1 Kɔlɛ̂ŋtɛ 15:4 - Kɑɑ Fí

⁴ Pɛ́ kɑ ńníꞋ wɛ́ tsɛt nɛshi, ɛ́ ɡɔ́ ḿbɔ́ lɛ́Ꞌ pɛtɑ́t ɑ zẅíimɛ nǔu nɛvú, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

1 Kɔlɛ̂ŋtɛ 15:4 Referans Kwoze

Mɑtʉ̈ɔ 12:40

Ndʉ́ŋndʉŋ pɑ́Ꞌ Yɔ́nɑ́ɑshi kɑ nɑ́ŋnɛ tsɛt nɛpɛm-mɑ́mɑ́ shú lɛ́Ꞌ pɛtɑ́t lɑ́; Mɔ́ɔ-Ŋu ɡʉ ńdɑ́Ꞌ ŋ́ɡɛ yɛ́ lɛ́Ꞌ pɛtɑ́t tsɛt tsɛ́tsɑ́Ꞌ.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Pʉɔ-Lɔ́mɑ 6:4

Pɑ́Ꞌ ɛ́ kɑ fúnɛ nǔu cẅɛ́ɛ ŋki, pɛkŋɛ pɛpɔ́p tɛmtɛ ḿpfú, pɛ́ pɛn ńtɛmtɛ wɛkŋɛ pɛpɔ́p ńtẅíi lɑ́, nɛpɔ́ yi pɑ́Ꞌ Sɛ́ Tɑ̌ɑ kɑ lɔknɛ mɛtʉʉ mi ɛ́ ɡẅɛɛnɛ nɛɡúꞋ, ŋ́ɡɛ Kɛlístɔ zẅíimɛ nǔu nɛvú lɑ́, pɛkŋɛ ɡúu ɡʉ tsʉ́Ꞌ ḿbɔ́ pɔ tsɛt luk fí.

Lúkɑ́shi 24:46

Ńcú ŋɡɔ: «Ɛ́ tsɛt ŋwɑꞋnɛ-Sɛ́ ḿbɔ́ ŋɡɔ: Nzɑ́Ꞌŋkʉ ɡẅɛɛ nɛ lɑ́Ꞌ ńjʉ́ɔ ŋɡʉ̈ɔ́Ꞌ, ḿpfú, lɑ́ Sɛ́ pɛn ńzẅíi wɛ́ nǔu nɛvú nǔu mbɑ́ɑtɛ lɛ́Ꞌ pɛ́tɑ́t.

Lúkɑ́shi 24:26

Pʉʉ kɑ́ jí ŋɡɔ, ɛ́ kɑ pɔ́ ḿbíkŋɛ ŋɡɔ Nzɑ́Ꞌŋkʉ piitɛ ńjʉ́ɔ ŋɡʉ̈ɔ́Ꞌ lɑ́ ŋ́kúu tsɛt nɛɡúꞋ wɛ pɔ́ kɛ?

Lúkɑ́shi 9:22

ḿbɛn ńcú mbɔ̌ pɔ́p ŋɡɔ: «Ɛ́ píknɛ ŋɡɔ mɔ́ɔ-ŋu ɡɛ ńjʉ́ɔ ŋɡʉ̈ɔ́Ꞌ tɛꞋ, ŋɡɔ Pɛkɛ́m-lɑ́Ꞌ-Pɑyúdɑ pɔ́p pɛtɑ́tndɑ́-pɑnɔŋpɔꞋ mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńdʉꞋ wɛ́, ŋ́ɡɛ pɛ́ jẅí wɛ́, lɑ́ mbɑ́ɑtɛ lɛ́Ꞌ pɛ́tɑ́t ɑ zẅíimɛ nǔu nɛvú.»

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 1:3

A kɑ jʉ́ɔ ŋɡʉ̈ɔ́Ꞌ lɑ ḿpfú, ŋ́ɡɛ ńzẅíimɛ nǔu nɛvú, ńdɔk mɛntɛ́ tɛ ńzɑ́ɑ, ńnyɛt mbʉʉ yɛ mbɔ̌ pɔ́p, ŋɡɔ ɑ ɡú, tɛ mbɔ ɛ́ pɔ́ pɔ́p pɔɔ pɛn ḿmʉꞋlɛ pɔ́, ńcẅɛt mbi pɔ́p cẅɛtnɛ nǔu mɛlɛ́Ꞌ mɛɡɛ́mɛ́nɛ́kwɑ, ḿbɔ́ ɛ́sẅíi wɔ́p nɛ́ nu nǔu nu-nɛfɔɔ-Sɛ́.

