Ike̱ng a ta tonong aYohana 3:7 - Izere New Testament

⁷ “Zibir amaleka ikilisiya aFiladefiya'me ye: Rife̱ na ne nufe aner aya a ta se zhe̱l ne a be katsak, wu ne a be agbang akarak aDauda. Ike̱ng iya wu ta karak akak ta kyem a whe̱e̱n baꞌ, ike̱ng iya wu ta whe̱e̱n akak ta kyem a karak baꞌ.

Ike̱ng a ta tonong aYohana 3:7 Referans Kwoze

aMatiyu 16:19

Mi tà ka no̱o̱k akarak kanukutu rigwo̱m kaza. Ike̱ng iya ne wan ros nazatse i ta se nurosom kaye̱e̱r kaza. Ike̱ng iya ne wan bisik nazatse i ta se nubisik kaye̱e̱r kaza.”

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ike̱ng a ta tonong aYohana 6:10

Ne a tang kuto̱ be agap ye, “Agwo̱m Ágwo̱m, Atek kaza be kaben, azhe̱l'e, afe katsak, ma nizen inyaka ne wan ta to̱ kazatse amok ne i ku karang ike̱ng iya a tin nye yir e̱?”

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aLuka 1:32

A tà se yiik, ne a ku yis ye, Igon Adakunom ayiik'e. Agwo̱m Ágwo̱m yir Adakunom tù ku no̱o̱k itsik rigwo̱m atukop wu aDauda.

aMarkus 1:24

ye, “aYeso afu aNazaret, wan tse̱r akye̱ be yir e̱? Wan m be̱ ta bin fe̱s yir a? Mi ta ren, wan nye Azhe̱l'e afe Adakunom!”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

Ike̱ng a ta tonong aYohana 19:11

Mi di kaza nukarak ne i di itsaap ikan nunyeseng. A yis aner aya a tin ngarak natoon itsaap'e ye Aner Katsak be Katsak. A to̱ amok natoon katsak ne a nye itsom kamok katsak.

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

Itomong Ámanzo 3:14

Amma yin rayin Azhe̱l'e na, Aya a se gye̱r nasho̱o̱n Adakunom nong yin ta nye yin aBilatus akusuk ye a ra ka tun yin aBarabas aya a tá fe̱s ánerawe ingya.

aMatiyu 24:35

Kaza be kaben ta gor, amma ko rife̱ mi sen gor ze̱r baꞌ.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

aLuka 4:34

“Yeye! Akye̱ ne wan tse̱r be yir e̱? Wan m be̱ nong tin fe̱s yir a? Mi ta ren, wan nye azhe̱l'e afe Adakunom!”

Ike̱ng a ta tonong aYohana 15:3

Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 19:2

Kamok amok wu se gye̱r ne a nye katsak. A to̱ agbang inyak agwo̱m iya i tá beseng kazatse be rikuna wu amok. Adakunom mu ku karang kamok a fe̱s ásam wu.”

Ike̱ng a ta tonong aYohana 16:7

Ne mi fok kuto̱ kukak kaye̱e̱r abagadi ame ta fe̱ ye, “Ei, Adakunom Agbang Agwo̱m Ágwo̱m afe kukyem cei, amok wan se gye̱r ne a nye katsak.”

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

Ike̱ng a ta tonong aYohana 2:1

“Zibir amaleka ikilisiya Afisa'me ye: Rife̱ na ne nufe aner aya a ta yiir ádar kanataar nubo̱k riya wu, a ta tsang a tseng kaye̱e̱r ike̱re̱ kanataar a tin tes kuro̱ng ife a tá nye be izinariya ame.