57 Lɑ́ pɛkŋɛ ɡɑ́ pɑ́Ꞌlɑ́ mbɔ̌ Sɛ́ ẅí ɑ ɡɛnɛ pɛkŋɛ lɛɛ nǔu Tsɑpʉɔ wɛkŋɛ Yɛ́su Kɛlístɔ, ŋ́ɡɛ pɛkŋɛ tsɑ nu kɛpɔŋ mbɑ nɛvú.
Lɑ́, pɛk ɡʉ ŋ́kɛ́ ŋ́ɡɑ́ pɔ pɑ́Ꞌlɑ́ mbɔ̌ Sɛ́, mbíꞋŋɡɔ pɛk lɑɑ ḿbɔ́ pɔ ɡɔ́ lɑ́, mbɔ ɑ ɡʉ ŋ́ɡɛ pɛk pɔ́ pɔ nǔu mɑ́nzɔŋ-Kɛlístɔ, mbɔ jʉ́ Kɛlístɔ jʉ́ ntsɔ. Jʉ́ Sɛ́ lɔk wɛ́k ŋ́ɡɛ pɛ́ jí Kɛlístɔ zʉꞋ tsʉʉ, pɑ́Ꞌ yúu mi pɛ́ tɔɔnɛ, jɑ́k kɔ́Ꞌ ɛ́sɑt zʉꞋ tsʉʉ lɑ́.
Lɑ́ ɛ́ kɛ́ ŋ́ɡʉ nǔu yúu ɛ̂pɑ́ tsʉʉ, pɛkŋɛ pɔ́ pɛtɑ́mɛtʉʉ, pɑlɛɛ nǔu mîmɑ́ mɛyúu ńdúꞋnɛ pɔ́ pʉɔ pi pɔ́p kɑ kɔŋnɛ wɛkŋɛ.
Pɔ́ɔpɛ́mɑ́ pɛkŋɛ kɑ lɛɛtɛ nǔu mɛci-mɔ́ɔ-Njinjɔ, ḿbɛn ńdɛɛtɛ mbɑ nǔu sẅiŋɛ yi pɔ́p kɑ pɔ́ ńcú ńdɔk ńdɛꞋlɛ yúu mi pɔ́p jínɛ nǔu mɔ́ɔ-Njinjɔ, ńjʉ́ ẅîwɑ́ ŋu. Pɔ́p ŋkɑɑ lɔk tú yɔ́p ɛ́fúŋ yɛcɔ́ yúu tɛ ḿbɔ́k pɑ́Ꞌ ḿbɔ́ pɛ́ jẅí wɔ́p pɔ́.
N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.
Pɔ́Ꞌɔ lɑ́, ɛ́ pɔŋ ŋɡɔ pɛkŋɛ ɡɑ́ pɑ́Ꞌlɑ́ mbɔ̌ Sɛ́, nǔu fuꞋ níinɛ kɛ́ fʉꞋ yi ɑ kɑ ɡɑ́nɛ mbɔ̌ pɛkŋɛ.
Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.
Sɛ́ ɡʉnɛ ńtɔ́ tsɛtú ńcẅɛɛtɛ wɑ́ɑ. Ńdɛɛtɛ nǔu Tsɑpʉɔ wɛkŋɛ Yɛ́su Kɛlístɔ, ɡúꞌlɛ pɔ́ mbɔ̌ wɛ́. Ɛ́ pɔ́Ꞌɔ, jínu yɑ́ɑ pɔ́ ɛ́sẅíi wɑ́ɑ ŋɡɔ mɔ ɡẅɛɛnɛ nɛpʉ́ʉ-Sɛ́, lɑ́ mbɑp-mbʉʉ-ŋumɛsɔŋ yi ŋ ɡẅɛɛnɛ pɔ́ ńtsʉ́ʉnɛ wɑ́ɑ ŋ kúꞋlɛ pɔ nɛpʉ́ʉ-nu kɛpɔŋ.
ŋ́ɡɔ ńcẅɛɛtɛ wɛ́k, yʉ́ʉ pɔ́ pɔ́ nǔu, mbíꞌŋɡɔ pʉʉ sɛ́ ńcɛꞋlɛ Sɛ́ nǔu tú yɛ́k. Pɑ́Ꞌ pʉɔ tɛ ńzɑ́ɑ cɛꞋlɛ́nɛ wɛ́ nǔu tú yɛ́k lɑ́, ɑ ɡʉ ŋ́ɡɛ ŋ́ɡɑ́ fuꞋ níinɛ yɛ́k, ɛ́ pɔ́ ńtɔ́ɔtɛ wɛ́k, ɛ́ pɔ́ pɔ́Ꞌɔ, pʉɔ tɛ ńzɑ́ɑ ɡɑ́ pɑꞋlɑ́ mbɔ̌ Sɛ́ wɔp nǔu tú yɛ́k.
Tsʉ́Ꞌnɛ ɛ sẅíi wʉ́ʉ nɛ́ yɛcɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, pɛkŋɛ pɛtsʉʉ kɛ́ lɑ́Ꞌ ńtɛmtɛ ḿpfú pɔ́, lɑ́ pɛkŋɛ pɛtsʉʉ ɡʉ ńdɑ́Ꞌ ńtɛmtɛ ɡẅɛɛ yɛcɔ́ mbʉʉ yi fí,
Pɔ̂l cú pɔ́Ꞌɔ, ḿbɛ́ɛ mbɛlɛ̂ɛt, ńtʉ́ʉ mbi pʉɔ tsʉʉ, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌ, ńzɛ nɛkwɛ́t.
Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.
A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»