1 Kɔlɛ̂ŋtɛ 1:8 - Kɑɑ Fí

⁸ Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

1 Kɔlɛ̂ŋtɛ 1:8 Referans Kwoze

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

Kɔlɔsíyɛ̂ŋ 1:22

Lɑ́ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ ɛ́ kɑ fú nǔu pɑ́Ꞌ Mɔ́ɔ nɛ kɑ tsʉ́Ꞌnɛ ŋumɛsɔŋ, ḿpfú, ɛ́shuŋ wʉ́ʉ ḿbɛn ńtík nɛjɔ́ŋ wɛ́, ɛ́shuŋ wʉ́ʉ pɔ́Ꞌɔ, nɛpɔ́ yi pʉʉ ɡʉ ḿbɔ́ Ndɛ́ɛnɛ Lɛ́ɛnɛ́nɛ, ḿbɔ́ pɑkɛ́fɑɑnnɛ, ḿbɔ́ pɛkɛ́lɔ́Ꞌ.

Filipɛ 1:6

N jí ŋɡɔ jʉ́ Sɛ́ ẅí ɑ kɑ zɛnɛ mɛfɑꞋ sʉ́Ꞌnɛ tsɛt tʉ́m pʉʉ, ɡʉ ńdɔk ŋ́ɡʉ pɔ nɛ́ mbi tɛ ńdɑ́Ꞌ ŋ́kúu lɛ́Ꞌ yi Yɛ́su Kɛlístɔ ɡʉ ńdɑ́Ꞌ ḿbɛn ńtɔ́.

2 Tɛsɑlɔník 3:3

Tsɑpʉɔ, ɑ kɛ́ ḿbɔɔ ŋ́kúpmɛ pɔ́. A ɡʉ ŋ́ɡɛ pʉʉ pɔɔ kɑ́ɑ, ḿbɛn mbɔɔ pɛ́m Sɑ́ttɑ zɑ́p pɔ́ nǔu pʉʉ pɔ́.

Ɛ́fɛ̂zɛ 5:27

A kɑ pɔ́ ŋ́kɔŋ ŋɡɔ yîyɑ́ cúꞋlɛ, ɛ́ ɡɔ́ tʉ́ʉ mbi yɛ́, ńtsuŋ ḿbɔ́ ŋ́ŋwɑŋɛ, ḿbɔ́ kɛ́ ncʉ́, kɛ́ yɛcɔ́ zʉꞋ mbʉʉ yɛ́ ŋúꞋlɛ, kɛ́ yɛcɔ́ lɔ́Ꞌ, yɛcɔ́ yúu pɔɔ pɛ́t ńjɑ́k nǔu wɛ́ pɔ́.

Pʉɔ-Lɔ́mɑ 16:25

Pɛkŋɛ ɡúꞋlɛ Sɛ́. Jʉ́ kuꞋnɛ nɛɡɛ pʉʉ tɛntɛ tɛntɛ́nɛ nzʉʉ wɛ́. Ŋkʉʉ Sʉ́Ꞌnɛ ẅí n cẅinɛ ɛ́ cú nu nǔu Yɛ́su Kɛlístɔ, ɛ́ ɡʉ ḿbɔ́ ɛ́fɑꞋ yîyɑ́ fɑꞋ. Sɛ́ lɔk wɔ Ŋkʉʉ Sʉ́Ꞌnɛ, ńnyɛt yúu mi ɑ kɑ zɑ́pnɛ nǔu Kɛlístɔ, mbɔ ɛ́ kɑ zɛɛ ḿbɔ́ yi lʉɔmɛ́nɛ tɛ ɛ́fú tɛ mɛŋɡuꞋ.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

Filipɛ 1:10

Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

Pʉɔ-Lɔ́mɑ 14:4

Ɔ wɔ̌ tɛ ńtɔ́ lɔ́Ꞌ ŋɡɑŋfɑꞋ-ŋu ndɛꞋ? A lɑɑ ɛ́fɑɑnɛ nu, kɛ mbɔɔ fɑɑnɛ ɔɔ, mbɔ tɑ́t-fɑꞋ wɛ ɡẅɛɛnɛ nɛcú. Jʉ́ Tsɑpʉɔ zɛɛnɛ ŋ́kuꞋ nɛcú ŋɡɔ ŋɡɑŋ kɑ́ fɑɑnɛ nu pɔ́.

