Ike̱ng a ta tonong aYohana 3:3 - Izere New Testament

³ Kamok anong, yiring be ike̱ng iya wan ta fok i ta shan. Kuus nong ta shishing kuse wan. Amma ke wan dorok baꞌ, mi tà be̱ kyo̱ndi akpatang, wan tà ren izen iya mi tana be̱ baꞌ.

Ike̱ng a ta tonong aYohana 3:3 Referans Kwoze

Ike̱ng a ta tonong aYohana 2:5

Yiring be karo̱ afe wan tú ku se nizham wan tá ra kpa. Shishing kuse wan ne i nye ike̱re̱ iya wan tà nye ime̱se̱ng'e. Ke wan shishing kuse wan baꞌ, to̱, mi saase tà be̱ sok ike̱ng iya a tin te kuro̱ng wan naro̱ a tu ku saas.

2 aBitrus 3:10

Katuk kube̱ Agwo̱m Ágwo̱m bu se kyo̱ndi kube̱ akpatang. Katuk kayong a tà fok riwo̱ng be agap ne kaza wei, cice̱r ike̱re̱ a tin nye kaza be kaben a tà shosh. Koakye i ta se nune̱re̱ng kaye̱e̱r'e a ta tun kanang nasho̱o̱n Adakunom.

1 aTasalonika 5:2

Kamok yin be rice yin, yin ren yin ye katuk kube̱ Agwo̱m Ágwo̱m yir bu se kyo̱ndi kube̱ akpatang ta be̱ natuk.

Ike̱ng a ta tonong aYohana 16:15

“Di yin, mi saase kyo̱ndi akpatang. Aner riye̱ rikan ne a nye aner aya a ta sor be kanye̱k, ne a sor be ares wu bubarak fan a bu tseng ica'me ne a fok isum kaye̱e̱r ánerawe.”

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

Ibrani 2:1

Kamok anong, i ni barang yir ku ni sak yir riye̱ natoon ike̱re̱ i tan fok yir fan i bu te yir titak ta won yir iren'e.

1 aTimoti 6:20

aTimoti, ni sak riye̱ be ike̱ng iya a ta ka no̱o̱k amana'me. Kam be akpe̱de̱ng itak ne rife̱ kuzhe̱e̱sh Adakunom ra wan abo̱o̱s a ta yis ye kuren ike̱ng,

aMarkus 13:36

Fan a bu be̱ a ta ka se̱ yin nida.

aMarkus 13:33

Sak yin riye̱ ne i nye yin kanye̱k kamok sang yin tá ren yin izen iya a tana be̱ baꞌ.

Ike̱ng a ta tonong aYohana 3:19

Áner aya mi ta shim ne mi tu zhe̱e̱r ba ne i ku te nunyi. Kamok anong, dorok be katsak, shishing kuse wan.

2 aBitrus 3:1

Ároneng, kufumung'i kufe afa na'me. Mi zibir afumung afa'me cice̱r nong ta ka yiring yin'e nong tin nye yin kuto̱ro̱ng gye̱r.

Ike̱ng a ta tonong aYohana 3:11

Mi saase kyo̱o̱rna. Kamok anong yiir kuno̱o̱k katsak wan kpa fan akak bin shan ribong ishorong wan.

Ike̱ng a ta tonong aYohana 2:25

Yin yiir yin kuno̱o̱k katsak yin tsek ma mi bun i be̱.

2 aBitrus 1:13

Mi di ye i se gye̱r ta yiir kuka yiring yin ike̱re̱ na kum mi ta rusek nazatse na be kutser,

2 aTimoti 1:13

Yiir kuri kubo̱so̱p na kufe katsak kuya wan tá fok nunaan, i tu sor ike̱ng wan tanin nye kumaas. Yiring ta sor kaye̱e̱r kuno̱o̱k katsak ne kushim kuya wan ta be kaye̱e̱r aYeso Kiristi.

Ike̱ng a ta tonong aYohana 3:2

Dorok, ni barang agap nike̱ng i ta rusek i tan be̱ barak i ta ku, kamok mi di kunye wan shining nasho̱o̱n Adakunom baꞌ.

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”