Mɑ́lɛ́kúshi 9:31

ḿbɔ́ ńzíꞋ ɡɑŋku pɛ́ nɛ́ yúu, ḿbɔ́ ɛ́sẅíŋɛ ŋɡɔ: «Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔmɛsɔŋ pɔ́p ɡɛ ɑ pfú. Lɑ́ mbɑɑtɛ lɛ́Ꞌ pɛtɑ́t ɑ zẅíimɛ.»

Mɑtʉ̈ɔ 20:19

ŋ́ɡɑ́ wɛ́ mbɔ̌ pʉɔ pɔ́p kɑ́ pɔ́ pɑyúdɑ pɔ́, pɔ́p zɔɔtɛ wɛ́, ńdɔk ŋɡwɑɑ ńtswɑ́ɑ wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 16:21

Ɛ́ fú ŋkɑ́ ɛ̂yɑ́, Yɛ́su Kɛlístɔ zɛ nɛsɑ́ɑnɛ sɑ́ɑnɛ́nɛ ḿbʉ́ mbɔ̌ ɡɑŋku pɛ́ ŋɡɔ: «Ɛ́ sɛ́ ḿbíkŋɛ ŋɡɔ ɑ ɡʉ Yɛlúsɑlɛm. A ɡʉ ŋ́kúu zúꞋu ńjʉ́ɔ ŋɡʉ̈ɔ́Ꞌ tɛꞋ mbɔ̌ pɛkɛ́m-lɑ́Ꞌ, pɔ́p pɛtɑ́tndɑ́-pɑnɔŋpɔꞋ, mbɑ pɑkyɛ́ꞌtɛ nɛpʉ́ʉ-Mɔ̌sɛ̂ɛ, pɔ́p ɡɛ pɛ́ jẅí wɛ́. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

1 Pyɛ̂ 1:11

Pɔ́p kɑ sɑ́Ꞌ tʉʉ nɛjí fʉꞋ-njí, mbɑ yúu mi ɛ́ ɡʉ ńdɑ́Ꞌ ńdɛɛ lɑ yúu mi Zẅikŋɛ-Kɛlístɔ kɑ pɔ́ ńdɛꞋlɛ wɔ́p ɡɛ. Yîyɑ́ Zẅikŋɛ yi ɛ́ kɑ pɔ́ nǔu pɔ́p, kɑ zɛɛ ńzɑ́Ꞌ njí ḿbɔ́ ńdɛꞋlɛ wɔ́p nɛ́ ŋɡʉ̈ɔ́Ꞌ yi Kɛlístɔ ɡʉ ŋ́ɡɛ ńjʉ́ɔ tɛ mbɑ nɛɡúꞋ ẅi ɛ́ ɡʉ ńdɑ́Ꞌ ḿbɑ́ɑtɛ ŋɡʉ̈ɔ́Ꞌ yɛ́ ɛ̂yɑ́.

Jɑ̂ŋ 19:38

Mɔnɛ mɛnu kɑ lɛɛ, Yɔsɛ̂p, ŋu-tʉ́sɔŋ-Alimɑtɛ́, ɑ ɡʉ ńjʉ́ɔ Pilɑ́tɔ, ḿbúꞋ mbɔ́ mbɔ̌ wɛ́ ŋɡɔ ɑ pɛ́m, ɑ kɔk pfú-Yɛ́su nǔu tʉ́ mbɑ́ŋtɛ pɑ́ŋtɛ́nɛ. Yɔsɛ́p ẅîwɑ́ kɑ pɔ́ wɛcɔ́ ŋɡɑŋku-Yɛ́su, lɑ́ ḿbɔ́ ɛ́sɔ́tɛ sɔ́tɛ́nɛ, ḿbɔ́ ḿbɔ́k Pɑyúdɑ. Pilɑ́tɔ pɛ́m, Yɔsɛ́p ɡʉ kɔk pfú Yɛ́su.