1 Kɔlɛ̂ŋtɛ 4:12 - Kɑɑ Fí

¹² KwɑꞋ pɛk lɔk mbɔ́ mɛ́k ɛ́fɑꞋ fɑꞋ tɛ ńziꞋnɛ lɑ ŋ́ɡẅɛɛ yɛ́k yúu. Pɛ́ zɔɔtɛ wɛ́k lɑ́ pɛk tsɑ́ɑ pɔ nu sʉ́Ꞌnɛ nǔu pʉɔ. Pɛ́ kʉʉnɛ wɛ́k pɛk pɔɔ zɔŋ.

1 Kɔlɛ̂ŋtɛ 4:12 Referans Kwoze

1 Pyɛ̂ 3:9

Kɔɔ pʉʉ lɔk nu kɛpɔŋ ḿbɑꞋ nu kɛpɔŋ. Kɔɔ pɛ́ zɔɔtɛ wʉ́ʉ pʉʉ pɑ́Ꞌ. Tɛ tsʉꞋ pɔ́Ꞌɔ, pʉʉ cú ŋɡɔ Sɛ́ pɔ́ nɛ́ ŋɡɑŋ, Sɛ́ kɑ tsɔ́Ꞌ wʉ́ʉ pɔ pɑ́Ꞌ ɑ ɡʉ ḿbɔ́ nɛ́ pʉʉ.

Mɑtʉ̈ɔ 5:11

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ.

Pʉɔ-Lɔ́mɑ 12:14

Pʉʉ tsɑ́ɑ pɔ nu sʉ́Ꞌnɛ nǔu tú-pʉɔ pi pɔ́p sɛ́ ŋ́ɡɛ pʉʉ jʉ́ɔ ŋɡʉ̈ɔ́Ꞌ. Pʉʉ tsɑ́ɑ pɔ nu sʉ́Ꞌnɛ, kɔɔ pʉʉ tsɑ́ɑ nu kɛpɔŋ.

Pʉɔ-Lɔ́mɑ 12:20

A pɛn ńcú ŋɡɔ: «Nji lɑɑ ḿbɔ́ ńzɑ́ŋ ŋɡɑŋmbuu wu ɔ ɡɑ́ yúu ɑ kwɛ́t. Nji ŋki pɔ́ ńzɑ́ŋ wɛ́, ɔ ɡɑ́ ŋki ɑ nɔ́. Ɔ lɑɑ ŋ́ɡɛ pɔ́Ꞌɔ, mbɔ sʉ́ʉ ɡʉ ŋ́kɔ́ wɛ́, ɑ kúpmɛ mɑt wɛ».

ŊwɑꞋnɛ-Gɑŋntúu Yɛ́su Kɛlístɔ 18:3

Pɑ́Ꞌ pɔ́p pɛ́ pɔ́p kɑ pɔ́ ɛ́fɑꞋ pɔ tɑ́Ꞌ ntɛ́ fɑꞋ, ɛ́ pɔ́ ńniitɛ mɛntɑp lɑ́, Pɔ̂l tsʉ́Ꞌ ńtswɛ́ pɔ njɛ́Ꞌ pɔ́p, pɔ́p pɛ́ pɔ́p tɛmtɛ ɛ́fɑꞋ.

Lúkɑ́shi 6:28

Pʉʉ tsɑ́ɑ pɔ nu sʉ́Ꞌnɛ nǔu tú pʉɔ pinɛ pɔ́p sɛ́ ńtsɑ́ɑ nu kɛpɔŋ nǔu pʉʉ! Pʉʉ púꞋ mbɔ́ mbɔ̌ Sɛ́ nǔu tú-pʉɔ pinɛ pɔ́p sɛ́ sẅiŋɛ kɛpɔŋ nǔu lík yʉ́ʉ!

1 Pyɛ̂ 3:14

Pʉʉ kɛ́ ńdɑꞋ lɛ́Ꞌ ŋ́ɡɔ ńjʉ́ɔ ŋɡʉ̈ɔ́Ꞌ, ɛ́ pɔ́ mbíꞋŋɡɔ pʉʉ sɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ pʉʉ pɛpɔ́ttú. Kɔɔ pʉʉ mɑɑ tɛ ḿbɔ́k pʉɔmɛsɔŋ. Kɔɔ tʉ́m-ŋu wʉʉ mɑɑ tɛ ḿvukŋɛ.

