1 Kɔlɛ̂ŋtɛ 6:13 - Kɑɑ Fí

¹³ Pʉʉ pɛn ḿbɔ́ ńcú ŋɡɔ: «Pɛ́ kɑ ɡɛ yúupɛ́jʉ́ mbíꞋ nɛpɛm, ŋ́ɡɛ nɛpɛm mbíꞋ yúupɛ́jʉ́.» Ɛ́ nu nɛ́nẅín lɑ́ Sɛ́ ŋ́ɡɛ ɛ́sɑt yúupɛ́jʉ́ mɛꞋ, ḿbɛn ɛ́sɑt nɛpɛm. Mbɑ pɔ́Ꞌɔ, mbɔ ŋu pɔɔ lɔk mbʉʉ yɛ́ ŋ́ɡɛ mbɑ kʉ̈ɔ́ lɑ́ yi ɑ tsɑ́ɑnɛ pɔ́, mbíꞋŋɡɔ mbʉʉ-ŋu yɛ Tsɑpʉɔ, Tsɑpʉɔ líŋɛ́nɛ nu ŋ́ɡɑ́ nǔu.

1 Kɔlɛ̂ŋtɛ 6:13 Referans Kwoze

1 Kɔlɛ̂ŋtɛ 6:19

Pʉʉ kɑ́ pɔ́ ńjí ŋɡɔ mbʉʉ yʉʉ ndɑ́-Zẅikŋɛ Lɛ́ɛnɛ́nɛ pɔ́ kíi? Yîyɑ́ Zẅikŋɛ tsẅɛ́ tsɛtú, mbɔ Sɛ́ kɑ ɡɑ́nɛ mbɔ̌ pʉʉ. Pʉʉ pɔɔnɛ ɡẅɛɛ túmbʉʉ yʉ́ʉ pɔ́.

1 Kɔlɛ̂ŋtɛ 3:16

Pʉʉ kɑ pɔ́ ńjí ŋɡɔ pʉʉ pɑ́Ꞌɑ ḿbɔ́ ndɑ́-nɔŋpɔꞋ, Zẅikŋɛ-Sɛ́ pɔ́ tsẅɛ́ tsɛtú pɔ́ ɔɔ?

Pʉɔ-Lɔ́mɑ 6:12

Pɔ́Ꞌɔ lɑ́, ɛ́ kɑ́ pɔ́ ḿbíkŋɛ ŋɡɔ nu kɛpɔŋ pɛn ɛ́sɑ́Ꞌ mbʉʉ yʉʉ yi ɛ́ ɡʉ ŋ́ɡɛ ḿpfú pɔ́, pʉʉ pɑ́ɑ nɛpɛn ńnɑ́ mbʉʉ yʉʉ ɛ́ tsʉ́ʉnɛ wʉ́ʉ ńníꞋ tsɛt kɛɡʉ̈ɔꞋ.

1 Kɔlɛ̂ŋtɛ 6:15

Pʉʉ kɑ́ pɔ́ ńjí ŋɡɔ mbʉʉ yʉʉ mɛkɛm-mbʉʉ-Kɛlístɔ pɔ́ kíi? Ŋ ɡʉ ńdɔk kɛm-mbʉʉ-Kɛlístɔ ńdɔk ŋ́ɡɛ kɛm-mbʉʉ-ŋkɑttʉ́ mɑŋɡɛ́? Ŋɡɑ́ŋ,

Ɛ́fɛ̂zɛ 5:23

MbíꞋŋɡɔ ndúu-mɑŋɡɛ́ pɔ́nɛ túmbi, mɑŋɡɛ́ pɔ́ mbɑp-mbʉʉ. Kɛlístɔ pɔ́ tú, cúꞋlɛ-pʉɔ pɛ́ pɔ́ mbɑp-mbʉʉ yɛ. Jʉ́ ɡɛnɛ lɑ cúꞋlɛ-pʉɔ pɛ́ ɡẅɛɛ luk kɛ́mɛ.

Mɑtʉ̈ɔ 15:17

Yúu fú ntsu-ŋu ńdɛɛ, ŋ́kúu nɛpɛm yɛ́, ḿbɛn ɛ́fú nɛpɛm yɛ́ ńcẅɛt, ŋ́kúu tsɛt kɔt.

