Ike̱ng a ta tonong aYohana 6:1 - Izere New Testament

¹ Mi di Aturuk'e ta sen bisik kudun'e kufe ime̱se̱ng'e kaye̱e̱r idun kanataar ame. Ne mi fok ikewum ikak izining kaye̱e̱r inaas ife kutser ame tá yis be agbang kuto̱ kyo̱ndi akparam ye, “Be̱.”

Ike̱ng a ta tonong aYohana 6:1 Referans Kwoze

Ike̱ng a ta tonong aYohana 5:1

Mi di kufumung a ta min nye izibir cei abas afa nubo̱k riya aner aya a ta se nusonong natoon itsik ame. A rosom kpa be idun kanataar.

Ike̱ng a ta tonong aYohana 6:5

Nizen iya Aturuk'e ta bisik kudun'e kufe ataar ne mi fok ike̱ng'e ife ataar ta fe̱ ye, “Be̱.” Ne mi di itsaap iwe nasho̱o̱n mi. Aner aya a tin ngarak ni itsaap'e be ike̱ng ifa a tin maas kugaar ike̱re̱ nubo̱k wu.

Ike̱ng a ta tonong aYohana 19:6

Iyong mi bun i fok kuto̱ kukak kyo̱ndi riwo̱ng rigwo̱m ánerawe, kyo̱ndi ashi ta wo̱k, kyo̱ndi iza ta tasak. Mi fok á ta fe̱ ye, “Adide̱nge̱ng Adakunom! Kamok Ada Adakunom yir ayiik'e ne a se be rigwo̱m.

Ike̱ng a ta tonong aYohana 6:7

Nizen Aturuk'e tá bisik kudun kufe anaas'e ne mi fok kuto̱ ikewum ife anaas'e tá fe̱ be mi ye, “Be̱!”

Ike̱ng a ta tonong aYohana 14:2

Iyong mi fok kuto̱ kukak tá wuruk kaye̱e̱r kaza kyo̱ndi ashi ta wo̱k, kyo̱ndi iza ta tasak. Kuto̱ kuya mi ta fok'e se kyo̱ndi áner ákak ta sen rom ízom.

Ike̱ng a ta tonong aYohana 11:19

Iyong agbang kutu kuya Adakunom iben ku ta se kaye̱e̱r kaza karak ne mi di akpate kushu Adakunom kaye̱e̱r'e. Ne akanang akak wuruk be riwo̱ng ne kutasak iza be kuzuur kaben ne agbang rikarang.

Ike̱ng a ta tonong aYohana 6:3

Nizen aturuk'e ta fa bisik kudun kufe afa ne mi fok ike̱ng ife afa tá fe̱ ye, “Be̱.”

Itomong Ámanzo 4:20

Kamok yir ta kyem i te yir gbik natoon ike̱ng ife yir ta di yir ne i fok yir baꞌ.”

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

Ike̱ng a ta tonong aYohana 5:8

Nizen iya a ta sok kukpa, ikewum inaas ife kutser ame ne áko̱k kasho̱o̱n iso̱k ifa be anaas ame kpas kaben nasho̱o̱n Aturuk'me. Koangan be izom wu ne kakereng izinariya nafe name iko̱o̱n itek kaye̱e̱r'e. Name'me sor kyo̱ndi aduwa ázhe̱l'e.

Ike̱ng a ta tonong aYohana 5:12

Á tang i to̱ be agap ne á bom abom ye, “Kukyem nye kufe Aturuk a tá tse̱e̱r, a kyem a tu ku no̱o̱k rigwo̱m be kurum ne kukyem cei be agap ne nakerek be kuyiik ne ri ritek.”

Ike̱ng a ta tonong aYohana 8:1

Nizen Aturuk'e ta bisik kudun kufe kanataar ne kaza te win kyo̱ndi ribir awa azining.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.