1 Kɔlɛ̂ŋtɛ 4:19 - Kɑɑ Fí

¹⁹ Lɑ́ Tsɑpʉɔ lɑɑ ḿbɛ́m, mbɔ mɔ ŋ́ɡɛ fɛ́Ꞌnɛ ńtɔ́ ńjʉ́ɔ wʉ́ʉ. Ńtɔ́ pɔ́Ꞌɔ, mbɔɔ líŋɛ nu pɔ ndɑꞋ nǔu sẅiŋɛ yi pɔ́p niitɛ́nɛ ńcú mbɔ̌ lɑ́Ꞌ pɔ́, m bɛn ńjí yúu mi pîpɑ́ ɡɑŋ-ŋɑ́Ꞌlɛ kuꞋ nɛɡɛ.

1 Kɔlɛ̂ŋtɛ 4:19 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 18:21

Lɑ́ ŋ́ɡɔ ńdɛɛmɛ wɔ́p ńcú mbɔ̌ pɔ́p ŋɡɔ: «Sɛ́ lɑɑ ḿbɛ́m, mbɔ mɔ ńtɑ́ɑ lɑ́ ḿbɛn ńtɔ́ njɛ́Ꞌ pʉʉ.» A cú pɑ́Ꞌɑ, ŋ́ɡɔ́ɔ ŋ́kɛ́ ŋ́ɡʉ ŋ́kúu kɑnúꞋ, ɛ́fú Ɛ́fɛ̂zɛ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 19:21

Mɔnɛ mɛnu kɑ lɛɛ, Pɔ̂l zɑ́p ŋɡɔ ɑ ɡʉ ŋ́ɡʉ Yɛlúsɑlɛm, ŋ́ɡɔ ŋ́ɡʉ ńdɛɛ tsɛt pɑk-ŋɡɔŋ-Mɑsɛ́ndwɑn pɔ́p Akɑ̂y, ḿbɔ́ ńcú ŋɡɔ: «Ɛ́ sɛ́ ḿbíkŋɛ ŋɡɔ n dɑɑ ŋ́ɡʉ tɛ ŋ́kúu zúꞋu, m bɛn ŋ́ɡʉ Lɔ́mɑ.»

Ɛ́bɛlʉʉ 6:3

Pɛkŋɛ nɑ́ mɔnɛ mɛnu, ńdut ŋ́ɡʉ nɛ́ mbi, pɑ́Ꞌ Sɛ́ lɑɑ ḿbɛ́m.

2 Kɔlɛ̂ŋtɛ 1:23

Pʉʉ tsʉ́Ꞌ ɛ sẅíi wʉ́ʉ nɛ́ yúu mi ɛ́ kɑ ɡɛnɛ lɑ m bɔɔ pɛn ńtɔ́ lɑ́Ꞌ pʉʉ Kɔlɛ̂ŋntɛ pɔ́, mɔ ŋ́kɑɑ ḿbɔ́ ŋ́kɔŋ nɛɡɛ pʉʉ zúꞋ kɛ́kɑ́ŋ pɔ́. N cú pɑ́Ꞌɑ ɛ́sẅíi nu. N dɑɑ ńcʉ̈ɔt nu, Sɛ́ jẅí wɑ́ɑ.

1 Kɔlɛ̂ŋtɛ 11:34

Nji lɑɑ ḿbɔ́ ńzɑ́ŋ ŋu, ɑ ɡɔ́ ɛ́fú njɛ́Ꞌ yɛ́, ḿbiitɛ ńjʉ́ yúu, nɛpɔ́ yi pʉʉ kɛ́ ɡʉ zʉꞋ yi pʉʉ cúꞋlɛ́nɛ zúꞋu, ɛ́fúŋ pɔ ntsɑŋ yi Sɛ́ ɡʉ ŋ́ŋɑk wʉ́ʉ ŋɑknɛ pɔ́. Ɛ́ ɡʉ nǔu mɛcɔ́ mɛnu, mbɔ mɔ ŋ́ɡɛ ńtɔ́ lɑ niitɛ.

1 Kɔlɛ̂ŋtɛ 4:18

Pɛcɔ́ pʉɔ tsɛtsɛt pʉʉ kɑ kwɑŋɛ ŋɡɔ ŋ kɛ́ lɑ́Ꞌ ḿbɛn ńtɔ́ tɛ ńjʉ́ɔ wʉ́ʉ pɔ́, ŋ́kwɑŋɛ pɔ́Ꞌɔ, ńzɛ nɛŋɑ́Ꞌlɛ.

1 Kɔlɛ̂ŋtɛ 2:6

Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.

Pʉɔ-Lɔ́mɑ 15:32

Pɔ́Ꞌɔ, ŋ ɡɔ́ ńtɔ́ lɑ́Ꞌ pʉʉ, tʉ́m yɑ́ɑ pɔ́ ńtsɑ́ɑtɛ, Sɛ́ pɛ́m, mbɔ ŋ ɡʉ ńnɑ́ŋ tsɛtsɛt pʉʉ, ńnɑꞋ ńjẅiitɛ.

