Ike̱ng a ta tonong aYohana 3:8 - Izere New Testament
8 Mi ren kunye wan. Di, mi ma ka won kanukutu kuye̱ kaya sang akak tana kyem a whe̱e̱n baꞌ. Mi ren wan mak i be agap baꞌ, gip be anong wan kuus rife̱ mi sang wan min ton baꞌ.
Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.
“Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.
Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.
Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.
Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.
Aner aya ne a ti sak riye̱ na afe iri wu baꞌ, abanang áfekari wu baꞌ, aner kuri ayong ton kuno̱o̱k katsak wu. A nye amaan'e ne a nar aner aya afe sang a tá min no̱o̱k katsak na aYeso baꞌ.
“Zibir amaleka ikilisiya aSardis'e ye: Rife̱ na ne nufe aner aya a ta be nabik Adakunom kanataar ne a yiir ádar kanataar nubo̱k wu. Mi ren kunye wan. Ánerawe ta di kyo̱ndi wan nye atser aser wan nye kukom'e.
Mi ren kuse wan cei. Mi ren iso̱r wan ne itomong wan ne i ren kutsesek wan. Mi ren wan won akardak aner tá bo̱so̱p ánerawe'me baꞌ. Wan bo̱mo̱ng áya a tá sok ace ba ye ba nye ámanzo aYeso, amma sang á ra nye baꞌ, á nye ámanzo abo̱o̱s.
Mi fe̱ anong, kamok áner kuri ákak n no̱ kaye̱e̱r yin kyo̱o̱n. Á fok inyim Adakunom baꞌ. Á sok ritek Adakunom nong ri ta te iren kunye kpe̱de̱ng. Á ton'e aYeso Kiristi ye sang wu ne a nye Atekasa ne a nye Agwo̱m Ágwo̱m yir baꞌ. Kum gbugbang a tsang a zibir ye a tú ku to̱ ba amok.
Yiring yin be rife̱ mi tá fe̱ be yin ye: ‘Asam akak nar atekasa wu baꞌ.’ Ke á ti tabak, to̱, á tà ka tabak yin gip. Ke ba kuus rife̱ mi a tà kuus rife̱ yin gip.