1 Kɔlɛ̂ŋtɛ 5:10 - Kɑɑ Fí

¹⁰ Mɔ ŋkɑɑ ḿbɔ́ ńdɑꞋ pʉɔ tsʉʉ pi pɔ́p tsɛt yɔ ndǔmbí ńtsɛ́t mbɑ wɔ̌ lɑ́ pɔ́p pɛpɔ́p nɔɔ nɔŋnɛ pɔ́, ŋ́kɛ́ ḿbɔɔ ńcú pɛtsɔ́ŋ tsʉʉ pɔ́, ŋ́kɛ́ ḿbɔɔ ńcú ɡɑŋ kɛ́ɡʉ̈ɔꞋ tsʉʉ pɔ́, ŋ́kɛ́ ḿbɔɔ ńcú pɑɡúꞋlɛ yúu ŋɡɔ ɛ́ mɛsɛ́ tsʉʉ pɔ́. MbíꞋŋɡɔ ɛ́ kɑ pɔ́ pɔ́Ꞌɔ, mbɔ pʉʉ kɑ tsʉ́Ꞌ ɛ́fú pɔ tsɛt nɛfɔɔ-ndǔmbí ńcẅɛt.

1 Kɔlɛ̂ŋtɛ 5:10 Referans Kwoze

1 Kɔlɛ̂ŋtɛ 10:27

Ŋu ẅí ɑ kɑ́ pɔ́ ŋu-Kɛlístɔ pɔ́ lɑɑ ɛ́fúŋ wʉ́ʉ ndɑ́ yɛ́ ŋɡɔ pʉʉ pɛpɔ́p jʉ́ yúu, pʉʉ pɛ́m, pʉʉ tɔ́ zúꞋu pɛ́ ɡɑ́ mbɑ kʉ̈ɔ́lɑ́ mbɔ̌ pʉʉ ɔɔ, pʉʉ jʉ́ kɛ́ ɡẅɛɛ yɛcɔ́ kwɑŋɛ, kɛ́ píkŋɛ yɛcɔ́ nu.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

1 Jɑ̂ŋ 5:19

Pɛkŋɛ sɛ́ ńjí ŋɡɔ pɛkŋɛ pɔ́ɔ-Sɛ́, lɑ́ ndǔmbí tsʉʉ zúꞋ pɔ mbɔ̌ ŋu kɛpɔŋ.

1 Jɑ̂ŋ 4:5

Pɑcẅi Ŋkʉʉ-Sɛ́ pɛ́ cɔtnu, pɔ́p nǔu ɡúŋ yɛ́ pʉɔ-ndǔmbí. Ɛ́ yúu mi ɛ́ ɡɛnɛ pɔ́p zíꞋ yúu ɛ́ pɔ́ pɔ yɛ́ ndǔmbí, pʉɔ-ndǔmbí pɛn ńzẅíꞋlɛ yɔ́p nu.

Filipɛ 2:15

nɛpɔ́ yi, yɛcɔ́ yúu mi pɛ́ ɡʉ ńdɑ́Ꞌ wʉ́ʉ nǔu kɛ́ pɔ́ ɡú pɔ́. Pʉʉ pɔ́ ndɛ́ɛnɛ lɛ́ɛnɛ́nɛ. Pʉʉ lɔk ḿbɔ́ ndǔ yɔ mbí, ḿbɔ́ pʉɔ-Sɛ́ pi yɛcɔ́ lɔ́Ꞌ kɑ́ pɔ́ nǔu pɔ́p pɔ́, ɛ́ lɔk ḿbɔ́ ŋɡɔ pʉʉ kyɛꞌ yi ɛ́ kyɛꞋnɛ zʉꞋ tsɛtsɛt yɔ nɔɔ-pʉɔ pi pɔ́p pɔ́ pɔ ɡɑŋcɔtnu, ḿbɛn ḿbɔ́ pɑsɑ́ŋ nu ŋkẅɛpmɛ ŋkẅɛpmɛ,

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

1 Kɔlɛ̂ŋtɛ 1:20

Jínu lɔk pɑ́Ꞌɑ ḿbɛn ḿbɔ́ ɡɔ́? Ŋkyɛ́Ꞌtɛ ŋwɑꞋnɛ-Sɛ́ pɔ́ ɡɔ́? Nzɔŋnu nǔu yɔ kɛm-njí pɔ́ yɛ́ ɡɔ́? Sɛ́ ŋkɑɑ kɛ́ ŋ́ɡɛ jínu-ndǔmbí tsʉ́Ꞌ mɛnu-pʉɔ pɔɔ?

Jɑ̂ŋ 8:23

A pɛn ńcú nɛ́ pɔ́p ŋɡɔ: «Ɛ́ ɡʉ nǔu pʉʉ, mbɔ pʉʉ pʉɔ-ndǔ tsɛ́tsɑ́Ꞌ, m bɔ́ ŋu tʉ́nɛ́pú. Pʉʉ pʉɔ ndǔ mbí, mɔ m bɔɔ ŋu yɔ mbí pɔ́.»

1 Jɑ̂ŋ 4:7

Pɛsúu pɑ́ɑ pɛ́ tʉʉndɛn, pɛkŋɛ ɡẅɛɛ ŋkɔŋɛ tsɛtsɛt pɛkŋɛ, mbíꞋŋɡɔ ŋkɔŋɛ ɛ́fú mbɔ̌ Sɛ́. Ŋu ẅí ɑ ɡẅɛɛnɛ ŋkɔŋɛ ɑ mɔ́ɔ-Sɛ́, ḿbɔ́ ńjí Sɛ́.

