Ike̱ng a ta tonong aYohana 7:14 - Izere New Testament

¹⁴ Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

Ike̱ng a ta tonong aYohana 7:14 Referans Kwoze

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.

Ibrani 13:12

Anong ne aYeso di risam nama kuwo̱p, nong a ta sak ánerawe wu ta te zhe̱l kamok naso̱k wu.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

1 aBitrus 1:19

Amma a tá ka she̱sh yin be naso̱k aKiristi na ta se yiik, aya ta se kyo̱ndi aturuk asidaka, a se zhe̱l dar rine̱n ka rizik ka inya ayi.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

aMatiyu 24:21

Kamok risam izen iyong ta nar koakye kuri risam afe yin ta kun di yin kum nizen a tá nye kazatse ma nizen iyu. A ta ba bun a so̱ kuri risam'me baꞌ.

aYohana 16:33

“Mi ta taas yin ike̱re̱ na, kamok kaye̱e̱r riyerek'i yin tà se̱ yin kusor caang. Yin tà so̱ yin risam kaye̱e̱r kazatse na, amma na ka tsesek yin. Mi canang kazatse na.”

Ike̱ng a ta tonong aYohana 17:6

Mi di abining'e tan feng be naso̱k áfikuus ázhe̱l'e wu tan so̱, ne nafe áner á ta no̱o̱k asheda natoon aYeso. Nizen iya mi tú ku di mi fok azhing dide̱ng.

aRom 5:3

Sang anong tsek baꞌ, yir bun i nye yir riye̱ rikan kaye̱e̱r risam yir kamok yir ren yir ye risam be̱e̱n kutsesek.

Itomong Ámanzo 14:22

ne á tsang á tsesek áfikuus ne a ku nyesek ba itabak ye á ra yiir rife̱ riya ba ta min no̱o̱k katsak be agap. Ne á fe̱ ye “Ma be risam dide̱ng nizham yir tà ra no̱ yir kaye̱e̱r rigwo̱m Adakunom.”

Ike̱ng a ta tonong aYohana 15:2

Iyong mi di ike̱ng ikak i ta se kyo̱ndi kudung agilas a tá min kare̱ be kuro̱ng. Ne mi di áner a tá canang ikewum ame be ike̱ng i tú ku tas ne izizo̱ riyerek wu ame, ba se nuyeseng nukim agbang kudung'e. Á se be ízom Adakunom tá ka nyesek ba.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.

2 aTasalonika 1:4

Kamok anong, yir be rice yir i ti ya yir kuka be yin nasho̱o̱n áfikuus Adakunom kamok kutsesek yin ne kuno̱o̱k katsak yin kaye̱e̱r amaan kutabak ne iriri kubo̱so̱p yin tin tsesek yin kaye̱e̱r'e.

aMarkus 13:19

Nizen iyong ne a ta nye amaan risam kuri rikak, kuri riya sang a tá kun nye nazatse na baꞌ, kum nizen Adakunom ta nye kazatse, ma kyo̱o̱rna. A ta baꞌ, bun a nye kuri'me baꞌ, ma izen izen.

Ike̱ng a ta tonong aYohana 7:9

Nama anong, mi tá fa ye̱re̱k ne mi di rigwo̱m ánerawe whe̱re̱ riya sang akak tana kyem a fa baꞌ. Ánerawe'me nes kaye̱e̱r koakye kaben, ne kaye̱e̱r koakye irem be koakye kuri áner ne koakye izere, an nyeseng nasho̱o̱n itsik rigwo̱m ame nasho̱o̱n Aturuk'e. Á tes akpiin akan be afumung atarkai nibo̱k ba.