2 Pyɛ̂ 3:10

Lɛ́Ꞌ lɑ́Ꞌ-Tsɑpʉɔ ɡʉ ńdɑ́Ꞌ ńtɔ́ pɔ pɑ́Ꞌ tsɔ́ŋ tɔ́nɛ lɑ́. Ɛ́ pɔ́ lɛ́Ꞌ ɛ̂yɑ́, nɛfɑŋ ɡɔ́ ḿmɛ, zʉꞋ zɔtnɛ tɛ pɛ́ pɔ́k. Yúu mi ɛ́ nɛfɑŋ puu ɛ́shí, tsɛ́tsɑ́Ꞌ pɔ́p yúu mi ɛ́ ndǔ puu mɛ.

2 Kɔlɛ̂ŋtɛ 1:21

KwɑꞋ Sɛ́ ɡɛnɛ lɑ́ pɛk pɔ́ ńtɛntɛ tɛntɛnɛ nzʉʉ Kɛlístɔ tɛ mbɑ pʉʉ. A kɑ fɑk wɛkŋɛ,

2 Kɔlɛ̂ŋtɛ 1:14

Pɑ́Ꞌ pʉʉ kɑ zɛnɛ nɛzúꞋ ntɛ́ ŋu ẅí mɔ jʉ́ lɑ́, ɛ́ ɡʉ ńdɑ́Ꞌ lɛ́Ꞌ yi Tsɑpʉɔ Yɛ́su Kɛlístɔ tɔ́nɛ, ŋ ɡɔ́ ḿbɔ́ mbɔ̌ pʉʉ ḿbɔ́ yʉ́ʉ yúu-kɑꞋmɛ, pʉʉ pɛn ḿbɔ́ yɑ́ɑ.

1 Kɔlɛ̂ŋtɛ 5:5

ńcɑklɛ ẅîwɑ́ ŋu ŋ́ɡɑ́ mbɔ̌ Sɑ́ttɑ. A sɑt mbɑp-mbʉʉ-ŋɡɑŋ nɛpɔ́ yi ɛ́ ɡʉ ńdɑ́Ꞌ lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, zẅikŋɛ ŋɡɑŋ luk.»

Lúkɑ́shi 17:24

Mɔ́ɔ-ŋu ɡʉ ńzɛɛ ńdɑ́Ꞌ ŋ́ɡɔ ńtɔ́ pɛ́ jʉ́ɔ wɛ́ pɑꞋ mɛnɛ́ɛ-mbʉŋ mi ɛ́ lɛɛnɛ ŋɡɔ ŋwɑŋ, ɛ́fú nǔu mbú-ŋɡɔŋ ŋ́kúu nǔu nɛcɔ́, ḿbuu ŋ́kyɛꞋ zʉꞋ tsʉʉ.

Lúkɑ́shi 17:30

Ɛ́ ŋ́ɡɛ ḿbɛn ḿbɔ́ pɔ pɔ́Ꞌɔ, nǔu lɛ́Ꞌ yi Mɔ́ɔ-ŋu ɡʉ ńdɑ́Ꞌ ḿvukŋɛ vukŋɛnɛ ńtɔ́.

Pʉɔ-Lɔ́mɑ 8:19

Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

1 Kɔlɛ̂ŋtɛ 3:13

Mbɔ ɛ́ kɑ pɔ́ yɛcɔ́ lɔ́Ꞌ pɔ́. FɑꞋ-mbɑ wɔ̌ lɑ́ ɡʉ ńdɑ́Ꞌ ńcẅɛt mɑ́ntɑ́ɑ. Pɛ́ ɡʉ ńdɑ́Ꞌ ńjʉ́ɔ nǔu lɛ́Ꞌ yi pɛ́ ŋɑknɛ mɛtsɑŋ. MbíꞋŋɡɔ múk ɡʉ ńdɑ́Ꞌ ńdɛɛ nǔu fɑꞋ mbɑ wɔ̌ lɑ́ tɛ pɛ́ jʉ́ɔ pɑ́Ꞌ ɛ́ zúꞋu ḿbɔ́ pɔ́Ꞌɔ.

