Ike̱ng a ta tonong aYohana 21:6 - Izere New Testament

⁶ A bun a fe̱ be mi ye, “An gang! Mi ne i nye Alfa ne aOmega. I ta sor ye mi ne i nye ime̱se̱ng'e ne i nye igang'e. Koangan afe a ta fok kuto̱ kukoor, mi tì ku no̱o̱k ashi a ta wuruk kaye̱e̱r itop ashi ife kutser nawarak nong a tà so̱.

Ike̱ng a ta tonong aYohana 21:6 Referans Kwoze

aYohana 4:10

aYeso tú shim'me ye, “Ke a fa fe̱ ye wan ren kunang Adakunom ne aya a ta ka rip ashi na, ke wan tú ku rip, a ta ka no̱o̱k ashi aya a tà no̱o̱k kutser.”

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

aRom 8:32

Wu afe a tin roon yir Igon wu baꞌ, amma a sok a tá no̱o̱k kamok yir cice̱r. Aser, wu Adakunom afe a tá tsang a ni no̱o̱k yir Igon wu ta won dar a ni no̱o̱k yir ribir ike̱re̱ wu cice̱r washak aꞌa.

Ike̱ng a ta tonong aYohana 22:17

Kabik be Abining Afas'e fe̱ ye, “Be̱!” Aner a ta fok rife̱ na ra fe̱ ye, “Be̱.” Aner a ta fok kuto̱ kukoor ne a tse̱r ashi kuso̱, a ra be̱ a ta so̱ ashi kutser warak.

Ike̱ng a ta tonong aYohana 1:8

Agwo̱m Ágwo̱m yir Adakunom fe̱ ye, “Mi ne i nye Alfa ne aOmega. Wu tu se gbugbang, wu ne a kuse kyo̱o̱rna, wu ne a tà bun a be̱. Mi ne i nye afe kukyem cice̱r.”

aRom 3:24

Amma kamok ritek Adakunom tá nyesek warak a sak koangan se̱ ku te gye̱r nasho̱o̱n wu kamok kashesh kaya aYeso tá be̱e̱n'e.

Ike̱ng a ta tonong aYohana 22:13

Mi ne i nye Alfa ne aOmega, Ime̱se̱ng'e be Igang'e, Nasan'e ne i nye Igang'e.

Ike̱ng a ta tonong aYohana 16:17

Amaleka afe kanataar tseng a ta se misik ike̱ng iya i ta se kaye̱e̱r kakereng kafu natoon kaza. Iyong kuto̱ kukak wuruk be agap kaye̱e̱r agbang kutu kuya Adakunom iben naro̱ itsik rigwo̱m wu ye, “An gang!”

Ike̱ng a ta tonong aYohana 1:17

Mi ta fa ku di ne mi kpa nasho̱o̱n wu kyo̱ndi kukom. Ayong a ti sak kubo̱k riya wu ni mi, a tá fe̱ ye, “Sang tu fok inyim baꞌ. Mi ne i nye Ime̱se̱ng'e ne i nye Igang'e.

1 aKoranti 2:12

Yir n shan yir Kabik kaya ka tá ne̱ nufe Adakunom, sang kafe kazatse na baꞌ, nong ase̱ ta ren yir ike̱re̱ Adakunom tin no̱o̱k yir na awarak.

Ike̱ng a ta tonong aYohana 10:6

Ayong a shu be riyerek wu aya a ta se ma izen izen, afe a tá nye kaza be koakye ike̱ng i ta se kaye̱e̱r'e. Wu aya a tá nye kazatse be koakye ike̱ng i ta se kaye̱e̱r'e, wu afe a ta nye ágbang ísho̱ng be ike̱re̱ i ta se kaye̱e̱r'e cei, yong amaleka'me fe̱ ye, “A ta ba beseng izen baꞌ.

1 aKoranti 3:12

Aner aya a ta no̱k natoon ribor na be izinariya ka be azurfa, ka be ata aya a ta sas, ka be ikon, ka be agam ka be akanyo̱o̱r ayi,

Ike̱ng a ta tonong aYohana 1:11

ye, “Zibir ike̱re̱ iya wan ta di kaye̱e̱r kufumung ta tom ikilisiya kanataar'e. Ikilisiya Afisa ne aSamirna, ne aPagamum be aTiyatira be aSardis ne aFiladefiya ne áfe aLaudikiya.”

1 aKoranti 3:21

Kamok anong, akak tin ya kuka natoon anerawe baꞌ. Koakye ike̱ng nye ife yin,

1 aKoranti 3:5

Angan ne a nye Apolos nigaan'e e̱? aBulus nye angan kuruk e̱? Yir nye yir ásam Adakunom tsek, áya a ta sak yin tin no̱o̱k yin katsak, kamok Adakunom no̱o̱k koangan itomong a tana kunye'me.

aYohana 4:11

Ne abining ame fe̱ ye, “Atekasa, wan be ike̱ng ikak nong tin korok ashi'me baꞌ, ribong'e se tsik. Iyong wan ta se̱ ashi kutser'ong ake̱ e̱?

Ike̱ng a ta tonong aYohana 3:14

“Zibir amaleka ikilisiya aLaudikiya'me ye: Rife̱ na nye rife̱ aner a ta yis ye, ‘Anong.’ Wu ne a tonong katsak Adakunom kaye̱e̱r katsak, be wu ne Adakunom nye koakye ike̱ng.