Ike̱ng a ta tonong aYohana 3:15 - Izere New Testament

¹⁵ Mi ren kunye wan, wan shirim baꞌ, wan zhoosh baꞌ. Wan fa shirim ka i zhoosh ayi ke i nar.

Ike̱ng a ta tonong aYohana 3:15 Referans Kwoze

aRom 12:11

Sang tu se yin dar ifeng baꞌ, be yin ifeng kaye̱e̱r aye̱ yin ne i nye yin Adakunom itomong.

aMatiyu 6:24

“Koakak kuse a tana kyem a nye átekasa afa itomong ni izen izining baꞌ. Ke a nye anong, a ta shim akak ne a rawu akak, ka ne a tiyiik akak ne a zhe̱e̱sh akak. Yin ta kyem i ti te yin riye̱ ni ikuus Adakunom ne i bun i ni te yin riye̱ ni itso̱m baꞌ.

aYakub 1:8

A nye aner a ta nye ikeng be riye̱ gak, a be kuto̱ro̱ng kuzining natoon koakye wu ta nye baꞌ.

Ike̱ng a ta tonong aYohana 2:4

Amma gip be anong, kudaam kufe mi ta be be wan se ana; Wan n tiburum be kushim wan kufe ime̱se̱ng'e.

aMatiyu 24:12

Kamok amaan kunye tin barang, kushim ánerawe whe̱re̱ tà shirim.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

aFilipi 1:9

Aduwa mi se ye: kushim yin tà ya kasho̱o̱n anong dide̱ng kaye̱e̱r kukyem yin ne i ren yin ike̱ng i ta se gye̱r ke a nye,

2 aKoranti 12:20

Kamok mi fok inyim ye kashim ke mi be̱, mi ta be̱ tá ka se̱ yin kyo̱ndi mi ta shim baꞌ, ne yin ni sok yin kyo̱ndi yin ta shim yin baꞌ. Mi fok inyim ye mi ta be̱ ta ka se̱ yin riwo̱ng be rifuup ne riye̱ kubeseng be ku won dar kugung rice, be ritok, ne imok, be rice ribun ne akpe̱de̱ng kusor.

aMatiyu 10:37

“Aner a ta shim atek ka anyining wu ayi ne a ni nar, ta kyem a ta te anaan baꞌ. Aner a ta shim igon ka angas wu ayi ne a ni nar ta kyem a ta te anaan baꞌ.

Ike̱ng a ta tonong aYohana 3:1

“Zibir amaleka ikilisiya aSardis'e ye: Rife̱ na ne nufe aner aya a ta be nabik Adakunom kanataar ne a yiir ádar kanataar nubo̱k wu. Mi ren kunye wan. Ánerawe ta di kyo̱ndi wan nye atser aser wan nye kukom'e.

Ike̱ng a ta tonong aYohana 2:2

Mi ren kuse wan cei. Mi ren iso̱r wan ne itomong wan ne i ren kutsesek wan. Mi ren wan won akardak aner tá bo̱so̱p ánerawe'me baꞌ. Wan bo̱mo̱ng áya a tá sok ace ba ye ba nye ámanzo aYeso, amma sang á ra nye baꞌ, á nye ámanzo abo̱o̱s.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

1 aKoranti 16:22

Aner aya a ta shim Agwo̱m Ágwo̱m baꞌ, Riman'e tu ku kuus. Be̱ aYeso, Agwo̱m Ágwo̱m.

Ike̱ng a ta tonong aYohana 3:16

To̱, kamok wan ta se mumo̱k, wan shirim baꞌ wan zhoosh baꞌ, mi m be̱ barak ta ka titu.