Ike̱ng a ta tonong aYohana 22:14 - Izere New Testament

¹⁴ “Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.

Ike̱ng a ta tonong aYohana 22:14 Referans Kwoze

Ike̱ng a ta tonong aYohana 21:27

Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

1 aYohana 5:3

Ana ne kushim Adakunom'me se, ke yir nye yir ike̱re̱ wu ta fe̱ ye i ra nye yir. Ike̱re̱ wu ta fe̱ ye i ra nye yir'e, ro̱ kunye baꞌ,

Ike̱ng a ta tonong aYohana 22:7

“Di yin, Mi saase kyo̱o̱rna! Aner riye̱ rikan ne a nye aner aya a ta kuus kuzarap ku ta se kaye̱e̱r kufumung na.”

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

aYohana 14:15

“Ke yin ti shim yin, yin tà kuus yin Itsi iya mi tá fe̱ be yin.

Ike̱ng a ta tonong aYohana 2:7

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k iren nong a tà ya kutes kakon kafe kutser kaya ka ta se riko̱ Adakunom.

1 aKoranti 7:19

Izhak nye ike̱ng ikak baꞌ, ku won dar kunye izhak nye ike̱ng ikak baꞌ, kukuus Itsi Adakunom nar.

Ike̱ng a ta tonong aYohana 22:2

ne a wo̱k natite agbang iren i ta se kaye̱e̱r kuwo̱p'e. Kakon kutser tuse ka ta nyeseng nukim isho̱ng'e nabas afa, ka ta tes kutak kuso̱k be afa koakye riye̱. Kakon'e tes koakye kufe̱n. Afumung kakon'e nye rikan nufe ánerawe kazatse cei.

aYohana 10:7

Kamok anong, aYeso bun a fe̱ be ba gbak ye, “Katsak'e ne mi ta ka tak yin, mi ne i nye kanukutu itsamang'e.

aYohana 10:9

Mi ne i nye kanukutu'me, aner aya a gor nunaan a tà se̱ kashesh. A tà no̱ kaye̱e̱r'e ne a bun a wuruk, a ta se̱ karo̱ kufek katek.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

Ike̱ng a ta tonong aYohana 21:12

Kuwo̱p'e be agbang kubar kukak ku ta se garang dide̱ng be nanu kutu kuno̱o̱s kuso̱k be afa be amaleka azining a tan nyeseng nasho̱o̱n koakye kanukutu'me. A tin zibir ayerek izo̱ro̱k áner Isarela kuso̱k be afa ni nanu kutu'me.

1 aKoranti 9:5

Aser, yir kyem yir tá tsang i tseng yir be ányining aya a ta nye áfikuus kyo̱ndi ribir ámanzo ne áronyining Agwo̱m Ágwo̱m yir ne aKefas tá nye aꞌa?

1 aKoranti 8:9

Nye yin tatan, fan kusor ne̱k yin bu sak áya a tan kpa agap kaye̱e̱r kabik baꞌ, ta kpas.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

aYohana 4:12

Wan nar ada yir aYakub'a aya a tin won yir ribong na a? Wu be inoon wu ne ike̱re̱ kasa wu so̱ ashi aze gip.”