1 Kɔlɛ̂ŋtɛ 7:9 - Kɑɑ Fí

⁹ Lɑ́ ŋ́kɛ́ ḿbɔ́ yi pɔ́p jʉ́ɔ ŋɡɔ pɔ́p kɑ́ kuꞋ nɛɡẅɛɛ mbʉʉ yɔ́p pɔ́, pɔ́p zɔ́Ꞌ, mbíꞋŋɡɔ mbi nɛzɔ́Ꞌ ńdɛɛ nɛnɑ́ŋ ńtsɑ́ɑ.

1 Kɔlɛ̂ŋtɛ 7:9 Referans Kwoze

1 Timɔtɛ́ɛ 5:14

Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.

1 Kɔlɛ̂ŋtɛ 7:2

Lɑ́ ɛ́ kɛ ńtsʉ́Ꞌ yi ŋu puutɛ mbɑ wɔ̌ lɑ́ pɔ́p nɛ́ nɔɔ nɔɔnɛ, wɛ́tɛ́ ŋu mbɛ́ɛnɛ lɑ́ kúꞋlɛ nzwɛ́ wɛ, wɛ́tɛ́ mɑŋɡɛ́ lɑ́ kúꞋlɛ ndúu mɛ.

1 Timɔtɛ́ɛ 5:11

Kɔɔ kɛ́ ŋ́ŋwɑꞋnɛ mɛlík-pɛpfúk pi pɔ́p pɛ́t ḿbɔ́ pɔ mbɔ́ŋkʉ̈ɔ́ tsɛt ŋwɑꞋnɛ-pɛpfúk. Ɔ lɑɑ ŋ́ɡɛ pɔ́Ꞌɔ, mbɔ pɔ́p ɡʉ ńnɑ́ŋ tɛ nu-nɛzɔ́Ꞌ lɔ sɛ́ tú pɔ́p, pɔ́p ḿmɛ fɑꞋ yi pɔ́p kɑ́ pɔ́ ɛ́fɑꞋ nzʉʉ Kɛlístɔ, ŋ́ɡʉ ńzɔ́Ꞌ,

1 Kɔlɛ̂ŋtɛ 7:28

Ɔ lɑɑ ńzɛɛ ńzɔ́Ꞌ, mbɔ ɔ kɑ́ fɑɑnɛ yɛcɔ́ nu pɔ́. Mɔ́ɔ mɑŋɡɛ́ lɑɑ ńzɛɛ ńzɔ́Ꞌ, mbɔ ɑ kɑ́ fɑɑnɛ yɛcɔ́ nu pɔ́. Lɑ́ pʉɔ pi pɔ́p zɔ́Ꞌnɛ ɡʉ ŋ́ɡɛ ḿbɔ́ lɛ́Ꞌ tsʉʉ ḿbɔ́ ńjʉ́ɔ pɔ ŋɡʉ̈ɔ́Ꞌ. N tsɑ́ɑ pɔ ŋɡɔ kɔɔ pʉʉ kúu yîyɑ́ ŋɡʉ̈ɔ́Ꞌ.

1 Kɔlɛ̂ŋtɛ 7:39

Ɛ́ ɡʉ nǔu mɑŋɡɛ́ ẅi ɑ zɔ́Ꞌnɛ ɑ kɛ́ ŋ́ɡẅɛɛ pɔ nɛlɑt mbʉʉ yɛ nǔu ndúu mɛ nǔu ŋkɑ́ yi ndúu mɛ pɛ́t ɡú. Ndúu mɛ kɛ́ ḿpfú, ɑ ɡẅɛɛ nɛzɔ́Ꞌ ŋu ẅi jʉ́ mɑŋɡɛ́ kɔŋnɛ. Nu pɔ́ pɔ ŋɡɔ ẅîwɑ́ ŋu mbɛ́ɛnɛ pɔ́ ŋu-Kɛlístɔ.

1 Kɔlɛ̂ŋtɛ 7:36

Ɛ́ ɡʉ nǔu mɔ́ɔ mbɛ́ɛnɛ ẅi ɑ kɑŋnɛ mɔ́ɔ mɑŋɡɛ́, nu yɛ́ pɔ́ tú wɛ́ tɛꞋ, lɑ́ ḿbɔ́ ḿbɔ́k nɛɡɛ pɑ́Ꞌ ɛ́ kɑ́ pɔ́ ḿbíkŋɛ pɔ́ nǔu wɛ́, ńjʉ́ɔ ŋɡɔ pɛ́ ɡʉ niitɛ mɛnu pɑ́Ꞌ ɛ́ sɛ́ ḿbíkŋɛ, ɑ ɡɛ pɑ́Ꞌ ɑ jʉ́ɔnɛ. A kɑ́ pɔ́ pɔ́Ꞌɔ ńdɔk ɛ́fɑɑnɛ pɔ yɛcɔ́ nu pɔ́. Ɛ́ pɔŋ ŋɡɔ pɔ́p zɔ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 19:36

Mbɔ ŋu pɔɔ sẅiŋɛ yɔ lúꞋ. Ɛ́ yɛ́tɛ́ lɑ́ n cú ŋɡɔ pʉʉ nɑ́Ꞌ, ŋ́ɡɔ ŋ́ɡɛ nu ŋ́kwɑŋɛ.

1 Tɛsɑlɔník 4:4

ŋɡɔ mbɑ wɔ̌ lɑ́ tsɛtsɛt pʉʉ ɡuutɛ mbʉʉ yɛ nǔu ntɛ́ yi Sɛ́ sɛ́ ŋ́kɔŋ, nǔu ntɛ́ yi ɛ́ ɡẅɛɛnɛ mɛkuꞋ.