1 Kɔlɛ̂ŋtɛ 2:12 - Kɑɑ Fí

¹² Ɛ́ ɡʉ nǔu pɛkŋɛ, mbɔ pɛ́ ŋkɑɑ ɡɑ́ zẅikŋɛ-ndǔmbí mbɔ̌ pɛkŋɛ pɔ́. Pɛ́ kɑ ɡɑ́ pɔ Zẅikŋɛ yi ɛ́ fúnɛ mbɔ̌ Sɛ́ mbɔ̌ pɛkŋɛ pɑ́Ꞌ ɛ́ ɡʉ ŋ́ɡɛ pɛkŋɛ jí pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛkŋɛ.

1 Kɔlɛ̂ŋtɛ 2:12 Referans Kwoze

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.

1 Jɑ̂ŋ 2:20

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ Lɛ́ɛnɛ́nɛ mbɔ̌ pʉʉ. Ɛ́ yúu mi ɛ́ ɡɛnɛ pʉʉ pɛtsʉʉ jí nu nɛ́nẅín.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

Jɑ̂k 4:5

Pʉʉ kwɑŋɛ ŋɡɔ ŋwɑꞋnɛ-Sɛ́ cú ŋɡɔ: Sɛ́ kɑ́ pɛ́m ŋɡɔ pɛkŋɛ nɑ́ wɛcɔ́ ŋu jʉ́ zʉꞋ-zẅikŋɛ yi ɑ kɑ níꞋnɛ nǔu pɛkŋɛ pɔ́ pɛ́Ꞌɛ, ḿmɛɛ, mɛɛnɛ ńcú kii?

Pʉɔ-Lɔ́mɑ 8:32

Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

Mɛnu ɛ́ ńdɑ́Ꞌ ńcẅɛt 22:6

Cʉ̈ɔꞋ-Sɛ́ pɑ́ɑtɛ ńcú ŋɡɔ: Mɛnu mɔnɛ kɑ́ pɔ́ mi ḿbɔ́ pɛ́ zúꞋ ḿmʉꞋlɛ pɔ́ ɛ́ nɛ́nẅín. Tsɑpʉɔ Sɛ́ ẅi jʉ́ lɔknɛ zẅikŋɛ yɛ́ ńtúu pɑcẅiŋkʉʉ pɛ́ kwɑꞋ jʉ́ túunɛ wɛ́ pɑ́Ꞌ ɑ ɡʉ ńnyɛt mbɔ̌ ɡɑŋfɑꞋ pɛ́ nɛ́ yúu mi ɛ́ ɡʉ ɛ́fɛ́Ꞌnɛ ńtɔ́.

1 Kɔlɛ̂ŋtɛ 3:22

A lɑɑ ḿbɔ́ pɔ Pɔ̂l, ḿbɔ́ pɔ Apɔlɔ́s, ḿbɔ́ pɔ Kɛfɑs, ḿbɔ́ pɔ ndǔmbí, ḿbɔ́ pɔ luk kɛ pɔ nɛvú ɔɔ, ḿbɔ́ pɔ yɔ kɛm-njí kɛ yi ɛ́ pɛ́t lɑ ńtɔ́ ɔɔ, mbɔ kʉ̈ɔ́ lɑ́ pɔ́ pɔ mbɔ̌ pʉʉ.

Ɛ́fɛ̂zɛ 2:2

Pʉʉ kɑ pɔ́ ŋkɑ́ ɛ̂yɑ́ ḿbɔ́ ŋ́ɡɛ pɔ yîyɑ́ ntɛ́ mɛnu. Pʉʉ kɑ pɔ́ ńnɛn pɑ́Ꞌ pʉɔ pi pɔ́p tsɛt yɔ mbí ḿbɔ́ ńnɛn pɔ́Ꞌɔ, ḿbɔ́ ńzúꞋ ntsu-fɔɔ-mɛzẅikŋɛ kɛpɔŋ wi ɑ sɑ́Ꞌnɛ mɛzẅikŋɛ kɛpɔŋ mi ɛ́ tʉ́ tsɛt fɑ́k. Jʉ́ pɔ́nɛ ŋkɔ̂ɔnɛ ḿbɔ́ ńtsʉ́ʉnɛ pʉɔ pi pɔ́p lʉꞋ nɛzúꞋ ntsu-Sɛ́, pɔ́p pɔ́ ŋ́ɡɛ mɛnu kɛpɔŋ.

1 Kɔlɛ̂ŋtɛ 2:6

Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.

1 Kɔlɛ̂ŋtɛ 1:27

Lɑ́, Sɛ́ kɑ tsɔ́Ꞌ yúu mi ndǔmbí jʉ́ɔnɛ ɛ́ pɔ́ pɔ yúu pɛpɑ́lɛ́ ńdɔk ńtɛ́m sʉ́ʉ nǔu pɑjínu, ńtsɔ́Ꞌ yúu mi ɛ́ ndǔmbí ḿbɔ́t pɔ́tnɛ ńdɔk ńtɛ́m sʉ́ʉ nǔu mi ɛ́ ɡẅɛɛnɛ tʉʉ.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.