1 Pyɛ̂ 2:23

Pɛ́ kɑ zɔɔtɛ wɛ́, ɑ kɛ́ ḿbɔɔ tsɔ́Ꞌ. A kɑ pɔ́ ńjʉ́ɔ ŋɡʉ̈ɔ́Ꞌ, ŋ́kɛ́ mbɔɔ ŋu vukŋɛ, ńnɑ́ yɛ́ nu tsʉʉ pɔ nǔu mbɔ́-ŋu ẅí ɑ zɑ́Ꞌnɛ ntsɑŋ ndʉ́ŋndʉŋ.

Lúkɑ́shi 23:34

Yɛ́su cú ŋɡɔ: «Tɑ̌ɑ mɔ, likŋɛ mɛfɑɑnɛ mɔ́p, mbíꞋŋɡɔ pɔ́p kɑ́ pɔ́ ńjí yúu mi pɔ́p ɡɛnɛ pɔ́.» Pɑlʉ̈ɔꞋntsɔ pinɛ pɔ́p ḿbɔ́nɛ zúꞋu mɑꞋ ńtíitɛ tɛ ńdɔk ŋ́ɡɑp mɛndẅí mɛ́.

Mɑtʉ̈ɔ 5:44

Lɑ́, n cú yɑ́ɑ mbɔ̌ pʉʉ ŋɡɔ: «Pʉʉ kɔŋ ɡɑŋmbuu pʉ́ʉ. [Pʉʉ cɛꞋlɛ Sɛ́ nǔu tú-pʉɔ pinɛ pɔ́p zɑ́Ꞌnɛ ku yʉ́ʉ.]

ŊwɑꞋnɛ-Gɑŋntúu Yɛ́su Kɛlístɔ 7:60

A kɑ cú pɔ́Ꞌɔ, ḿvu sɛ́ nɛ́ mɛkẅíꞋlɛ mɛ́, ŋ́ɡíɛt nɛ́ tʉʉ ŋɡɔ: «Tsɑpʉɔ, kɔɔ sɑ́ŋ yúu mi pʉɔ pɔnɛ ɡɛnɛ» ńcú pɔ́Ꞌɔ, ḿpfú.

Jɑ̂ŋ 15:20

Pʉʉ kẅíitɛ nu yí ŋ kɑ cúnɛ mbɔ̌ pʉʉ ŋɡɔ: «mɔ́ɔ-fɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ɛ́ lɑɑ ḿbɔ́ yi pɔ́p kɑ pɑɑ wɑ́ɑ, mbɔ pɔ́p ɡʉ ḿbɛn ḿbɑɑ wʉ́ʉ ɡúu pɔ pɔ́Ꞌɔ, ḿbɔ́ yi pɔ́p kɑ ɡẅɛɛ sẅiŋɛ yɑ́ɑ, mbɔ pɔ́p ɡʉ ḿbɛn ŋ́ɡẅɛɛ yʉ́ʉ pɔ pɔ́Ꞌɔ.»

Jẅidɛ 1:9

Lɑ́ mbɔ Míshɛ̌ɛ, tɑ́tndɑ́ pɛcʉ̈ɔ́Ꞌ-Sɛ́ kɑ kɛ́ ḿbɔɔ pɔ́Ꞌɔ ɡɛ. Ɛ́ kɑ pɔ́ yɛcɔ́ lɛ́Ꞌ yi pɔ́p Sɑ́ttɑ kɑ pɔ́ ńzɔŋ nu nǔu pfú-Mɔ̌sɛ̂ɛ, ɑ kɛ́ mbɔɔ Sɑ́ttɑ zɔɔtɛ, ŋ́kɛ́ mbɔɔ fʉꞋ nɛcú nu-lɔ́Ꞌ yɛ́ ńdɔk ńzɔɔtɛ wɛ́ pɔ́. NdɑꞋ ŋɡɔ ɑ kɑ cú pɔ ŋɡɔ: «Tsɑpʉɔ ńdɑ́Ꞌnɛ ńníꞋ ŋɡʉ̈ɔ́Ꞌ tú ɡu.»

1 Timɔtɛ́ɛ 4:10

Yɔ yúu mi ɛ́ ɡɛnɛ pɛk fɑꞋ fɑꞋ-Sɛ́ tɛ ŋ́kíɛ ziꞋnɛ, ḿmɑꞋ ntsɔ. Pɛk fɑꞋ, ḿbɔ́ ńzẅíꞋlɛ mbɑ kʉ̈ɔ́ lɑ́ pɔ mbɔ̌ Sɛ́ ẅi ɑ ntʉʉ. Jʉ́ ɡɛnɛ pɑ́Ꞌ pʉɔmɛsɔŋ tsʉʉ ɡʉ ńduk, lɑ́ ŋu kɛ́ ŋ́ɡɔ́ ńduk, ɛ́fú pɔ nǔu pɑ́Ꞌ ɑ zɑ́pnɛ tʉ́m nǔu Yɛ́su.

