Ike̱ng a ta tonong aYohana 9:11 - Izere New Testament

¹¹ Agwo̱m ba nye amaleka aya a tú ku no̱o̱k kukyem natoon ribong riya ri ta be igak baꞌ ame. Riyerek amaleka'me nirem áner Ibrani nye Abadon, nirem áner aHeleni nye Apoliyon, i ta sor ye, “Aner a ta beseng ike̱re̱.”

Ike̱ng a ta tonong aYohana 9:11 Referans Kwoze

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

aYohana 16:11

kuto̱ro̱ng ba se gye̱r ba' natoon amok, kamok a tsang an te̱n aner áfe tin nye rigwo̱m nazatse na amok.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

1 aYohana 5:19

Yir ren yir ye yir nye yir inoon Adakunom ne Ishetan ninye rigwo̱m nazatse na.

1 aYohana 4:4

Amma yin inoon'i, yin aya mi ta shim, yin nye yin áfe Adakunom. Yin n canang yin aner kuri ayong, kamok Kabik kaya ka ta se kaye̱e̱r yin nar kaya ka ta se kaye̱e̱r kazatse'me.

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

Ike̱ng a ta tonong aYohana 12:9

Ayong a barak Kuwhen ame kaben. Wu ne a nye kuwhen kugbazen'e ame a ta yis ye Amaan Aner ka Ishetan ayi. Wu ne a wo̱k kazatse cice̱r nong kazatse ta wei. A tu barak kaben mak be ámaleka wu ame.

aLuka 8:31

Ayong a yiir kunye aYeso akusuk ye sang a tu fe̱ be ba ye á ra be kaye̱e̱r ribong riya sang ri ta be igak baꞌ.

aYohana 5:2

To̱, na aUshalima'me kudung ku ka tuse a tá gorok be abur atoon. A yis karo̱'me nirem aYahuda ye aBatseda. Kudung na se bubarak be kanukutu a ta yis ye Iren izha.

Ike̱ng a ta tonong aYohana 16:16

Iyong ítseng ame tusung ágwo̱m ame cice̱r naro̱ kakak a ta yis nirem áner Ibrani ye Amagedon.