Ike̱ng a ta tonong aYohana 9:17 - Izere New Testament

¹⁷ Ítsaap'e be áner aya a tá ko̱n natoon itsaap'e mi tá di kaye̱e̱r ike̱ng iya Adakunom tin tonong'e be íkpaar atso̱m iseng ni nafok ba, ife ákak se shim shim ne ife ákak se kyo̱ndi ashi aruron. Ace ítsaap'e se kyo̱ndi áfe azaki, kuro̱ng be itsing ne ike̱ng ikak kyo̱ndi itong abindiga wuruk ni nanu ítsaap'e.

Ike̱ng a ta tonong aYohana 9:17 Referans Kwoze

Ike̱ng a ta tonong aYohana 9:18

Be risam na ne a ti fe̱s ánerawe abas azining kaye̱e̱r ataar, be kuro̱ng'e ne itsing ne ike̱ng ikak kyo̱ndi itong abindiga tá wuruk ni nanu ba.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 14:10

wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 11:5

Ke aner akak nye kyo̱ndi a ta ka man ba, ne kuro̱ng wuruk kaye̱e̱r kanu ba nong ku ta ya ámudo̱n ba'me. Anong ne koangan afe a ta shim a ta ka man ba a tù ku fe̱r.

Ike̱ng a ta tonong aYohana 9:9

Á kis nafok ba be ike̱ng ikak kyo̱ndi íkpaar kutso̱m. Nawor atse̱n ba se kyo̱ndi nawor ítsaap atso̱m kutseng i ta teng i be naro̱ itsom.

Ike̱ng a ta tonong aYohana 21:20

kufe atoon'e a yis ye aOnis, kufe igataar a yis ye aKaneliya, kufe kanataar'e a yis ye aKirisolat, kufe ikara a yis ye aBeril, kufe katonbo̱k a yis ye aTopas, kufe kuso̱k a yis ye aKirisopuras, kufe kuso̱k be azining a yis ye aZhasi ne kufe kuso̱k be afa'me a yis ye Ametis.