Jɑ̂ŋ 17:9

Mɔ pɑ́Ꞌnɛ ḿbúꞋ mbɔ́ mbɔ̌ ɡu nǔu tú yɔ́p, m búꞋ mbɔ́ mbɔ̌ ɡu pɔ nǔu tú-pʉɔ pí ɔ kɑ ɡɑ́nɛ mbɔ̌ mɔ, pɔ́p kwɑꞋ pʉɔ pú. Ŋ kɑ́ pɔ́ ḿbúꞋ mbɔ́ mbɔ̌ ɡu nǔu tú-pʉɔ-ndǔmbí pɔ́.

Jɑ̂ŋ 17:6

Ɔ kɑ fú ndǔmbí, ɛ́fyɑk pʉɔmɛsɔŋ, ŋ́ɡɑ́ mbɔ̌ mɔ, ŋ kɑ zíꞋ wɔ́p nɛjí ŋu ẅí ɔ jʉ́. Pɔ́p kɑ pɔ́ pʉɔ pú, ɔ pɛn ŋ́ɡɑ́ wɔ́p mbɔ̌ mɔ. Pɔ́p kɑ kɛ́ ńzúꞋ sẅiŋɛ yú, ŋ́ɡẅɛɛ.

Jɑ̂ŋ 15:19

«Pʉʉ kɑ pɔ́ pɛ́Ꞌnɛ ḿbɔ́ pʉɔ-ndǔmbí, mbɔ ndǔmbí kɔŋ wʉ́ʉ tɛꞋ, mbíꞋŋɡɔ ndǔmbí kɔŋ yúu mi ɛ́ yɛ́. Lɑ́ pʉʉ kɛ́ mbɔɔ pʉɔ-ndǔmbí pɔ́, mɔ kɑ tsɔ́Ꞌnɛ wʉ́ʉ, ɛ́fyɑk wʉ́ʉ nǔu pʉɔ-ndǔmbí. Ɛ́ yúu mi ɛ́ ɡɛnɛ ndǔmbí pɑɑ wʉ́ʉ.»

Lúkɑ́shi 18:11

Ŋu Fɑlísɑy ŋ́kúu zúꞋu, ńtʉ́ʉ mɑ́ntɑ́ɑ ḿbɔ́ ŋ́ɡúꞋlɛ Sɛ́ ŋɡɔ: Ɔ́ɔ! Sɛ́, ŋ ɡɑ́ pɑ́Ꞌlɑ́ mbɔ̌ ɡu tɛꞋ, ntɛ́ pɑꞋ ɔ kɑ ɡɛ m bɔɔ pɔ́ pɑꞋ pɛcɔ́ pʉɔmɛsɔŋ pɔ́. Pɔ́p pɛtsɔ́ŋ, pɔ́p kɑ́ pɔ́ ŋ́ɡɛ yúu mi ɔ sɛ́ ŋ́kɔŋ pɔ́, ɛ́fúklɛ pɛzwɛ́ pɔ́p. Ŋ ɡɑ́ pɑ́Ꞌlɑ́ mbɔ̌ ɡu, mbíꞋŋɡɔ ŋ kɑ́ pɔ́ pɑꞋ ńcẅɛ́ɛ ntsup-Pɑlɔ́mɑ wɑ́ pɔ́.

1 Kɔlɛ̂ŋtɛ 5:9

Ŋ kɑ ńtúu ŋwɑꞋnɛ mbɔ̌ pʉʉ ńcú tsɛtú ŋɡɔ: «Pʉʉ pɑ́ɑ pɑ́Ꞌ pʉʉ pɛ́ pʉɔ pi pɔ́p jʉ́ɔnɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ tɛmtɛ nu.»

1 Kɔlɛ̂ŋtɛ 5:11

Ŋɡɑ́ŋ, ŋ kɑ pɔ́ ŋ́ŋwɑꞋnɛ ńcú mbɔ̌ pʉʉ pɔ ŋɡɔ, pʉʉ pɑ́ɑ ŋu ẅí ɑ tsɛtsɛt pʉʉ ḿbɔ́ ńcú ŋɡɔ ɑ mɔ́ɔmɑ́ wʉ́ʉ nzʉʉ Kɛlístɔ, ḿbɛn ńtsɛ́t mbɑ wɔ̌ lɑ́ pɔ́pnɛ́ nɔɔ nɔɔnɛ, ḿbɔ́ ntsɔ́ŋ, kɛ ḿbɔ́ pɔ ŋu ẅí ɑ ɡúꞋlɛ́nɛ mɛyúu ŋɡɔ ɛ́ mɛsɛ́ ɔɔ, kɛ pɔ ŋu ẅí ɑ sẅiŋɛ́nɛ kɛpɔŋ nǔu mɛlík-pʉɔ ɔ́ɔ, kɛ pɑ́lɛ́-mɛluꞋ ɔɔ, kɛ pɔ ŋu ẅí ɑ kɔŋnɛ ŋkɑ́p tɛꞋ ɔɔ. Kɔɔ pʉʉ pɛ yîyɑ́ ntɛ́ ŋu zɛɛ ńtɛmtɛ yúu ńjʉ́.