1 Kɔlɛ̂ŋtɛ 8:6 - Kɑɑ Fí

⁶ lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

1 Kɔlɛ̂ŋtɛ 8:6 Referans Kwoze

Pʉɔ-Lɔ́mɑ 11:36

Mbɑ kʉ̈ɔ́ lɑ́ zɛɛ ɛ́fú pɔ mbɔ̌ wɛ́. Mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ lɑ ɛ́ pɔ́ ɡú, ɑ pɛn ḿbɔ́ pɔ jʉ́. Pɛ́ ɡúꞋlɛ wɛ́, mɛŋɡuꞋ mɛŋɡuꞋ. Ɛ́ pɔ́Ꞌɔ.

Jɑ̂ŋ 1:3

Kʉ̈ɔ́ lɑ́ ɡɔ́ ḿbɔ́ ɡú, ńdɛɛ pɔ nǔu wɛ́. Yɛcɔ́ yúu pɔɔ pɔ́ ɡú kɛ́ pɔ́ yi ɛ́ lɛɛ pɔ nǔu wɛ́ pɔ́.

1 Kɔlɛ̂ŋtɛ 8:4

Ɛ́ kɛ́ ŋ́ɡʉ nǔu nu pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ pɛkŋɛ sɛ́ ńjí ŋɡɔ yɛcɔ́ yúu mi ɛ́ lɑɑ ḿbɔ́ pɛ́ ɡúꞋlɛ ŋɡɔ ɛ́ yɛcɔ́ sɛ́ kɑ́ pɔ́ ndǔmbí pɔ́. Pɛkŋɛ sɛ́ ńjí ŋɡɔ Sɛ́ pɔ́ pɔ wɛ́mɔ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 17:28

Pɛ́ zɛɛ ńcú ŋɡɔ: “Pɛkŋɛ lɔk pɔ wɛ́ lɑ́ ḿbɔ́ ɡú. Jʉ́ ɡɛnɛ pɛkŋɛ ŋɑtnɛ. Jʉ́ ɡɛnɛ pɛkŋɛ pɔ́ ɡú.” Mbɑ pɛcɔ́ pɑsɑknɛkɛt pʉ́ʉ kɑ pɛn ńcú ŋɡɔ: “Pɛkŋɛ zɛɛ ḿbɔ́ pɔ pʉɔ nǔu njẅɛt yɛ́.”

Jɑ̂ŋ 14:20

Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

1 Kɔlɛ̂ŋtɛ 12:3

Ɛ́ pɔ́Ꞌɔ lɑ m bɔ́ ŋ́kɔŋ ŋɡɔ pʉʉ jí ŋɡɔ Zẅikŋɛ-Sɛ́ lɑɑ mbɔɔ ńtsʉ́ʉnɛ ŋu nɛcú nu pɔ́, mbɔ ḿbɔ́ ŋɡɑŋ pɔɔ níꞋ ndɔɔ tú-Yɛ́su pɔ́. Zẅikŋɛ Lɛ́ɛnɛ́nɛ lɑɑ ḿbɛn mbɔɔnɛ tsʉ́ʉnɛ ŋu nɛcú nu pɔ́, mbɔ ŋɡɑŋ kɑ́ kuꞋ nɛcú ŋɡɔ Yɛ́su Tsɑpʉɔ pɔ́.

ŊwɑꞋnɛ-Gɑŋntúu Yɛ́su Kɛlístɔ 2:36

Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

Jɑ̂ŋ 13:13

Pʉʉ fúŋnɛ wɑ́ɑ ŋɡɔ Cícɑ, ɛ́fúŋ wɑ́ɑ ŋɡɔ Tsɑpʉɔ, ńcú sẅíinu mbíꞋŋɡɔ mɔ jʉ́.

Mɑtʉ̈ɔ 28:18

Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Mɛnu ɛ́ ńdɑ́Ꞌ ńcẅɛt 1:18

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»

Ɛ́fɛ̂zɛ 3:14

Ɛ́ yúu mi ɛ́ ɡɛnɛ ŋ kẅíꞋlɛ mbi Sɛ́ Tɑ́t

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Kɔlɔsíyɛ̂ŋ 1:6

Ŋkʉʉ Sʉ́Ꞌnɛ sɛ́ ɛ́sɑt zʉꞋ ndǔmbí kɛ́ vuꞋ yɛcɔ́, ḿbɔ́ pɑ́Ꞌ tʉ́ yi ɛ́ sɛ́ ńzɛ́m ntɑ́ɑ, ḿbɛn ḿbɔ́ ŋ́ɡúꞋ lɑ́, ɛ́ tsɛtsɛt pʉʉ, ḿbɛn ḿbɔ́ ŋ́ɡʉ nɛ́ mbi pɔ pɔ́Ꞌɔ, tɛ ɛ́fú nduŋmbi lɛ́Ꞌ yi pʉʉ kɑ zúꞋnɛ pɛ́ zɛ nɛkẅíi pɑ́Ꞌ Sɛ́ lɔk mɛnu sʉ́Ꞌnɛ mɛ́ ŋ́ɡɑ́ fuꞋ-pʉɔ, yi ɛ́ tsuŋ ḿbɔ́ nɛ́nẅín.

Ɛ́fɛ̂zɛ 1:3

Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,

1 Kɔlɛ̂ŋtɛ 6:13

Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

Jɑ̂ŋ 1:10

Jʉ́ sẅiŋɛ m̄bɔ́ ndǔmbí, lɑ́ pʉɔmɛsɔŋ kɛ́ mbɔɔ wɛ́ jí. Lɑ mbɔ Sɛ́ kɑ lɔk pɔ sẅiŋɛ ɛ̂yɑ́ lɑ ḿbuꞋ ŋɡɔŋ.