Ike̱ng a ta tonong aYohana 22:18 - Izere New Testament

¹⁸ Mi aYohana ne i fe̱ be yin be agbang kuto ye, koangan afe a ta fok rife̱ kuzarap riya ri ta se kaye̱e̱r kufumung na: Aner aya ne a tin barang ike̱ng ikak natoon'e, to̱, Adakunom tù ku barang mo amaan risam wu gip riya a ta zibir kaye̱e̱r kufumung na.

Ike̱ng a ta tonong aYohana 22:18 Referans Kwoze

Ike̱ng a ta tonong aYohana 1:3

Aner riye̱ rikan ne a nye aner aya a ta fa ike̱re̱ na ife aner kuzarap na tá zibir. Aner riye̱ rikan ne a nye aner aya a ta fok ne a kuus ike̱ng iya a ta zibir kaye̱e̱r kufumung na, kamok izen n be̱ barak ike̱re̱ na tana nye.

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”

Ike̱ng a ta tonong aYohana 15:1

Mi di ike̱ng ikak natoon kaza igbang'e ife azhing. Mi di ámaleka kanataar be iriri amaan risam kanataar rife̱ igang'e. Kamok be ba ne a tin tonong riye̱ kubeseng Adakunom rife igang'e.

1 aTasalonika 4:6

Kyo̱ndi yir tá tsang i fe̱ yir, ne i bun i ka zhe̱she̱k yin ye, sang akak tu beseng afudang riye̱ baꞌ, ka a tu ku nye ike̱ng ikak imaan'e baꞌ, kamok Agwo̱m Ágwo̱m yir ne a ta to̱ áner kuri ayong amok.

aMatiyu 15:13

A fe̱ be ba ye, “Koakye ike̱ng ife sang Ada mi afe a ta se naza ne a tuus baꞌ, a tà inga cei ma na atsip'e.

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 15:6

Ámaleka kanataar wuruk kaye̱e̱r kutu kuya Adakunom iben be iriri amaan risam kanataar ame. Án nyeseng be ares akan aya a tá gye̱se̱m ne á rosom nafok ba be idun ikak a tá nye be izinariya.

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.

Afisa 4:17

Kamok anong, mi ta ko̱ro̱k yin kuto kaye̱e̱r riyerek Agwo̱m Ágwo̱m ye, sang tu ba sor yin kyo̱ndi áfurin ta sor be kuri kuto̱ro̱ng ba kufe rifunam baꞌ.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

Ike̱ng a ta tonong aYohana 22:9

Amma amaleka'me fe̱ be mi ye, “Sang tu nye anong baꞌ. Mi nye asam afudang wan, kyo̱ndi ribir áronyining wan áner kuzarap Adakunom cei be ribir ánerawe áya a tin sak riye̱ nufumung a ta zibir na. Ya yin Adakunom iben!”

Ike̱ng a ta tonong aYohana 22:10

Ayong a fe̱ be mi ye, “Sang tu whe̱e̱n kuzarap kaye̱e̱r kufumung na baꞌ, kamok izen'e m be̱ barak.