1 Kɔlɛ̂ŋtɛ 5:11 - Kɑɑ Fí

¹¹ Ŋɡɑ́ŋ, ŋ kɑ pɔ́ ŋ́ŋwɑꞋnɛ ńcú mbɔ̌ pʉʉ pɔ ŋɡɔ, pʉʉ pɑ́ɑ ŋu ẅí ɑ tsɛtsɛt pʉʉ ḿbɔ́ ńcú ŋɡɔ ɑ mɔ́ɔmɑ́ wʉ́ʉ nzʉʉ Kɛlístɔ, ḿbɛn ńtsɛ́t mbɑ wɔ̌ lɑ́ pɔ́pnɛ́ nɔɔ nɔɔnɛ, ḿbɔ́ ntsɔ́ŋ, kɛ ḿbɔ́ pɔ ŋu ẅí ɑ ɡúꞋlɛ́nɛ mɛyúu ŋɡɔ ɛ́ mɛsɛ́ ɔɔ, kɛ pɔ ŋu ẅí ɑ sẅiŋɛ́nɛ kɛpɔŋ nǔu mɛlík-pʉɔ ɔ́ɔ, kɛ pɑ́lɛ́-mɛluꞋ ɔɔ, kɛ pɔ ŋu ẅí ɑ kɔŋnɛ ŋkɑ́p tɛꞋ ɔɔ. Kɔɔ pʉʉ pɛ yîyɑ́ ntɛ́ ŋu zɛɛ ńtɛmtɛ yúu ńjʉ́.

1 Kɔlɛ̂ŋtɛ 5:11 Referans Kwoze

Pʉɔ-Lɔ́mɑ 16:17

Pɔ́ɔpɛ́mɑ́ pɑ́ɑ, mɔ ńcú mbɔ̌ pʉʉ ŋɡɔ pʉʉ pɑ́ɑ pʉɔ pi pɔ́p mɑꞋnɛ fyɑkŋɛ tsɛtsɛt pʉʉ, ńdɔk pɑ́Ꞌ pɔ́p lʉꞋnɛ yúu mi pɛ́ kɑ zíꞋnɛ wʉ́ʉ nǔu Kɛlístɔ, ŋ́ɡɛ pʉɔ fɑɑnɛ sɛ̂ndúŋ. Pʉʉ kʉ̈ɔ́ pîpɑ́ pʉɔ.

2 Tɛsɑlɔník 3:14

Ŋu lʉꞋ nɛzúꞋ nu yi pɛk cúnɛ tsɛt yɔ ŋwɑꞋnɛ lɑɑ, pʉʉ líŋɛ wɛ́ sʉ́Ꞌnɛ. Kɔɔ pʉʉ pɛpɔ́p pɛn ńtɛm nu, ńjí ŋɡɔ sʉ́ʉ ɡʉ ŋ́kɔ́ wɛ́.

2 Tɛsɑlɔník 3:6

Pɔ́ɔpɛ́mɑ́, pɛk lɔk lík-Tsɑpʉɔ Yɛ́su Kɛlístɔ, ńtsuŋ ńcú mbɔ̌ pʉʉ ŋɡɔ pʉʉ lʉ́ɔꞋ mbɑ wɛ́tɛ́ mɔ́ɔmɑ́ wʉʉ ẅi ɑ pɔ́k fɑꞋ pɔ́knɛ, ḿbɛn ŋ́kɛ́ ḿbɔɔ ḿbɔ́ ńnɛn nǔu ntɛ́ yi pɛk kɑ zíꞋnɛ wʉ́ʉ lɑ́ pɔ́.

Mɑtʉ̈ɔ 18:17

Lɑ́ ɑ kɛ́ ńdʉꞋ nɛzúꞋ nu yi pɔ́p cúnɛ, ɔ lɔk yɔ nu ŋ́ɡʉ cúꞋlɛ-pʉɔ-Sɛ́. A pɛn ńdʉꞋ nɛzúꞋ nu yí cúꞋlɛ cúnɛ, ɔ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ kɑ́ Jí Sɛ́ pɔ́, kɛ pɔ pɑ́Ꞌ pɛ́ líŋɛ́nɛ ńcẅɛ́ɛntsup-Pɑlɔ́mɑ ɔɔ.

