Ike̱ng a ta tonong aYohana 5:12 - Izere New Testament

¹² Á tang i to̱ be agap ne á bom abom ye, “Kukyem nye kufe Aturuk a tá tse̱e̱r, a kyem a tu ku no̱o̱k rigwo̱m be kurum ne kukyem cei be agap ne nakerek be kuyiik ne ri ritek.”

Ike̱ng a ta tonong aYohana 5:12 Referans Kwoze

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

Ike̱ng a ta tonong aYohana 19:1

Nama anong ne mi fok kuto̱ kukak kyo̱ndi riwo̱ng ánerawe whe̱re̱ kaye̱e̱r kaza ta tasak ne á fe̱ ye, “Adide̱nge̱ng Adakunom, kashesh be kuyiik ne kukyem nye kufe Adakunom yir.

Ike̱ng a ta tonong aYohana 4:11

“Agwo̱m Ágwo̱m yir Adakunom, wan kyem ta shan kuyiik be rigwo̱m ne kukyem, kamok wan ne i nye ike̱re̱ cice̱r, Nu shim wan ne ike̱re̱'me kuse kamok anong i be kutser.”

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

Ike̱ng a ta tonong aYohana 7:12

ne á fe̱ ye, “Anong, kuyiik be nakerek be kukyem be riye̱ rikan be rigwo̱m be agap ne ritek nye rife Adakunom yir ma izen izen, Anong.”

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

Ike̱ng a ta tonong aYohana 5:6

Ne mi bun i di Aturuk akak kyo̱ndi an tse̱e̱r kuto̱'me nunyeseng natite karo̱ itsik rigwo̱m'e. Ike̱re̱ inaas ame be áko̱k kasho̱o̱n tú ku gorok. Aturuk'e be atom kanataar be anyisi kanataar. Ayong ne á nye nabik Adakunom kanataar naya á tá tom'e nazatse cei.

aYohana 1:29

Katuk afe afa aYohana di aYeso saase nufu, yong a fe̱ ye, “Di yin, Aturuk Adakunom, aya a tan n sok rine̱n kazatse!

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 5:13

Ne mi bun i fok koakye ike̱re̱ i ta se natoon kaza be kaben cei be iya i ta se kaye̱e̱r kaben ne kaye̱e̱r ashi ne ife i ta se natoon'e cei tà ta kuto̱ na abom ye, “Nakerek be kuyiik be rigwo̱m ne agap nye kufe aya a ta sonong natoon itsik rigwo̱m'e be Aturuk'e gip ma izen izen.”

1 aTimoti 1:17

Won kuyiik ne nakerek tu sor nafu ma izen izen, wu aya a tana sor Agwo̱m ma izen izen, a ta be igak baꞌ, aya sang a ta kyem a ku di baꞌ. Wu ne a ta nye Adakunom wu ze̱r tsek. Anong.

Ike̱ng a ta tonong aYohana 1:6

Wu ne a bun a tin sak yir i ta te yir áner aya wu tin nye rigwo̱m ne i te yir átsi kunye Adakunom a ta nye Ada itomong. Kamok anong won kuyiik be kukyem tu sor kufu ma izen izen. Anong!

Ike̱ng a ta tonong aYohana 5:8

Nizen iya a ta sok kukpa, ikewum inaas ife kutser ame ne áko̱k kasho̱o̱n iso̱k ifa be anaas ame kpas kaben nasho̱o̱n Aturuk'me. Koangan be izom wu ne kakereng izinariya nafe name iko̱o̱n itek kaye̱e̱r'e. Name'me sor kyo̱ndi aduwa ázhe̱l'e.

Ike̱ng a ta tonong aYohana 6:1

Mi di Aturuk'e ta sen bisik kudun'e kufe ime̱se̱ng'e kaye̱e̱r idun kanataar ame. Ne mi fok ikewum ikak izining kaye̱e̱r inaas ife kutser ame tá yis be agbang kuto̱ kyo̱ndi akparam ye, “Be̱.”

Ike̱ng a ta tonong aYohana 15:3

Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.