1 Kɔlɛ̂ŋtɛ 4:9 - Kɑɑ Fí

⁹ Mɔ sɛ́ ńjʉ́ɔ yɑ́ɑ ŋɡɔ Sɛ́ kɑ ɡʉ nǔu pɛk ɡɑŋntúu ŋ́ɡɑ́ yɛ́k zʉꞋ ɛ́ pɔ́ pɔ ndẅiknzʉʉ. Pɑ́Ꞌ pʉɔ pinɛ pɛ́ zɑ́Ꞌnɛ ntsɑŋ yɔ́p tɛ pɛ́ lɔk wɔ́p ŋ́kɔ́Ꞌ nɛ́ zɑ́n pɑ́Ꞌ pɛ́ ɡʉ ńjẅítɛ wɔ́p. Ŋɡɔŋ nɛ́ ŋɡɔŋ pɔ́ ńjʉ́ɔ, pʉɔmɛsɔŋ mbɑ pɛcʉ̈ɔ́Ꞌ-Sɛ́ pɔ́ ńjʉ́ɔ yɔ́p.

1 Kɔlɛ̂ŋtɛ 4:9 Referans Kwoze

Ɛ́bɛlʉʉ 10:33

Pɛ́ sɛ́ ńtʉ́ʉ mbi lɑ́Ꞌ ńzɔɔtɛ wʉ́ʉ, ŋ́kʉ́ʉnɛ wʉ́ʉ, pʉʉ pɛn ńjʉ́ɔ ŋɡʉ̈ɔ́Ꞌ mbíꞋŋɡɔ pʉʉ sɛ́ ḿbɛꞋ mɛlɑꞋ-pʉɔ pi pɛ́ sɛ́ ŋ́ɡɑ́ɑnɛ wɔ́p pɑ́Ꞌ pʉʉ.

Pʉɔ-Lɔ́mɑ 8:36

Ɛ́ lɔk ḿbɔ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Lɛ́Ꞌ tsʉʉ nɛvú sɛ́ ńnʉk wɛk nʉknɛ mbíꞋ wú. Pɛ́ pɔ́ ńdíŋɛ wɛ́k pɑ́Ꞌ mɛnjinjɔ mi pɛ́ ɡʉnɛ nɛ ɡwɑt lɑ́».

Ɛ́bɛlʉʉ 1:14

Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.

Ɛ́bɛlʉʉ 11:36

ḿbɛn ŋ́ɡʉ nǔu pɛcɔ́ pʉɔ, pɛ́ tɛ́m sʉ́ʉ nǔu pɔ́p, ńdɔk ŋɡwɑɑ ńtswɑ́ɑ wɔ́p, ńtɔ́ nǔu pɛcɔ́ pʉɔ pɛ́ pɔɔ ɡɛ pɔ ndɑꞋ pɔ́Ꞌɔ pɔ́, ḿbɛn ŋ́kút wɔ́p nɛ́ mɛcɛ̂n, ḿmɑꞋ wɔ́p ndɑ́tsɑ́ŋ,

1 Tɛsɑlɔník 3:3

nɛpɔ́ yi ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, kɛ́ ɡɛ wɛcɔ́ ŋu tsɛtsɛt pʉʉ mʉꞋlɛ nǔu nu-Sɛ́ pɔ́. Pʉʉ zɛɛ ḿbɔ́ ńjí yʉ́ʉ ŋɡɔ ŋɡʉ̈ɔ́Ꞌ ɡẅɛɛ nɛkúu wɛkŋɛ pɑzɑptʉ́m nǔu Sɛ́.

2 Kɔlɛ̂ŋtɛ 6:9

Pɛ́ sɛ́ ḿmuŋɛ wɛ́k, lɑ́ ŋ́kɛ́ ḿbɔ́ ńjí wɛ́k jínɛ, ńdɔk wɛ́k ɛ́fúŋ pɛpfú lɑ́ pɛk tsuŋ ḿbɔ́ pɔ́p ntʉʉ, ńnyɛt wɛ́k nɛ́ ŋɡʉ̈ɔ́Ꞌ, lɑ́ ŋ́kɛ́ mbɔɔ wɛ́k jẅí.

ŊwɑꞋnɛ-Gɑŋntúu Yɛ́su Kɛlístɔ 19:31

Pɛcɔ́ ɡɑŋfɑꞋ-ŋɡɔ́mnɑɑ nǔu pɑk-ŋɡɔŋ-Azîi, pinɛ pɔ́p pɛsúu-Pɔ̂l, pɔ́p túu pʉɔ pɔ́p ɡʉ ḿbúꞋ mbɔ́ mbɔ̌ Pɔ̂l ŋɡɔ ɑ pɑ́ɑ nɛɡʉ zɑ́n.

ŊwɑꞋnɛ-Gɑŋntúu Yɛ́su Kɛlístɔ 19:29

Tʉ́sɔŋ tsʉʉ tsʉʉ tɑ́kŋɛ. Lɑ́Ꞌ ɡẅɛɛ Ŋɡɑẅîs pɔ́p Alistɑk, pɔ́p pɔ́ pʉɔ-Mɑsɛ́ndwɑn pi pɔ́p Pɔ̂l kɑ pɔ́ ńnɛn, ɛ́shuŋ wɔ́p ńdɔk ŋ́ɡʉ nɛ́ ndǔ yɛcɔ́ ntɛ́ zɑ́n yi pɛ́ cúꞋlɛ́nɛ zúꞋu, ŋ́ɡɛ mɛɡɑɑ.

1 Kɔlɛ̂ŋtɛ 15:19

Ɛ́ lɑɑ ḿbɔ́ yi pɛkŋɛ ńzẅíꞋlɛ yúu mi ɛ́ ɡʉ ɛ́fú mbɔ̌ Kɛlístɔ, mbíꞋ pɔ ndɑꞋ ŋkɔ̂ɔnɛ yi pɛkŋɛ pɛ́t ndǔ tsɛ́tsɑ́Ꞌ lɑɑ, mbɔ pɛkŋɛ tsɛtsɛt pʉɔmɛsɔŋ ḿbɔ́ kwɑꞋ pɛɡɑŋ ŋɡʉ̈ɔ́Ꞌ.

2 Kɔlɛ̂ŋtɛ 11:23

Kɛ pɔ pɑ́Ꞌ pɔ́p pɑfɑꞋ fɑꞋ-Kɛlístɔ? M bɔ́ ńcú nu kwɑꞋ pɑ́Ꞌ pɑ́lɛ́ lɑ́, ńcú ŋɡɔ mɔ ŋu ẅi ɛ fɑꞋnɛ fɑꞋ-Kɛlístɔ tɛ ńdɛɛ wɔ́p pɛ́tsʉʉ, ńcú pɔ́Ꞌɔ, ɛ́fú nǔu pɑ́Ꞌ ŋ kɑ kíɛ ziꞋnɛ ńdɛɛ wɔ́p, ɛ́fú nǔu ndɛn ẅi ŋ kɑ kúunɛ tsɑ́ŋ ńdɛɛ wɔ́p, ɛ́fú nǔu ndɛn ẅí pɛ́ kɑ tswɑ́ɑnɛ wɑ́ɑ ńdɛɛ wɔ́p, ɛ́fú nǔu ndɛn mɛŋkɑ́ tɛ ńzɑ́ɑ mi nɛvú kɑ nʉknɛ wɑ́ɑ ńdɛɛ wɔ́p,