Ike̱ng a ta tonong aYohana 22:19 - Izere New Testament

¹⁹ Aner aya a ta te̱e̱k ike̱ng ikak kaye̱e̱r ike̱ng iya a ta zibir kaye̱e̱r kufumung kuzarap na, Adakunom tà sok ishorong kanu kafu kaye̱e̱r kakon kutser ne kaye̱e̱r kuwo̱p kuzhe̱l'e ame, aya a ta fe̱ itak'e kaye̱e̱r kufumung na.

Ike̱ng a ta tonong aYohana 22:19 Referans Kwoze

aLuka 11:52

“Awo̱ be yin áya i ta ren yin Itsi dide̱ng, yin te̱ne̱ng yin ánerawe iren kuren Adakunom. Yin no̱ yin baꞌ, yin won yin ákak ta no̱ baꞌ.”

Ike̱ng a ta tonong aYohana 22:2

ne a wo̱k natite agbang iren i ta se kaye̱e̱r kuwo̱p'e. Kakon kutser tuse ka ta nyeseng nukim isho̱ng'e nabas afa, ka ta tes kutak kuso̱k be afa koakye riye̱. Kakon'e tes koakye kufe̱n. Afumung kakon'e nye rikan nufe ánerawe kazatse cei.

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

Ike̱ng a ta tonong aYohana 1:3

Aner riye̱ rikan ne a nye aner aya a ta fa ike̱re̱ na ife aner kuzarap na tá zibir. Aner riye̱ rikan ne a nye aner aya a ta fok ne a kuus ike̱ng iya a ta zibir kaye̱e̱r kufumung na, kamok izen n be̱ barak ike̱re̱ na tana nye.

Ike̱ng a ta tonong aYohana 22:12

“Di yin, Mi saase kyo̱o̱rna! Ishorong yin se nunaan, mi tà karang koangan tite̱re̱ be ike̱ng ife wu tá nye.

Ike̱ng a ta tonong aYohana 3:12

Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

Ike̱ng a ta tonong aYohana 2:26

Aner aya a ta canang kazatse ne a nye ike̱ng iya mi ta shim ma nigang'e, mi tù ku no̱o̱k kukyem a tà nye rigwo̱m natoon kazatse cei kyo̱ndi mi ta shan kukyem'i nufe Ada mi. Kyo̱ndi a ta fe̱ ye, ‘A tin nye rigwo̱m natoon ba be ishe̱n kutso̱m, a tà ka fo ba kyo̱ndi a ta fo kadonong iben.’ Mi tu ku no̱o̱k adar kusetson.

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

Ike̱ng a ta tonong aYohana 11:2

Amma tu maas kubang'e kufe ime̱se̱ng'e baꞌ. Sang tu maas baꞌ, kamok an no̱o̱k áfurin, ba ne a ta be̱ shesh kuwo̱p kuzhe̱l'e na ma ife̱n iso̱k inaas be afa.

Ike̱ng a ta tonong aYohana 21:5

Ayong afe a tá tsang a sonong natoon itsik rigwo̱m ame fe̱ ye, “Di yin, mi sen nye koakye ifas!” A bun a fe̱ be mi ye, “Zibir rife̱ na, kamok rife̱'me nye katsak ne ri nye ike̱ng iya a tana kuus.”

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”