Ike̱ng a ta tonong aYohana 5:14 - Izere New Testament

¹⁴ Ne íkewum inaas ife kutser ame fe̱ ye, “Anong.” Ne áko̱k kasho̱o̱n ame kpas kaben a tú ku ya iben.

Ike̱ng a ta tonong aYohana 5:14 Referans Kwoze

Ike̱ng a ta tonong aYohana 19:4

Iyong áko̱k kasho̱o̱n iso̱k ifa be anaas ame ne ikewum inaas ame kpas kaben nong á tá ya Adakunom iben, wu afe a ta sonong natoon itsik rigwo̱m. Ne á tang kuto̱ ne á fe̱ ye, “Anong! Adide̱nge̱ng Adakunom!”

Ike̱ng a ta tonong aYohana 5:8

Nizen iya a ta sok kukpa, ikewum inaas ife kutser ame ne áko̱k kasho̱o̱n iso̱k ifa be anaas ame kpas kaben nasho̱o̱n Aturuk'me. Koangan be izom wu ne kakereng izinariya nafe name iko̱o̱n itek kaye̱e̱r'e. Name'me sor kyo̱ndi aduwa ázhe̱l'e.

Ike̱ng a ta tonong aYohana 5:6

Ne mi bun i di Aturuk akak kyo̱ndi an tse̱e̱r kuto̱'me nunyeseng natite karo̱ itsik rigwo̱m'e. Ike̱re̱ inaas ame be áko̱k kasho̱o̱n tú ku gorok. Aturuk'e be atom kanataar be anyisi kanataar. Ayong ne á nye nabik Adakunom kanataar naya á tá tom'e nazatse cei.

Ike̱ng a ta tonong aYohana 7:12

ne á fe̱ ye, “Anong, kuyiik be nakerek be kukyem be riye̱ rikan be rigwo̱m be agap ne ritek nye rife Adakunom yir ma izen izen, Anong.”

1 aKoranti 14:16

Ke wan kerek Adakunom be kabik wan, to̱, aner aya a ta ka foos ta san'e ane̱ a ta fe̱ ye “Anong” sang wu ta fok irem'e baꞌ natoon riye̱ rikan wan ta sen nye'me e̱?

Ike̱ng a ta tonong aYohana 4:4

Ítsik rigwo̱m íkak iso̱k ifa be anaas gorok itsik rigwo̱m'e, be áko̱k kasho̱o̱n iso̱k ifa be anaas á tan sosok natoon ítsik rigwo̱m'e. áko̱k kasho̱o̱n'e n tes ares akan be abong izinariya.

Ike̱ng a ta tonong aYohana 4:6

Nasho̱o̱n itsik rigwo̱m'e ike̱ng ikak tuse kyo̱ndi agbang kudung a tá nye be agilas, i ta gye̱se̱m kyo̱ndi amadobi. Ike̱re̱ ikak inaas i ta be kutser tuse i ta gorok itsik rigwo̱m'e. Ike̱re̱'me be anyisi whe̱re̱ nasho̱o̱n be kama.

Ike̱ng a ta tonong aYohana 5:11

Mi bun i di ne mi fok kuto̱ rigwo̱m ámaleka izungu natoon izungu whe̱re̱. Á gorok ikewum inaas ife kutser ame ne áko̱k kasho̱o̱n ame gip ne itsik rigwo̱m ame.