-Tsɑpʉɔ Yɛ́su Kɛlístɔ ńcú mbɔ̌ pîpɑ́ pʉɔ tɛ ńdɔk ńtík wɔ́p tíknɛ ŋɡɔ pɔ́p pɔ́tnɛ ɛ́fɑ́Ꞌ fɑꞋ, ńjʉ́ yúu pɛjʉ́ pi pɔ́p fɑꞋnɛ.

1 Tɛsɑlɔník 5:11

Pɔ́Ꞌɔ lɑ́, pʉʉ níꞋ mɛtʉʉ mʉ́ʉ pʉʉ nɛ́ pʉʉ, ŋu tɔ́ɔtɛ ŋu, ŋu tɔ́ɔtɛ ŋu, pɑ́Ꞌ pʉʉ sɛ́ ŋ́ɡɛ lɑ́.

1 Tɛsɑlɔník 2:7

Lɑ́, mbɔ pɛk kɑ kuꞋ nɛlɔk mɛtʉʉ ḿbíkŋɛ, mbíꞋŋɡɔ pɛk ɡɑŋntúu-Kɛlístɔ. Lɑ́ pɛk ŋ́kɑɑ pɔ́Ꞌɔ ɡɛ, pɛk kɑ pɔ́tnɛ yɛ́k pɔ́tnɛnɛ pɔ pɑ́Ꞌ Mɑ́mɔ́ɔ ẅi ɑ sɛ́ ńdíŋɛ mbɔ́ŋkʉ̈ɔ́ pɛ́ lɑ́.

Tîtɛ 2:15

Mɔnɛ mɛnu mi ɔ ɡẅɛɛ nɛ kɛ́ ńcú mbɔ̌ pʉɔ cúnɛ, ŋ́ɡɔ́ ńcú nɛlɔk nɛníꞋ mɛtʉʉ mɔ́p, nɛlɔk ńnyɛt ŋu nɛ́ yúu mi ɑ fɑɑnɛ́nɛ, ńdɔk pɔ mɛtʉʉ-Sɛ́. Kɔɔ ŋu ɡwɑ́k wú!

Tîtɛ 2:6

Ɛ́ pɛn ḿbɔ́ pɔ ndʉ́ŋndʉŋ pɑ́Ꞌ ɔ ɡʉ ńzíꞋ pɔ́ɔsuu nɛsɑ́ŋ nu lɑ ŋ́ɡɛ,

1 Timɔtɛ́ɛ 6:17

Ɛ́ ɡʉ nǔu pʉɔ pinɛ pɔ́p ɡɑŋyúu ndǔ yɔ mbí, n cú mbɔ̌ pɔ́p ŋɡɔ pɔ́p pɑ́ɑ nɛŋɑ́Ꞌlɛ mbʉʉ, ŋɡɔ kɔɔ pɔ́p ńnɑ́ŋ ńzẅíꞋlɛ wɔp nɛpɔŋ pɔ nǔu yúu mi pɔ́p ɡẅɛɛnɛ, mbíꞋŋɡɔ ɛ́ pɔ́ pɔ fuꞋnjʉɔ. Cú mbɔ̌ pɔ́p ŋɡɔ pɔ́p zẅíꞋlɛ wɔp nɛpɔŋ pɔ mbɔ̌ Sɛ́ ẅi ɑ ɡɑ́nɛ wɛkŋɛ nɛ́ yúu tsʉʉ tɛ ɛ́ zɑ́ɑ zɑ́ɑnɛ ŋɡɔ pɛkŋɛ lɔk ńtsɑ́ɑtɛ.

1 Timɔtɛ́ɛ 6:13

Mɔ sɛ́ ńcú yɔ nu mbɔ̌ wú, ńtʉ́ʉ mbi Sɛ́ ẅí ɑ ɡɛnɛ yúu tsʉʉ pɔ́ ɡú, mbɑ mbi Yɛ́su Kɛlístɔ ẅí ɑ kɑ tʉ́ʉnɛ mbi Pɔ́ŋtí Pilɑ́tɔ ńcú nu nɛ́nẅín yi ɑ jínɛ:

1 Timɔtɛ́ɛ 6:2

Ɛ́ ɡʉ nǔu pɛkwɑɑ pi pʉɔ pɔ́p ɡẅɛɛnɛ wɔ́p pʉɔ-Kɛlístɔ pɔ́p pɑ́ɑ nɛkwɑŋɛ ŋɡɔ pɑ́Ꞌ pɔ́p pɛpɔ́p pɔ́ɔpɛ́mɑ́ lɑ́ ŋ́ɡwɑ́k wɔ́p. Tɛ ńtsʉ́Ꞌ pɔ́Ꞌɔ, pɔ́p fɑꞋ fɑꞋ yɔ́p ɛ́ pɔŋ ńdɛɛ pɑ́Ꞌ pɔ́p kɑ zɛɛ ḿbɔ́ ɛ́fɑꞋ, mbíꞋŋɡɔ pʉɔ pi pɔ́p fɑꞋnɛ mbɔ̌ pɔ́p zɑ́p tʉ́m nǔu Kɛlístɔ Sɛ́ kɔŋ wɔ́p pɔ́p pɔ́ ńjʉ́ pii-fɑꞋ-pɛkwɑɑ pɔ́p. Yúu mi ɔ ɡʉ ḿbɔ́ ńzíꞋ pʉɔ, ɛ́ pɛn ḿbɔ́ ńníꞋ mɛtʉʉ mɔ́p nɛɡɛ pɔ́Ꞌɔ, pʉ́ɔ lɑɑ:

1 Timɔtɛ́ɛ 5:7

Yɔ lɔk ḿbɔ́ yúu mi ɔ ɡẅɛɛ nɛcú nu mbɔ̌ pɔ́p, ńjí ŋɡɔ pɛ́ kɛ́ kẅíi lík yɔ́p kɛpɔŋ pɔ́.