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

2 Kɔlɛ̂ŋtɛ 11:2

Pʉʉ jí ŋɡɔ ŋ kɔŋ wʉ́ʉ tɛ ŋ kɑ́ pɛ́m ŋɡɔ ŋu ɡɔ́ ŋ́ɡɛ yúu nǔu pʉʉ m bɔ́ ńjʉ́ɔ pɔ́. Yîyɑ́ ntɛ́ ŋkɔŋɛ yi ŋ ɡẅɛɛnɛ nzʉʉ pʉʉ fú pɔ mbɔ̌ Sɛ́, mbíꞋŋɡɔ pʉʉ mbɔ̌ mɔ, ḿbɔ́ pɑ́Ꞌ mɔ́ɔ mɑŋɡɛ́ ẅi ŋ kɑ pʉ́nɛ mbɔ̌ tɑ́Ꞌ ŋu wɛ́mɔ́Ꞌ, ŋɡɑŋ pɔ́ Kɛlístɔ. Mɔ sɛ́ ńdɛꞋlɛ wʉ́ʉ mbɔ̌ wɛ́ ŋɡɔ pʉʉ pɑ́Ꞌ mɔ́ɔŋɡɔɔ ẅi ɑ kɑ́ tíi yɛcɔ́ lɔ́Ꞌ pɔ́.

2 Kɔlɛ̂ŋtɛ 5:15

A kɑ pfú nǔu tú-pʉɔ tsʉʉ, nɛpɔ́ yi pʉɔ pi pɔ́p ntʉʉ kɛ́ pɛn ḿbɔ́ ɡú pɔ́ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɔ́p pɔ́. Pɔ́p ɡʉ ńtsʉ́Ꞌ ḿbɔ́ ɡú, pɔ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɛ́, jʉ́ ẅi ɑ kɑ pfúnɛ nǔu tú yɔ́p lɑ Sɛ́ zẅíimɛ wɛ́ nǔu nɛvú.

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

Jɑ̂ŋ 6:49

Pɛmɑ́ŋɡɑpnjẅɛt pʉ́ʉ kɑ kwɛ́t yúujʉ́ yi pɛ́ fúŋnɛ ŋɡɔ mɑ̂ɑnɛ kɔ̂ŋtɛt, ḿbɛn ḿpfú pfúnɛ.

Jɑ̂ŋ 6:27

Kɔɔ pʉʉ sɑ́Ꞌ tʉʉ nǔu yúupɛjʉ́ pi ɛ́ kɛ́ lɑ́ɑtɛ, pʉʉ sɑ́Ꞌ tʉʉ pɔ nǔu yúupɛjʉ́ pi ŋu jʉ́, ɛ́ ɡɑ́ luk kɛ́mɛ. Mɔ́ɔ-Ŋu ɡʉnɛ ŋ́ɡɑ́ yîyɑ́ yúupɛjʉ́ mbɔ̌ pʉʉ, mbíꞋŋɡɔ Tɑ̌ɑ Sɛ́ kɑ cʉɔꞌ lii yɛ́ nǔu wɛ́.»

Mɑ́lɛ́kúshi 7:19

Ɛ́ kɑ́ kúu tsɛt tʉ́m ŋɡɑŋ pɔ́, ɛ́ kúu pɔ tsɛt nɛpɛm nɛ́, ńcẅɛt ŋ́kúu tsɛt kɔt. Yɛ́su lɔk ńcú ŋɡɔ: yúu mi pɛ́ jʉ́ jʉ́nɛ kɑ́ pɔ́ yi ɛ́ mbi Sɛ́ ḿbɔ́ yi ɛ́ níꞋnɛ lɔ́Ꞌ nǔu ŋu pɔ́,

Mɑtʉ̈ɔ 15:20

Jʉ́ɔ yúu mi ɛ́ níꞋnɛ lɔ́Ꞌ nǔu ŋu, lɑ́ ḿbɔ́ yi ŋu lɑɑ ńjʉ́ yúu kɛ́ suk mbɔ́ pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ, ɛ́ pɔɔ níꞋ lɔ́Ꞌ nǔu wɛ́ pɔ́.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.