1 Kɔlɛ̂ŋtɛ 5:13

Sɛ́ ɡʉ ńdɑ́Ꞌ ŋ́ŋɑk pʉɔ pi pɔ́p kɑ́ pɔ́ pʉɔ-Kɛlístɔ pɔ́. Pʉʉ fú tsɛtsɛt pʉʉ ńzuŋ ŋu kɛpɔŋ.

2 Jɑ̂ŋ 1:10

Ŋu lɑɑ ńdɔk yɛcɔ́ nu ńtɔ́ tsɛtsɛt pʉʉ, tɛ ɛ́ pɔɔ pɔ́ pɔ yi Kɛlístɔ kɑ zíꞋnɛ wʉ́ʉ pɔ́, kɔɔ pʉʉ kúkŋɛ wɛ́, kɔɔ pʉʉ zɛɛ ḿbúꞋ mbɔ́ mbɔ̌ wɛ́ mbɑ nɛcɛꞋlɛ.

Mɛnu ɛ́ ńdɑ́Ꞌ ńcẅɛt 22:15

Lɑ́ ŋ́kɛ́ ŋ́ɡʉ nǔu pɑɡɛ mɛnu pɑ́Ꞌ mvú, ɛ́ pɑɡẅɛɛ mɛkɑŋ, ɛ́ pɑɡɛ mɛnu mpfuꞋ, ɛ́ pɑjẅítɛ pʉɔ, ɛ́ pɑɡúꞋlɛ yúu ŋɡɔ ɛ́ mɛsɛ́, ḿbɔ́ mbɑ wɔ̌ lɑ́ ẅi ɑ kɔŋnɛ cɔtnu, tɛ ɛ́sẅíi yɛ́ pɔ cɔtnu, pɛɡɑŋ ɡɔ́ŋ nzɛmpíi.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

1 Timɔtɛ́ɛ 3:3

Ɛ́ kɑ́ píkŋɛ ŋɡɔ ɑ pɔ́ ŋu ẅí ɑ mɑꞋnɛ mbʉʉ yɛ nǔu mɛluꞋ pɔ́, ŋɡɔ ɑ sɑ́Ꞌ mbʉꞋ pɔ́. Ɛ́ píkŋɛ ŋɡɔ ɑ pɔ́ ŋu ẅí ɑ pɔ́tnɛnɛ, ŋu ẅí ɑ kɑ́ lɔɔ fɛꞋ pɔ́. Kɔɔ ɑ pɔ́ ŋu ẅí ɑ zɑ́pnɛ tʉ́m yɛ́ nǔu ŋkɑ́p.

Mɑtʉ̈ɔ 23:25

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík. Pʉʉ tuk mbʉʉ-ntúꞋ lɔk ńnɔ́ mɛluꞋ mbɑ yɛ kɑ́ŋ, lɑ́ yúu mi pʉʉ lɔknɛ tsɔ́ŋ pɔ́p ɡɑ́tɛ ŋ́ɡẅɛɛ pɔ́nɛ tsɛtú.

Mɛnu ɛ́ ńdɑ́Ꞌ ńcẅɛt 2:20

Lɑ́, ŋ kɛ́ ḿbɔ́ ńdɑ́Ꞌ wʉ́ʉ, mbíꞋŋɡɔ Jizɑbɛl nɛjɔ́ŋ pʉʉ, pʉʉ pɛ́m pɛ́mnɛ. Mɑŋɡɛ́ ɛ̂wɑ́ sɛ́ ɛ́sẅíi pʉɔ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɔ́Ꞌɔ, ɛ́fúklɛ ɡɑŋfɑꞋ pɑ́ɑ, ḿbɔ́ ńzíꞋ wɔ́p pɑ́Ꞌ mbɛ́ɛnɛ pɔ́p pɑŋɡɛ́ tsɛtsɛt pɔ́p lɑɑ ŋ́kẅɛ́ɛtɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ nɛkwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́.

