1 Kɔlɛ̂ŋtɛ 15:21 - Kɑɑ Fí

²¹ Ɛ́ lɔk ḿbɔ́ ŋɡɔ, pɑ́Ꞌ nɛvú kɑ tsʉ́Ꞌ nɛtɔ́ ndǔmbí, ńdɛɛ nǔu tɑ́Ꞌ ŋu lɑ́, nɛzẅíimɛ nǔu nɛvú kɑ pɛn ńdɛɛ yɛ́ pɔ nǔu tɑ́Ꞌ ŋu lɑ ńtɔ́ ndǔmbí.

1 Kɔlɛ̂ŋtɛ 15:21 Referans Kwoze

Jɑ̂ŋ 11:25

Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.

1 Kɔlɛ̂ŋtɛ 15:22

Ndʉ́ŋndʉŋ pɑ́Ꞌ pʉɔmɛsɔŋ tsʉʉ lɔknɛ pɑ́Ꞌ pɔ́p kɑ lɛɛtɛ nǔu Ádɑm ḿpfútɛ lɑ́, pɔ́p pɛ́tsʉʉ ɡʉ ḿbɛn ńdɔk pɑ́Ꞌ pɔ́p ńdɛɛ nǔu Kɛlístɔ ńzẅíimɛ nǔu nɛvú.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.