1 Kɔlɛ̂ŋtɛ 5:7 - Kɑɑ Fí

⁷ Pʉʉ cẅɛɛtɛ fɛntɛ-ndwɛn mɑt tsɛtsɛt pʉʉ, ńjí ŋɡɔ pʉʉ ɡʉ ḿbɔ́ kɛ́ lɔ́Ꞌ. Ɛ́ fú pɔ́Ꞌɔ, pʉʉ pɔ́ fɑlîn tsɛpnɛ yi ɛ́ pɛ́t pɔ yi fí, kɛ́ yɛcɔ́ fɛntɛ nǔu. Pʉʉ kɑ zɛɛ mɔ́ ńdɑ́Ꞌ ḿbɔ́ pɔ́Ꞌɔ, mbíꞋŋɡɔ pɛ́ kɑ lɔk Kɛlístɔ ńnɔŋ pɔꞋ, ɛ́ pɔ́ pɑ́Ꞌ wɛkŋɛ mɔ́ɔ-njinjɔ-ndínɑ-Pɑ́skɑ lɑ́.

1 Kɔlɛ̂ŋtɛ 5:7 Referans Kwoze

Ɛ́fɛ̂zɛ 4:22

mbɔ ɛ́ sɛ́ ḿbíkŋɛ ŋɡɔ pʉʉ cẅɛt nǔu ndwɛn mɑt ẅí pɛ́ kɑ lɔknɛ ḿbí wʉ́ʉ, ndʉ́ŋndʉŋ pɑ́Ꞌ ŋu ɛ́sɔt ndwɛn ndẅí nǔu wɛ́ ḿmɛꞋ lɑ́. Ẅîwɑ́ mɑt ɛ́ ẅí ɑ ḿbɔ́ ńdɛɛ nǔu mɛyúu kɛpɔŋ mi ɑ ḿbɔ́ ńtsɑ́ɑ, ŋ́kẅiꞋ ḿbʉ́k pʉ́knɛ. Mîmɑ́ mɛyúu kɛpɔŋ pɔ́ mi ɛ́ ɛ́fúklɛ́nɛ ŋu fúklɛ́nɛ.

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

Mɛnu ɛ́ ńdɑ́Ꞌ ńcẅɛt 5:12

ḿbɔ́ ńzɔp ńcú ŋɡɔ; Mɔ́ɔ-Njinjɔ ẅí pɛ́ kɑ jẅínɛ wɛ́ lɑ́, ɑ kuꞋ ŋu ẅí ɛ́ lɑɑ ḿbɔ́ pɛ́ ɡɑ́ mɛtʉʉ mbɔ̌ wɛ́, ŋ́ɡɑ́ mɛyúu mbɔ̌ wɛ́, ŋ́ɡɑ́ jínu mbɔ̌ yɛ́, ńtɔꞋ ŋɡúꞋ yɛ, ŋ́ɡɑ́ mɛkuꞋ mbɔ̌ wɛ́, ŋ́ɡɑ́ nɛɡúꞋ mbɔ̌ wɛ́, ńzɔp lík yɛ́.

1 Kɔlɛ̂ŋtɛ 10:17

Pɑ́Ꞌ tɑ́Ꞌ mbɛlɛ̂ɛt wɛ́mɔ́Ꞌ pɔ́nɛ sɛ́ lɑ́, pɛkŋɛ pɛtsʉʉ tɛmtɛ ŋ́kwɛ́t yîyɑ́ tɑ́Ꞌ mbɛlɛ̂ɛt ńdɔk ńnyɛt ŋɡɔ pɛkŋɛ tɛmtɛ ḿbɔ́ pɔ tɑ́Ꞌ mbʉʉ wɛ́mɔ́Ꞌ.

Jɑ̂ŋ 19:14

Ɛ́ pɔ́ lɛ́Ꞌ yi pɛ́ niitɛ́nɛ ndínɑ-Pɑ́skɑ, ɛ́ kɑ pɔ́ ntʉ̌ʉ nɛm. Pilɑ́tɔ cú mbɔ̌ Pɑyúdɑ ŋɡɔ: «Fɔɔ wʉʉ pʉ́ɔlɑ́.»

Mɑ́lɛ́kúshi 14:12

Nduŋmbi lɛ́Ꞌ ndínɑ-Mbɛlɛ̂ɛt kɛ́ fɛntɛ pɔ́ tɛ ŋ́kuꞋ, ḿbɔ́ lɛ́Ꞌ yi pɛ́ ɡwɑtnɛ mɛnjinjɔ ńdɔk ńjʉ́ ndínɑ-Pɑ́skɑ, ɡɑŋku-Yɛ́su píkŋɛ wɛ́ ŋɡɔ: «Ɔ kɔŋ ŋɡɔ pɛk ɡʉ ɡɔ́ ńniitɛ zʉꞋ, ɔ jʉ́ Pɑ́skɑ zúꞋu?»

Jɑ̂ŋ 1:36

A mɑꞋ lík, ńjʉ́ɔ Yɛ́su pɑ́Ꞌ ɑ sɛ́ ńdɛɛ, ńcú ŋɡɔ: «Yɔ Mɔ́ɔ-Njinjɔ-Sɛ́.»

1 Kɔlɛ̂ŋtɛ 5:13

Sɛ́ ɡʉ ńdɑ́Ꞌ ŋ́ŋɑk pʉɔ pi pɔ́p kɑ́ pɔ́ pʉɔ-Kɛlístɔ pɔ́. Pʉʉ fú tsɛtsɛt pʉʉ ńzuŋ ŋu kɛpɔŋ.

Mɑtʉ̈ɔ 13:33

Yɛ́su pɛn ńcú yɔ sɑknɛkɛt ŋɡɔ: «Nu-nɛfɔɔ-Sɛ́ pɔ́ pɑ́Ꞌ mɔ́zʉꞋ fɛntɛ yi mɑŋɡɛ́ lɔknɛ ɛ́fɛntɛ fɑlîn yi ɑ fʉꞋnɛ túkɑ́ŋ yɛ́tɑ́t ńtsɛp, ḿbúꞋ púꞋnɛ tɛ mɔ́zʉꞋ fɛntɛ ɛ̂yɑ́ ɡɛ, fɑlîn yi tsɛpnɛ ɛ̂yɑ́ kɔ́Ꞌ tsʉʉ.»

Pʉɔ-Lɔ́mɑ 3:25

Sɛ́ kɑ lɔk wɛ́ ńnɔŋ pɔꞋ pɑ́Ꞌ mɛci mɛ́ ɡʉ ɛ́suk mɛnu kɛpɔŋ-pʉɔ pinɛ pɔ́p zɑ́pnɛ tʉ́m nǔu jʉ́ Kɛlístɔ. Pɑ́Ꞌ ŋu kɑ ɡẅɛɛnɛ nɛpfú nǔu mɛnu kɛpɔŋ-pʉɔ lɑ́, ɛ́ lɔk ńnyɛt ŋɡɔ Sɛ́ ɡɛ mɛnu mɛ́ ndʉ́ŋndʉŋ. Ɛ́ kɑ pɔ́ yɛcɔ́ ŋkɑ́, pʉɔmɛsɔŋ pɔ́ ŋ́ɡɛ nu kɛpɔŋ, jʉ́ Sɛ́ ɡɛ pɔ pɑ́Ꞌ ŋkɑ́ yi ɑ kɑ́ pɔ́ ńjʉ́ɔ pɔ́ lɑ́.