Ɛ́fɛ̂zɛ 5:5

Pʉʉ jí ŋɡɔ, ŋu mbɛ́ɛnɛ ẅí ɑ fúŋnɛ pɑŋɡɛ́, kɛ mɑŋɡɛ́ ẅí ɑ lɔɔnɛ mbɛ́ɛnɛ ɔɔ, mbɑ ŋu ẅí ɑ ɡɛnɛ mɛnu-ndǔmbí, tɛ mbɑ ŋu ẅí ɑ zɑ́pnɛ tʉ́m yɛ́ nǔu yúu-pʉɔ, wɛcɔ́ wɔp kɛ́ ḿbɔɔ ŋ́ɡẅɛɛ yɛ́ zʉꞋ tsɛt nu-nɛfɔɔ-Kɛlístɔ pɔ́p Sɛ́ pɔ́. Nɛzɑ́p tʉ́m nǔu yúu-pʉɔ, ɛ́ pɔ́ pɔ yɛcɔ́ ntɛ́ nɛɡúꞋlɛ yúu ńdɔk ńcú ŋɡɔ ɛ́ Sɛ́.

Lúkɑ́shi 21:34

Pʉʉ lɑk tú yʉ́ʉ nǔu nɛtsʉ́Ꞌ ńjúk ŋ́kwɛ́t pɔ yúu, ńnɔ́ mɛluꞋ tɛ ḿbɑ́, ḿbɔ́ ḿmʉk mɛnu nji nji ndǔ mbí, ḿbɔ́k jínu yʉ́ʉ nɛpɛ́, lɛ́Ꞌ lɑ́Ꞌ Mɔ́ɔ-Ŋu ɡɔ́ ńtɔ́, pʉʉ pɔɔ ḿbɔ́ ḿbyɛ́p wɛ́ pɔ́,

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

1 Kɔlɛ̂ŋtɛ 8:11

Pɔ́Ꞌɔ lɑ́, ɛ́ lɛɛ nǔu yúu mi ɔ sɛ́ ńjí, ŋu ẅí ɑ pɛ́t ḿbɔ́t pɔ́tnɛ kúu pɛ́, lɑ́ ḿbɔ́ mɔ́ɔmɑ́ wɛkŋɛ ẅi Kɛlístɔ kɑ pfúnɛ nǔu tú yɛ́.

1 Kɔlɛ̂ŋtɛ 6:6

Lɑ́ ɛ́ tsɛtsɛt pʉʉ, ŋu-Kɛlístɔ lɔk wɛcɔ́ ŋ́ɡʉ zʉꞋ yi pɛ́ ŋɑknɛ mɛtsɑŋ zúꞋu, tɛ ɛ́ zɛɛ ḿbɔ́ pɔ mbi pʉɔ pi pɔ́p kɑ́ zɑ́p tʉ́m nǔu Kɛlístɔ pɔ́.

Pʉɔ-Lɔ́mɑ 13:13

Pɛkŋɛ ɡẅɛɛ tsẅɛ́ sʉ́Ꞌnɛ nǔu pɑ́Ꞌ ɛ́ sɛ́ ḿbíkŋɛ ŋɡɔ pɛ́ ɡẅɛɛ pɔ́Ꞌɔ, ŋkɑ́ yi zʉꞋ sɛ́ ɛ́fúk, ḿbɑ́ɑ nɛkwɛ́t yúu kɛ nɛ́ nɔ́ mɛluꞋ pɔ́ nɛ́ ɡɛɡʉʉ, ḿbɑ́ɑ nɛ́ puutɛ mbɑ wɔ̌ lɑ́ pɛkŋɛ pɛpɔ́p nɔɔ nɔɔnɛ, ḿbɑ́ɑ yúu mi sʉ́ʉ ɡʉ kɔ́ wɛkŋɛ nǔu, ḿbɑ́ɑ nɛtɑ́k mɛfɛꞋ, ḿbɑ́ɑ kɛ́ɡʉ̈ɔꞋ.

