1 Kɔlɛ̂ŋtɛ 12:12 - Kɑɑ Fí

¹² Ndʉ́ŋndʉŋ pɑ́Ꞌ mbɑp-mbʉʉ pɔ́ pɔ tɑ́Ꞌ lɑ́, tɛ mbɑ pɑ́Ꞌ ɛ́ ɡẅɛɛnɛ mɛzʉꞋ-mbʉʉ tɛ ɛ́ zɑ́ɑ zɑ́ɑnɛ lɑ́, mɛzʉꞋ-mbʉʉ zɛɛ ńzɑ́ɑ tɛꞋ lɑ́, ŋ́kɛ́ ńcúꞋlɛ ḿbɔ́ pɔ tɑ́Ꞌ mbɑp-mbʉʉ wɛ́mɔ́Ꞌ, ɛ́ pɛn ḿbɔ́ pɔ pɔ́Ꞌɔ nǔu Kɛlístɔ.

1 Kɔlɛ̂ŋtɛ 12:12 Referans Kwoze

Kɔlɔsíyɛ̂ŋ 3:15

Mɔ sɛ́ ńtsɑ́ɑ ŋɡɔ mbɔ́tnɛ yi ɛ́ fúnɛ mbɔ̌ Kɛlístɔ jʉ́ tʉ́m yʉ́ʉ, Sɛ́ kɑ fúŋ wʉ́ʉ pɛ́tsʉʉ nɛpɔ́ yi pʉʉ ɡʉ ŋ́ɡẅɛɛ mbɔ́tnɛ ɛ̂yɑ́, pɑ́Ꞌ pʉʉ ɡʉ ḿbɔ́ mɛkɛm tɑ́Ꞌ mbʉʉ. Pʉʉ kɛ́ ḿbɔ́ ŋkɑ́ tsʉʉ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́.

1 Kɔlɛ̂ŋtɛ 12:27

Ɛ́ ɡʉ nǔu mbʉʉ-Kɛlístɔ, mbɔ pʉʉ wɔ lɔknɛ ḿbɔ́ yîyɑ́, ẅîwɑ́ ŋu pɔ́ nǔu pʉʉ, ḿbɔ́ tɑ́Ꞌ kɛm nǔu mbʉʉ ɛ̂yɑ́.

Kɔlɔsíyɛ̂ŋ 2:19

Pɔ́p kɑ́ pɔ́ ŋ́kẅiꞋ ńdɑt mbʉʉ nǔu Kɛlístɔ ẅí jʉ́ pɔ́nɛ tú pɔ́. Lɑ́ mbɔ tú ɡɑ́nɛ mbɑ kʉ̈ɔ́ lɑ́ yi ɛ́ ɡʉ ńcẅɛ́lɛ́ mbɑp-mbʉʉ. Tú ɡɛnɛ mɛzuŋ-mbʉʉ mbɑ mɛŋɑŋ-mbʉʉ cúꞋlɛ ŋ́kúꞋlɛ mbɑp-mbʉʉ, ɛ́ ɡúꞋ pɑ́Ꞌ Sɛ́ sɛ́ ŋ́kɔŋ.

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

1 Kɔlɛ̂ŋtɛ 10:17

Pɑ́Ꞌ tɑ́Ꞌ mbɛlɛ̂ɛt wɛ́mɔ́Ꞌ pɔ́nɛ sɛ́ lɑ́, pɛkŋɛ pɛtsʉʉ tɛmtɛ ŋ́kwɛ́t yîyɑ́ tɑ́Ꞌ mbɛlɛ̂ɛt ńdɔk ńnyɛt ŋɡɔ pɛkŋɛ tɛmtɛ ḿbɔ́ pɔ tɑ́Ꞌ mbʉʉ wɛ́mɔ́Ꞌ.

Ɛ́fɛ̂zɛ 5:30

mbíꞋŋɡɔ pɛkŋɛ pɔ́ pɔ mɛkɛm-mbʉʉ mɛ́.

Kɔlɔsíyɛ̂ŋ 1:18

Jʉ́ pɔ́nɛ tú nǔu mbɑp-mbʉʉ yi ɛ́ cúꞋlɛ pʉɔ pɛ́. A nzɛnɛ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ. Pɔ́Ꞌɔ lɑ́, ḿbɔ́ nduŋmbi nǔu mbɑ kʉ̈ɔ́ lɑ́.