2 Tɛsɑlɔník 3:8

Pɛk ŋ́kɑɑ ńjʉ́ yúupɛjʉ́-ŋu níinɛ pɔ́, pɛk kɑ fɑꞋ tɛ ŋ́kíɛ ziꞋnɛ lɑ ńjʉ́ yúu, ɛ́fɑꞋ nɛtúꞋ mbɑ nɛnɛm ḿbɔ́k nɛtsʉ́Ꞌ pʉɔ pi pʉʉ ɡʉ ńjúk ńzẅík wɔ́p zẅíknɛ.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

1 Kɔlɛ̂ŋtɛ 9:6

Kɛ ɛ́ pɔ́ pɔ ŋɡɔ pɛk Pɑnɛpɑ́ɑshi zɛ́nɛ pɛk ɡẅɛɛnɛ nɛlɔɔ lɑ ńjʉ́ ɔɔ?

ŊwɑꞋnɛ-Gɑŋntúu Yɛ́su Kɛlístɔ 20:34

Pʉʉ sɛ́ ńjí yʉ́ʉ ŋɡɔ ŋ kɑ lɔk pɔ mbɔ́ mɑ́ɑ mɔ, ɛ́fɑꞋ fɑꞋ tɛ ŋ́ɡẅɛɛ yɑ́ɑ yúu tɛ mbɑ pʉɔ pinɛ pɛk pɛpɔ́p nɛnnɛ ɡẅɛɛ yɔ́p yúu ɡúu.

1 Pyɛ̂ 4:19

Pɔ́Ꞌɔ lɑ́, ɛ́ pɔŋ ŋɡɔ pʉɔ pi pɔ́p ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ mbíꞋŋɡɔ pɔ́p sɛ́ ŋ́ɡɛ yúu mi Sɛ́ sɛ́ ŋ́kɔŋ, pɔ́p ɡɑ́ yɔ́p nu tsʉʉ mbɔ̌ mbuꞋŋɡɔŋ ẅí ɑ kɑꞋnɛ yúu, ŋ́ɡɛ ŋ́ɡɑ́, ŋ́ɡɑ́ pɔ́Ꞌɔ, ŋ́kẅiꞋ ŋ́ɡɛ pɔ nu sʉ́Ꞌnɛ.

Pʉɔ-Lɔ́mɑ 8:35

Tɛ yɛcɔ́ yúu ɡú yi mbɔ ɛ́ fyɑk wɛkŋɛ pɛ Kɛlístɔ tɛ ɑ pɔɔ pɛn ŋ́kɔŋ wɛkŋɛ pɔ́ ɔɔ? Ŋɡʉ̈ɔ́Ꞌ ɔ́ɔ? NɛpúꞋ mbʉʉ ɔ́ɔ? Pɛ́ nɛkʉ́ʉnɛ wɛkŋɛ ɔ́ɔ? Nji ɔ́ɔ? Púŋ ɔ́ɔ? Yúu mi ɛ́ vukŋɛ́nɛ wɛkŋɛ ɔ́ɔ? Kɛ pɔ nɛvú?

2 Kɔlɛ̂ŋtɛ 11:8

Ŋ kɑ pɔ́ ɛ́fɑꞋ lɑ́Ꞌ pʉʉ, ḿbɛ́m mɛcɔ́ mɛcúꞋlɛ-pʉɔ-Kɛlístɔ pɔ́ ŋ́ɡɑ́ ŋkɑ́p mbɔ̌ mɔ, ńdɔk ńtɔ́ɔtɛ wɑ́ɑ tɛ ḿbɔ́ pɛ́ cú ŋɡɔ ŋ kɑ ɡɛ pɔ́p púŋ.

Ɛ́fɛ̂zɛ 4:28

Pʉɔ pi pɔ́p ɡẅɛɛnɛ mɑt nɛjɔ mɛꞋ tsɔ́ŋ, ńtsʉ́Ꞌ ńdɔk mbɔ́ mɔ́p, ɛ́fɑꞋ tɛ ŋ́kíɛ ziꞋnɛ ńjí ŋɡɔ pɔ́p ɡʉ ŋ́ɡẅɛɛ yúu tɛ ńdɔk yɛcɔ́ ńcẅɛ́lɛ́ pʉɔ pi pɔ́p sɛ́ ńjɑ́k yɔ́p,