Ike̱ng a ta tonong aYohana 22:17 - Izere New Testament

¹⁷ Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.

Ike̱ng a ta tonong aYohana 22:17 Referans Kwoze

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

Ike̱ng a ta tonong aYohana 21:6

A bun a fe̱ be mi ye, “An gang! Mi ne i nye Alfa ne aOmega. I ta sor ye mi ne i nye ime̱se̱ng'e ne i nye igang'e. Koangan afe a ta fok kuto̱ kukoor, mi tì ku no̱o̱k ashi a ta wuruk kaye̱e̱r itop ashi ife kutser nawarak nong a tà so̱.

aYohana 7:37

Katuk igang'e, i tá nye agbang kunom kunye riye̱ rikan ame, aYeso dorok a tá ta kuto̱ ye, “Aner aya a fok kuto̱ kukoor, a ra be̱ nunaan a tà so̱ ashi.

aYohana 4:10

aYeso tú shim'me ye, “Ke a fa fe̱ ye wan ren kunang Adakunom ne aya a ta ka rip ashi na, ke wan tú ku rip, a ta ka no̱o̱k ashi aya a tà no̱o̱k kutser.”

Ike̱ng a ta tonong aYohana 22:1

Ayong amaleka'me ti tonong isho̱ng i ta be ashi kutser, i se zhe̱l kyo̱ndi agilas. Ashi'me wuruk naro̱ itsik rigwo̱m Adakunom be ife Aturuk'e,

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

aRom 3:24

Amma kamok ritek Adakunom tá nyesek warak a sak koangan se̱ ku te gye̱r nasho̱o̱n wu kamok kashesh kaya aYeso tá be̱e̱n'e.

Ike̱ng a ta tonong aYohana 22:16

“Mi, aYeso ne i tom amaleka mi nong a tá ka tak kutom na nong yin ta tak yin áfikuus. Mi ne i nye Kunik aDauda ne I nye Aner kasa'me. Mi ne i nye Adar Kusetson, aya a ta se kanang.”

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

1 aKoranti 2:12

Yir n shan yir Kabik kaya ka tá ne̱ nufe Adakunom, sang kafe kazatse na baꞌ, nong ase̱ ta ren yir ike̱re̱ Adakunom tin no̱o̱k yir na awarak.

aYohana 4:29

“Be̱ ta di yin aner akak a ti tak koakye ike̱ng mi ta kun nye. Ka wu ne a nye aKiristi ame e̱?”

aYohana 4:11

Ne abining ame fe̱ ye, “Atekasa, wan be ike̱ng ikak nong tin korok ashi'me baꞌ, ribong'e se tsik. Iyong wan ta se̱ ashi kutser'ong ake̱ e̱?

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”

Ike̱ng a ta tonong aYohana 14:13

Iyong mi fok kuto̱ kukak tá wuruk kaye̱e̱r kaza ku ta fe̱ ye, “Zibir rife̱ na, Áner riye̱ rikan ne á nye afe a tá kus kaye̱e̱r aYeso kyo̱o̱r be nasho̱o̱n.” Kabik fe̱ ye, “Ei á tà fan kaye̱e̱r risam, itomong ba tà ka kuus ba.”

aYohana 1:37

Nizen iya álimazhiri afa ame tá fa fok anong, yong á kuus aYeso.