Ike̱ng a ta tonong aYohana 9:15 - Izere New Testament

¹⁵ Ayong a bisik ámaleka anaas ame áya a tá tsang a ku sak ba kamok izen'e ne kunom'e be kufe̱n'e ne riye̱'me nong á tá fe̱s ánerawe, abas azining kaye̱e̱r ataar.

Ike̱ng a ta tonong aYohana 9:15 Referans Kwoze

Ike̱ng a ta tonong aYohana 9:18

Be risam na ne a ti fe̱s ánerawe abas azining kaye̱e̱r ataar, be kuro̱ng'e ne itsing ne ike̱ng ikak kyo̱ndi itong abindiga tá wuruk ni nanu ba.

Ike̱ng a ta tonong aYohana 8:7

Nizen amaleka afe ime̱se̱ng'e tá fe̱e̱p rigba rifu ne rikarang be kuro̱ng ku tin kare̱ be naso̱k kpas nazatse. Kuro̱ng'e ya kukyes kuzining kaye̱e̱r itaar ife kazatse, anong ne nakon be agam ashirim kuro̱ng'e ya cei.

Ike̱ng a ta tonong aYohana 8:9

Anong ne abas azining kaye̱e̱r ataar afe koakye ike̱ng i ta be kutser kaye̱e̱r ashi ame kus. Ne abas azining kaye̱e̱r ataar afe akpara ashi ame beseng cei.

Ike̱ng a ta tonong aYohana 9:10

Á be arum á tin tang ánerawe kyo̱ndi inye̱ng. A ta kyem no̱o̱k anerawe risam be arum ba'ong ma ife̱n itoon.

Ike̱ng a ta tonong aYohana 9:5

A ta ka no̱o̱k ba agap á tin fe̱s ánerawe baꞌ, igak á tu ku no̱o̱k ba risam rife̱ ife̱n itoon tsek. Risam'me ta se kyo̱ndi inye̱ng tà ta anerawe

Ike̱ng a ta tonong aYohana 8:8

Nizen amaleka afe afa tá fe̱e̱p rigba rifu, yong a barak ike̱ng ikak kyo̱ndi agbang rifan riya kuro̱ng tan yiir ku se kpa kaye̱e̱r ashi. Abas azining kaye̱e̱r ataar afe agbang kudung wor ku te naso̱k.

Ike̱ng a ta tonong aYohana 8:10

Amaleka afe ataar fe̱e̱p rigba rifu, yong agbang adar akak a ta se kanang kyo̱ndi kuro̱ng natoon kaza tikpa kaye̱e̱r abas azining kaye̱e̱r ataar afe agbang adung be itop ashi.

Ike̱ng a ta tonong aYohana 20:7

Nama aye̱ izungu izining'ong tá gor, a tà tun Ishetan naro̱ kaya a tú ku te nitso̱m,