2 Kɔlɛ̂ŋtɛ 1:13

Ɛ́ yɛ́tɛ́ lɑ́ pɛk pɔɔ ŋwɑꞋnɛ yɛcɔ́ yúu tsɛt ŋwɑꞋnɛ ŋ́ɡɑ́ mbɔ̌ pʉʉ ɛ́ pɔ́ yi ndɛꞋ nǔu nu yí pʉʉ fúŋnɛ ńzúꞋ pɔ́, ŋ kwɑŋɛ ŋɡɔ pʉʉ ɡʉ zúꞋ tɛ ḿmik.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

1 Tɛsɑlɔník 5:2

ɛ́ mbíꞋŋɡɔ pʉʉ sɛ́ ńtsuŋ ńjí yʉ́ʉ ŋɡɔ lɛ́Ꞌlɑ́Ꞌ-Tsɑpʉɔ ɡʉ ńdɑ́Ꞌ ḿvukŋɛ vukŋɛ́nɛ ńtɔ́ pɑ́Ꞌ ntsɔ́ŋ ẅi ɑ tɔ́nɛ nɛtúꞋ lɑ́.

2 Tɛsɑlɔník 2:2

«Kɔɔ pʉʉ zúꞋ pɑ́Ꞌ pɛcɔ́ pʉɔ sɛ́ ńcú ŋɡɔ lɛ́Ꞌlɑ́Ꞌ-Tsɑpʉɔ tɔ́, ḿvukŋɛ vukŋɛ́nɛ. Kɔɔ pʉʉ pɔ́k. Tɛ mbɑ pɑ́Ꞌ ŋu ẅí ɑ nɑŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́ lɑɑnɛ ńcú, tɛ ńzɛɛ ḿbɔ́ yi pʉʉ zúꞋ pɔ mbɔ̌ ŋu ẅi ɑ sɛ́ ɛ́sẅíi nu-Sɛ́, kɛ pɛ́ zɛɛ ɛ́sẅíi wʉ́ʉ pɔ ŋɡɔ pɛk ŋwɑꞋnɛnɛ pɔ́Ꞌɔ ɔɔ, kɔɔ pʉʉ pɛ́m.»

2 Timɔtɛ́ɛ 1:12

Yɛ́tɛ ɡɛnɛ n jʉ́ɔ yɔ ntɛ́ ŋɡʉ̈ɔ́Ꞌ ŋkɔ̂ɔnɛ pɑ́Ꞌɑ mbíꞋ pɔ pɔ́Ꞌɔ. Lɑ́, sʉ́ʉ kɛ́ ḿbɔɔ ŋ́kɔ́ wɑ́ɑ nǔu pɔ́, mbíꞋŋɡɔ mɔ sɛ́ ńjí ŋu ẅi n zɑ́pnɛ tʉ́m nǔu wɛ́. N tsuŋ ḿbɔ́ ńjí ŋɡɔ ŋɡɑŋ ɡẅɛɛ mɛtʉʉ nɛlɔk ŋ́kúꞋlɛ nu yi ɑ kɑ lẅɛꞋnɛ mbɔ̌ mɔ, tɛ ŋ́kúu lɛ́Ꞌ yi Yɛ́su ńdɑ́Ꞌ ńtɔ́.

2 Timɔtɛ́ɛ 1:18

Mɔ sɛ́ ḿbúꞋ mbɔ́ mbɔ̌ Tsɑpʉɔ ŋɡɔ ɑ lɑ́Ꞌ lɛ́Ꞌ nɛzɑ́Ꞌ ntsɑŋ ŋ́ɡẅɛɛ pɔŋtʉ́m nǔu wɛ́. KwɑꞋ ɡu sɛ́ ńjí pɑ́Ꞌ ŋ kɑ pɛ́t tʉ́sɔŋ-Ɛ́fɛ̂zɛ ɑ cẅɛ́lɛ́ wɑ́ɑ pɔ́Ꞌɔ.