1 Tɛsɑlɔník 4:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ ɛ́ pɔ́ pɔ ŋɡɔ pɛk kɑ sẅíi wʉ́ʉ nɛ́ ntɛ́ yi ɛ́ lɑɑ ḿbɔ́ pʉʉ lɔk ńnɑ́ŋ pɔ́Ꞌɔ, nu yʉ́ʉ pɔŋ Sɛ́. Ɛ́ ɡʉ ŋ́ɡɛ pɑ́Ꞌ lɑ́ pʉʉ pɔ́ ńnɑ́ŋ pɔ pɔ́Ꞌɔ. Lɑ́ pɛk pɛn ḿbɔ́ ḿbíkŋɛ mbɔ̌ pʉʉ, tɛ ḿbúꞋ pɔ mbɔ́ nǔu lík-Tsɑpʉɔ Yɛ́su ŋɡɔ, pʉʉ ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi.

ŊwɑꞋnɛ-Gɑŋntúu Yɛ́su Kɛlístɔ 20:2

ŋ́kúu zúꞋu, ńjɛ́Ꞌ tsɛt yîyɑ́ pɑk-ŋɡɔŋ, ńnɛn ńníꞋ mɛtʉʉ pʉɔ-Kɛlístɔ ńdɔk ŋ́ɡʉ nɛ́ mbi, ɛ́fú zúꞋu ŋ́ɡʉ tɛ ŋ́kúu tsɛt pɑk-ŋɡɔŋ-Ŋɡɛlɛk ŋ́kúu zúꞋu,

Tîtɛ 2:9

ZíꞋ mbɔ̌ pɛkwɑɑ ŋɡɔ: «Pɔ́p zúꞋ ntsu-pʉɔ pi pɔ́p ɡẅɛɛnɛ wɔ́p, tɛ mbɑ nǔu kʉ̈ɔ́ lɑ́, ŋɡɔ pɔ́p lɔɔ shʉ́ ŋ́ɡɛ yúu mi ɛ́ pɔŋnɛ pʉɔ pi pɔ́p ɡẅɛɛnɛ wɔ́p, ŋɡɔ kɔɔ pɔ́p zɔŋ nu ntsu pɔ́p,

Ɛ́fɛ̂zɛ 4:17

Ɛ́ yúu mi ɛ́ ɡɛnɛ, m bɔ́ ńcú yɔ nu tɛ tsuŋ ńcú mbɔ̌ pʉʉ nǔu lík-Tsɑpʉɔ ŋɡɔ: Kɔɔ pʉʉ pɛn ŋ́ɡɛ yʉ́ʉ pɔ pɑ́Ꞌ pʉɔ pi pɔ́p kɑ́ jí Sɛ́ pɔ́ lɑ́. Pɔ́p ɡɛ pɔ yúu mi kwɑŋɛ yɔ́p yi ɛ́ kɑ́ cẅɛ́lɛ́ sẅiŋɛ wɔ́p ŋɡɔ pɔ́p ɡɛ.

Lúkɑ́shi 16:28

MbíꞋŋɡɔ pɔ́ɔpɛ́mɑ́ pɑ́ɑ pɛ́ mbɛ́ɛnɛ lɑ́Ꞌ pɛ́tɑɑ. N tsɑ́ɑ ŋɡɔ Lɑzɑ̂ɑ pɛn ŋ́kɑ́k nɛtúutɛ nɔ́p, ŋ́ɡɑ́ wɔ́p nɛ́ ntík ḿbɔ́k pɑꞋ pɔ́p ɡʉ ńdɑ́Ꞌ ḿbɛn ńtɔ́ ŋ́kúu yɔ́p tsɛt yɔ zʉꞋ ŋɡʉ̈ɔ́Ꞌ.»

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

1 Tɛsɑlɔník 5:14

Pɔ́ɔpɛ́mɑ́, pɛk sɛ́ ḿbúꞋ mbɔ́ mbɔ̌ pʉʉ ŋɡɔ pʉʉ ɡɑ́ ntík mbɔ̌ pɛlɔ́ŋ, ńní mɛtʉʉ-pʉɔ pi pɔ́p kɑ́ ɡẅɛɛ mbɔŋyúu pɔ́, ńtɔ́ɔtɛ pʉɔ pi pɔ́p pɛ́t pɔ kɛ́ tɛntɛ, ŋ́ɡẅɛɛ pɔ kɔkmbʉʉ nzʉʉ mbɑ wɔ̌ lɑ́.

3 Jɑ̂ŋ 1:4

Yɑ́ɑ mɑ́mɑ́ tsɑ́ɑtɛ ɛ́ pɔ́ pɔ nɛzúꞋ ŋɡɔ mbɔ́ŋkʉ̈ɔ́ pɑ́ɑ sɛ́ ńnɛn pɔ pɑ́Ꞌ nu nɛ́nẅín sɛ́ ḿbíkŋɛ.

2 Tɛsɑlɔník 2:5

Tɛ pʉʉ kɑ́ pɔ́ ŋ́kẅíitɛ ŋɡɔ ŋkɑ́ yi ŋ kɑ pɔ́nɛ tsɛtsɛt pʉʉ, ŋ kɑ sẅíi wʉ́ʉ nɛ́ mɛnɛ mɛnu pɔ́ ɔɔ?