Ike̱ng a ta tonong aYohana 21:22 - Izere New Testament

²² Mi di agbang kutu kuya Adakunom iben kaye̱e̱r agbang kuwo̱p'e baꞌ, kamok Ada Adakunom ayiik'e ne Aturuk'e ne a nye agbang kutu kuya Adakunom iben'e.

Ike̱ng a ta tonong aYohana 21:22 Referans Kwoze

aYohana 4:23

Amma izen saase, n nye, ife áfe kuya Adakunom iben kaye̱e̱r katsak tana ya Ada'me kaye̱e̱r kabik be katsak, kamok ba ne á nye kuri aya afe Ada'me ta tse̱r.

Ike̱ng a ta tonong aYohana 1:8

Agwo̱m Ágwo̱m yir Adakunom fe̱ ye, “Mi ne i nye Alfa ne aOmega. Wu tu se gbugbang, wu ne a kuse kyo̱o̱rna, wu ne a tà bun a be̱. Mi ne i nye afe kukyem cice̱r.”

Ike̱ng a ta tonong aYohana 16:7

Ne mi fok kuto̱ kukak kaye̱e̱r abagadi ame ta fe̱ ye, “Ei, Adakunom Agbang Agwo̱m Ágwo̱m afe kukyem cei, amok wan se gye̱r ne a nye katsak.”

Ike̱ng a ta tonong aYohana 5:6

Ne mi bun i di Aturuk akak kyo̱ndi an tse̱e̱r kuto̱'me nunyeseng natite karo̱ itsik rigwo̱m'e. Ike̱re̱ inaas ame be áko̱k kasho̱o̱n tú ku gorok. Aturuk'e be atom kanataar be anyisi kanataar. Ayong ne á nye nabik Adakunom kanataar naya á tá tom'e nazatse cei.

aKolosi 2:9

Kamok kaye̱e̱r aKiristi ne kuse Adakunom sor kaye̱e̱r kuro̱m,

aYohana 4:21

Ne aYeso fe̱ be wu ye, “Ni no̱o̱k katsak ni mi, aner abining, izen saase ife yin tana ya yin Ada'me iben nawhanang na ka na aUshalima baꞌ.

Ike̱ng a ta tonong aYohana 15:3

Á bom abom aMusa asam Adakunom be abom a ta bom Aturuk'e ame ye, “Kunye wan se yiik ne ku nye ike̱ng azhing Adakunom agbang Agwo̱m Ágwo̱m afe kukyem cei. Iren wan nye iren itek be ife katsak. Wan ne i nye agbang Agwo̱m Ágwo̱m afe ánerawe kazatse cice̱r.

Ike̱ng a ta tonong aYohana 11:17

ne á fe̱ ye, “Yir shim ta ka tonong yir riye̱ rikan Agwo̱m Ágwo̱m yir Adakunom afe kukyem cice̱r, aya a tu ku se gbugbang ne a kuse kyo̱o̱rna. Kamok wan sok agbang kukyem wan i tin nye rigwo̱m kyo̱o̱rna.

Ike̱ng a ta tonong aYohana 4:8

Ike̱re̱ inaas'ong cice̱r be atse̱n igataar be anyisi nuro̱m koake̱ ba ma na afabak ba gip. Katuk be kunom a yiir bom abom ye, “Azhe̱l'e, Azhe̱l'e, Azhe̱l'e nye Agwo̱m Ágwo̱m yir Adakunom a ta be kukyem, a tú se gbugbang, a kuse se kyo̱o̱rna, a ta bun a be̱.”

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

aYohana 10:30

Mi be Ada'me i se yir ázining.”

Ike̱ng a ta tonong aYohana 19:15

Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

aMatiyu 24:2

Ayong a tú ku rip ba ye, “Yin di yin ike̱re̱ na cei a? Katsak'e ne mi ta ka tak yin, ata yin ta ye̱re̱k yin na, ka a tà won kukak natoon kufudang baꞌ. A tà yirik cei.”

Ike̱ng a ta tonong aYohana 7:15

Kamok anong, “ba sor nasho̱o̱n itsik rigwo̱m Adakunom ne á ku ya iben katuk be kunom nagbang karo̱ ku kuya iben. Aner a ta sonong ni itsik rigwo̱m'e ta tarak ikpaar wu natoon ba koakye izen.

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”

Ike̱ng a ta tonong aYohana 14:4

Áner na ne a nye áner aya á ta won rice ba zhe̱l, á kon tseng gbugbarak be aner abining baꞌ. Ba ne á tsang a kuus Aturuk'e koake̱ ne a tseng. A tu ku sheshek ba kaye̱e̱r ribir ánerawe ne ba se kyo̱ndi ku tes kakon kufe ime̱se̱ng'e kuya a ta no̱o̱k Adakunom be nasho̱o̱n Aturuk'e.

aYohana 13:32

Ke Adakunom se̱ kuyiik kaye̱e̱r wu, to̱, Adakunom tà tiyiik Igon'e be rice wu ne a bun a tiyiik rice wu zizirik.