Jɑ̂k 4:15

Pʉʉ ḿbɔ́ ŋ́ɡʉ ńcú pɔ ŋɡɔ, Tsɑpʉɔ lɑɑ ḿbɛ́m, mbɔ pɛk ɡʉ ḿbɔ́ sʉ́Ꞌnɛ, ŋ́ɡɛ yɔ, ŋ́ɡɛ yi.

1 Kɔlɛ̂ŋtɛ 16:5

Mɔ ŋ́ɡɛ ŋ́ɡɔ́ ńtɔ́ lɑ́Ꞌ pʉʉ, ńzɛɛ ńdɔk wɛ tsɛt pɑk-ŋɡɔŋ-Mɑsɛndwɑn, mbíꞋŋɡɔ ŋ ɡẅɛɛ nɛɡʉ zúꞋu.

1 Kɔlɛ̂ŋtɛ 14:5

N jʉ́ɔ yɑ́ɑ ŋɡɔ ɛ́ pɔŋ ŋɡɔ pʉʉ pɛtsʉʉ sẅiŋɛ mɛsẅíŋɛ mi pʉʉ ŋkɑɑ mɔ́ zíꞋ, lɑ́ ŋ kɔŋ pɔ ŋɡɔ pʉʉ cẅi pɔ Ŋkʉʉ ẅí ɛ́ fúnɛ mbɔ̌ Sɛ́. Nɛcẅi Ŋkʉʉ ẅí ɛ́ fúnɛ mbɔ̌ Sɛ́ ɛ́ pɔŋ ńdɛɛ nɛsẅíŋɛ mɛsẅíŋɛ mi pɛ́ kɑ́ jí pɔ́, tɛ ńdíꞋ ndɑꞋ pɑ́Ꞌ ŋu ɡɔ́ ɛ́sẅíŋɛ, wɛcɔ́ ŋu pɔ́ sɛ́ ḿbɔ́ ŋ́kyɛ́Ꞌtɛ ɛ́sẅíi cúꞋlɛ lɑ ɛ́ cẅɛ́lɛ́ pʉɔ nɛkẅiꞋ ńzɑ́p tʉ́m nǔu Sɛ́.

ŊwɑꞋnɛ-Gɑŋntúu Yɛ́su Kɛlístɔ 20:2

ŋ́kúu zúꞋu, ńjɛ́Ꞌ tsɛt yîyɑ́ pɑk-ŋɡɔŋ, ńnɛn ńníꞋ mɛtʉʉ pʉɔ-Kɛlístɔ ńdɔk ŋ́ɡʉ nɛ́ mbi, ɛ́fú zúꞋu ŋ́ɡʉ tɛ ŋ́kúu tsɛt pɑk-ŋɡɔŋ-Ŋɡɛlɛk ŋ́kúu zúꞋu,

1 Kɔlɛ̂ŋtɛ 4:6

Pɔ́ɔpɛ́mɑ́ pɑ́ɑ, mɔ sɛ́ ńcú nu ḿbɛn ńdɛꞋlɛ pɑ́Ꞌ nu yi n cúnɛ nǔu mɔ ḿbɔ́, mbɑ pɑ́Ꞌ ɛ́ nǔu Apɔlɔ́s ḿbɔ́ pɔ́Ꞌɔ. N dɛꞋlɛ pɔ́Ꞌɔ, pɔ nɛlɔk ńzíꞋ wʉ́ʉ nɛ́ yúu. Ŋ kɔŋ ŋɡɔ pʉʉ fú nǔu pɛk ńzíꞋ yúu mi sɑknɛkɛt yi ɛ́ cúnɛ ŋɡɔ: «Ḿbɑ́ɑ ŋu nɛɡɛ yúu tɛ ńdɛɛ yi pɛ́ kɑ ŋwɑꞋnɛ́nɛ, ńdɔk ɛ́sẅíi wʉ́ʉ ŋɡɔ ŋu wʉʉ kɑ́ ɡẅɛɛ nɛlɔk pɑ́Ꞌ ɑ nzʉʉ wɛcɔ́ ŋu ŋ́ŋɑ́Ꞌtɛ mbi wɛcɔ́ pɔ́.»

1 Kɔlɛ̂ŋtɛ 16:7

Ŋ kɑ́ pɔ́ ŋ́kɔŋ nɛɡɔ́ ńjʉ́ɔ wʉ́ʉ ŋkɔ̂ɔnɛ, ḿbɔ́ ńdɛɛ lɛɛnɛ pɔ́. Tsɑpʉɔ lɑɑ ḿbɛ́m, mbɔ pɛkŋɛ ɡʉ ńnɑ́Ꞌ ńnɑ́ŋ.

2 Kɔlɛ̂ŋtɛ 10:9

Ŋ kɑ́ kɔŋ nɛpɔ́ mbɔ̌ pʉʉ, ḿbɔ́ pɔ pɑ́Ꞌ ŋkɑ́ yi ŋ kuꞋ pɔ nɛtʉ́ʉ ŋɡɑ sɛsɑ ŋ́ŋwɑꞋnɛ ŋwɑꞋnɛ ńdɔk vukŋɛ wʉ́ʉ pɔ́.