Mɛnu ɛ́ ńdɑ́Ꞌ ńcẅɛt 2:14

Lɑ́, ŋ kɛ́ ŋ́ɡẅɛɛ yɛcɔ́ yúu mi mɔ sɛ́ ńdɑ́Ꞌ wʉ́ʉ nǔu. Pɛcɔ́ pʉɔ njɛ́Ꞌ pʉʉ ḿbɔ́ ńzɑ́p tʉ́m nǔu ndɔktɛlɛ-Mbɑlɑm. Pɛ́ lɑ́Ꞌ Mbɑlɑm wɑ́ ẅí ɑ kɑ sẅíinɛ Mbɑlɑk, pɑ́Ꞌ Mbɑlɑk ɡʉ ńdʉꞋ ɡwɑk, pɑíslɑyɛ̂l vu nǔu. A kɑ tsʉ́ʉnɛ wɔ́p pɔ́p kwɛ́t pfuꞋ-mbɑp yi pɛ́ lɔknɛ ḿmɑꞋ mɛsɛ́, mbɛ́ɛnɛ pɔ́p pɑŋɡɛ́ tsɛtsɛt pɔ́p pɛn ḿbuutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ.

1 Timɔtɛ́ɛ 6:5

ḿbɔ́ ŋkɑ́ tsʉʉ ńzɔŋ nu tsɛtsɛt pɔ́p zɔŋnɛ, ŋ́kwɑŋɛ yɔ́p fu wɔ́p, mbíꞋŋɡɔ pɔ́p kɑ́ pɛ́t ńjí nu nɛ́nẅín pɔ́, ŋɡɔ ŋu lɑɑ ńzɑ́p tʉ́m yɛ́ nǔu Sɛ́, mbɔ ɛ́ sɛ̂ndúŋ ẅí ɑ ɡʉ ɛ́fú nǔu ŋ́ɡẅɛɛ ŋkɑ́p.

Ɛ́fɛ̂zɛ 5:18

Kɔɔ pʉʉ nɔ́ mɛluꞋ tɛ ɛ́ jʉ́ wʉ́ʉ. Nɛɡɛ pɔ́Ꞌɔ, ɛ́ nɛcʉ́ɔ nǔu sɛ̂ndúŋ kɛpɔŋ. Zẅikŋɛ Lɛ́ɛnɛ́nɛ jʉ́nɛ wʉ́ʉ.

Ŋɡɑlɑ̂t 2:12

Yîyɑ́ nu pɔ́ pɑ́Ꞌ, pʉɔ pi Jɑ̂k kɑ túunɛ, kɑ ɡɔ́ ńtɔ́, Pyɛ̂ pɔ́p pʉɔ-Kɛlístɔ pi pɔ́p kɑ́ pɔ́ pɑyúdɑ pɔ́, pɔ́ ńtɛmtɛ ńjʉ́ yúu. Pîpɑ́ pʉɔ pɔ́ tɛ ńtɔ́ ɑ lɔk pɔ ndɑ̌ɑ ndɑɑ ńcẅɛt tsɛtsɛt pɔ́p, pɔ́p pɛpɔ́p pɔɔ kii ńtɛmtɛ yúu pɔ́, mbíꞋŋɡɔ ɑ kɑ pɔ́ ḿbɔ́k nu yi pʉɔ pi pɔ́p kẅíitɛ́nɛ nu-nɛpúꞋ pʉɔ ɡʉ ńcú nǔu wɛ́.

1 Kɔlɛ̂ŋtɛ 11:21

N cú pɑ́Ꞌɑ, mbíꞋŋɡɔ ŋkɑ́-nɛjʉ́ yúu pɔ́ tɛ ŋ́kuꞋ, mbɑ wɔ̌ lɑ́ ɡwɛtnɛ ńnɑ́ŋ sɛ́, ńjʉ́ yɛ́ yúu mi ɑ lɑ́Ꞌnɛ ńdɔk ńtɔ́. Lɑ́ pɛ́ jʉ́ɔ pɛcɔ́ pʉɔ ɡɔ́ ńnɑ́ŋ nji, mbɔ pɛcɔ́ pʉɔ nɔ́ tɛ ḿbɑ́.

