Ike̱ng a ta tonong aYohana 22:15 - Izere New Testament

¹⁵ Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

Ike̱ng a ta tonong aYohana 22:15 Referans Kwoze

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

aFilipi 3:2

Nye yin tatan be ágabu'ong, áfe á ta nye ámaan ike̱re̱. Á tsang á tse̱k iro̱m ba kpe̱de̱ng ye, ba sen naka nye izhak.

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

aKolosi 3:6

Kamok amaan kunye'ong ne riye̱ kubeseng Adakunom sen ni tiik natoon ánerawe.

Ike̱ng a ta tonong aYohana 18:23

Akanang ta ba ya kaye̱e̱r kuwo̱p'e baba baꞌ. A tà ba fok akak ta sen nye riye̱ rikan kuwe̱ne̱ng kufas baba baꞌ. Agbang ázhik wan ne á nye ágbang áner kaye̱e̱r kazatse. Wan ne i bun i wo̱ro̱k ánerawe kazatse be kubok wan.

Itomong Ámanzo 8:11

Ánerawe kuus rife̱ wu kamok an baan ne a ka no̱o̱k ba azhing be kuri ike̱re̱ azhing iya a tan me̱ ne a nye.

aMatiyu 8:12

Amma á tà barak áya a ta tas ke ba ne a nye áfe Adakunom, amma á ra gaar kaye̱e̱r amaan awhi, naro̱ á tana tos ne á ya anyi.”

aYohana 8:46

Angan kaye̱e̱r yin ta kyem a fe̱ ye mi kun nye rine̱n e̱? Ke i nye ye mi ta taas yin katsak, to̱, akye̱ sak yin ti no̱o̱k yin katsak rife̱ mi baꞌ e̱?

aMatiyu 7:6

“Sang tu no̱o̱k yin agabu ike̱ng iya i ta se zhe̱l baꞌ, sang tu barak yin álade ata yin áfe itso̱m baꞌ. Ke yin nye yin anong, á tà shesh ne i kirik i ta bu i tà ka marang yin.

1 aTimoti 1:10

be áfe kunye rikuna ne átek á ta mereng be átek afudang ba ka ányining á ta mereng be ányining áfudang ba, ne áfe kure̱e̱s ánerawe be áfe abo̱o̱s ne áya a ta ya kushu natoon abo̱o̱s ne koakye kuri ike̱ng i ta se ze̱r be kubo̱so̱p katsak.