Ike̱ng a ta tonong aYohana 21:27 - Izere New Testament

²⁷ Amma ike̱re̱ iya ita se zhe̱l baꞌ, tà no̱ kaye̱e̱r kuwo̱p'e baꞌ. Áfe a tá nye ike̱re̱ isum be áfe a tá wo̱ro̱k ánerawe sen no̱ kaye̱e̱r kuwo̱p'e baꞌ. Awan áya a tá zibir ayerek ba nufumung kutser Aturuk'e ne á tà no̱ kaye̱e̱r tse̱k.

Ike̱ng a ta tonong aYohana 21:27 Referans Kwoze

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ike̱ng a ta tonong aYohana 3:5

Aner aya a ta canang kazatse, a tù ku te ares akan kyo̱ndi ba. Mi tà birik riyerek wu a ta zibir kaye̱e̱r Kufumung Kutser baꞌ. Nizen iya mi tana nyeseng nasho̱o̱n Ada mi ne ámaleka wu, mi tà fe̱ ye aner na nye anaan.

aMatiyu 13:41

Igon Anerawe tà tom ámaleka wu, á tù ku tusung cice̱r áfe a ta sak ánerawe tá nye rine̱n ne áya a tà nye amaan kunye cice̱r.

Afisa 5:5

Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

Ibrani 12:14

Nye yin koakye ike̱ng yin tana kyem a nye yin nong ta sor yin caang be ánerawe cice̱r ne i sor yin zhe̱l kamok aner akak ta kyem a di Agwo̱m Ágwo̱m baꞌ, sang ke a se zhe̱l baꞌ.

Ike̱ng a ta tonong aYohana 20:12

Ne mi di áya a tá tsang a kus, áko̱k kasho̱o̱n be inoon, á tan nyeseng nasho̱o̱n itsik rigwo̱m ame. A karak afumung akak. Ne a bun a karak kufumung'e kukak kuya ku ta nye kufumung kutser. A to̱ ikom'e amok te̱re̱ be kunye ba, kyo̱ndi ike̱ng iya a tá zibir kaye̱e̱r afumung'e.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aMarkus 7:2

a di álimazhiri wu ákak á ta se be iya naya be “ibo̱k be narik” á kusu ba kyo̱ndi igo̱o̱n áner aYahuda ta fe̱ baꞌ.

aLuka 10:20

Gip be anong, tu nye yin riye̱ rikan kamok ítseng tá ka fok yin kuto baꞌ, nye yin riye̱ rikan kamok an zibir ayerek yin kaye̱e̱r kaza.”

1 aTimoti 1:10

be áfe kunye rikuna ne átek á ta mereng be átek afudang ba ka ányining á ta mereng be ányining áfudang ba, ne áfe kure̱e̱s ánerawe be áfe abo̱o̱s ne áya a ta ya kushu natoon abo̱o̱s ne koakye kuri ike̱ng i ta se ze̱r be kubo̱so̱p katsak.

2 aBitrus 3:13

Amma be kuno̱o̱k kuto̱ Adakunom tá tsang a no̱o̱k, yir sen tor yir kaza kafas be kaben kafas, karo̱ kaya katsak tana kuse koakye izen.