1 Kɔlɛ̂ŋtɛ 10:14

Ɛ́ ɡʉ nǔu mɛnu mɔnɛ tsʉʉ, mbɑ̌ɑ pɛsúu pɑ́ɑ pɛ́ tʉʉndɛn, kɔɔ pʉʉ ɡẅɛɛ yɛcɔ́ nu nǔu nɛɡúꞋlɛ yúu mi pɛ́ ɡúꞋlɛnɛ ŋɡɔ ɛ́ mɛsɛ́.

1 Kɔlɛ̂ŋtɛ 7:15

Lɑ́ ɛ́ lɑɑ ŋ́kɛ́ ḿbɔ́ yi ŋu ẅí ɑ kɑ́ pɔ́ ŋu-Kɛlístɔ pɔ́ jʉ́ɔ ŋɡɔ ɑ ɡʉ ɛ́fɑk mbʉʉ yɛ, pɛ́ nɑ́ wɛ́ ɑ fɑk. Ɛ́ ɡʉ nǔu yîyɑ́ ntɛ́, yɛcɔ́ yúu kɑ́ kúꞋlɛ ŋu-Kɛlístɔ wɛ mbɛ́ɛnɛ kɛ wɛ mɑŋɡɛ́ pɔ́. Sɛ́ kɑ zɛɛ ɛ́fúŋ wɛkŋɛ pɔ pɑ́Ꞌ pɛkŋɛ ɡʉ ńnɑ́ŋ nɛ́ mbɔ́tnɛ.

1 Kɔlɛ̂ŋtɛ 7:12

Ɛ́ ɡʉ nǔu pɛcɔ́ pʉɔ, n cú ŋɡɔ: «Ŋu lɑɑ ḿbɔ́ ŋu-Kɛlístɔ, ŋ́ɡẅɛɛ mɑŋɡɛ́ ẅí ɑ kɑ pɔ́ ŋu-Kɛlístɔ pɔ́, ẅîwɑ́ mɑŋɡɛ́ pɛ́m ŋɡɔ pɔ́pnɛ́ ńnɑ́ŋ kɔɔ ŋɡɑŋ zuŋ wɛ́.» Mɔ cúnɛ yɔ nu, Tsɑpʉɔ kɑ́nɛ cú pɔ́.

ŊwɑꞋnɛ-Gɑŋntúu Yɛ́su Kɛlístɔ 9:17

Anɑníyɑs ɡɔ́ɔ ŋ́kɛ́ ŋ́ɡʉ tɛ ŋ́kúu ndɑ́ ɛ̂yɑ́, ńzɑ́p mbɔ́ tú Sɔ̂l, ńcú mbɔ̌ wɛ́ ŋɡɔ: «Mɔ́ɔmɑ́ mɔ Sɔ̂l, Tsɑpʉɔ Yɛ́su túunɛ wɑ́ɑ. A Yɛ́su ẅí ɑ kɑ nyɛtnɛ mbʉʉ yɛ mbɔ̌ ɡu ŋ́kɑ́ yi ɔ ḿbɔ́nɛ sɛ̂ndúŋ ḿbɔ́ ńtɔ́ nɛ́ zɑꞋnɛ lɑ́. A túu wɑ́ɑ ŋɡɔ Sɛ́ ɡɛ ɔ pɛn ńjʉ́ɔ zʉꞋ. Zẅikŋɛ Lɛ́ɛnɛ́nɛ jʉ́ wú.»

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 1:15

Ɛ́ ɡɛ ḿbɔ́ yɛcɔ́ lɛ́Ꞌ, pɔ́ɔpɛ́mɑ́ cúꞋlɛ sɛ́, tɛ ḿbɔ́ yúu pʉɔ ŋkʉ nɛ́ mɛɡɛ́mɛ́mbɑ́ Pyɛ̂ lɔ sɛ́, ńtʉ́ʉ tsɛtsɛt pɔ́p ńcú ŋɡɔ:

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.