Ɛ́fɛ̂zɛ 5:23

MbíꞋŋɡɔ ndúu-mɑŋɡɛ́ pɔ́nɛ túmbi, mɑŋɡɛ́ pɔ́ mbɑp-mbʉʉ. Kɛlístɔ pɔ́ tú, cúꞋlɛ-pʉɔ pɛ́ pɔ́ mbɑp-mbʉʉ yɛ. Jʉ́ ɡɛnɛ lɑ cúꞋlɛ-pʉɔ pɛ́ ɡẅɛɛ luk kɛ́mɛ.

Ɛ́fɛ̂zɛ 4:12

A kɑ zɑ́pnɛ pîpɑ́ pʉɔ nɛpɔ́ yi pɔ́p ɡʉ cẅɛ́lɛ́ pʉɔ-Kɛlístɔ nɛfɑꞋ fɑꞋ-Sɛ́, cúꞋlɛ-pʉɔ-Kɛlístɔ yi ɛ́ mbɑp mbʉʉ yɛ́, kẅiꞋ ŋ́ɡʉ nɛ́ mbi.

Ŋɡɑlɑ̂t 3:16

Ɛ́ mbɔ̌ Sɛ́ ḿbɛn ḿbɔ́ pɔ pɔ́Ꞌɔ. Sɛ́ kɑ kɑꞋ yúu mbɔ̌ Ábɛlɛhɑ̂m tɛ mbɑ mbɔ̌ ŋu ẅí Ábɛlɛhɑ̂m kɑ pɔ́ ŋ́ɡʉ ńdɑ́Ꞌ lɑ́ ḿbí wɛ́. ŊwɑꞋnɛ-Sɛ́ kɑ cú ŋɡɔ pɛ́ kɑ kɑꞋ mbɔ̌ pʉɔ pi ɑ kɑ pɔ́ ŋ́ɡʉ ŋ́ɡɛ lɑ ḿbí wɔ́p pɑ́Ꞌ ŋkɑ́ yi pʉɔ pi pɛ́ kɑ pɔ́ ŋ́kɑꞋ yîyɑ́ yúu ɛ́ pɔ́ yɔ́p ŋ́kɑɑ zɑ́ɑ zɑ́ɑnɛ pɔ́. Ŋɡɑ́ŋ ɛ́ kɑ pɔ́ pɔ nu tɑ́Ꞌ ŋu, mbíꞋŋɡɔ pɛ́ zɛɛ ɛ́fúŋ tsɛt ŋwɑꞋnɛ-Sɛ́ ŋɡɔ: Tɛ mbɑ mbɔ̌ ŋu ẅí ɔ ɡʉ ŋ́ɡɛ ḿbí wɛ́. Ẅîwɑ́ ŋu pɛn ḿbɔ́ Kɛlístɔ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Ɛ́fɛ̂zɛ 1:23

CúꞋlɛ-pʉɔ-Sɛ́ mbʉʉ-Kɛlístɔ. A tsɛt cúꞋlɛ-pʉɔ pɛ́ ŋkɑ́ tsʉʉ, jʉ́ ẅí ɑ zʉꞋ tsʉʉ ndǔmbí.

1 Kɔlɛ̂ŋtɛ 12:7

Pɔ́Ꞌɔ lɑ́, Zẅikŋɛ Lɛ́ɛnɛ́nɛ lɔk pɔ́fɑꞋ ŋ́ɡɑ́ fuꞋ níinɛ mbɑ wɛ́tɛ́ ŋu lɑ́, ńdɔk pɔ́Ꞌɔ, ńnyɛt ŋɡɔ ɛ́ nǔu ŋɡɑŋ. Yîyɑ́ pɔ́fɑꞋ pɔ́ pɔ nɛlɔk ńcẅɛ́lɛ pʉɔ tsʉʉ.

1 Kɔlɛ̂ŋtɛ 12:20

MɛzʉꞋ-mbʉʉ zɛɛ ńzɑ́ɑ tɛꞋ lɑ́ ŋ́kɛ́ ńcúꞋlɛ ḿbɔ́ pɔ tɑ́Ꞌ mbɑp-mbʉʉ.