Ike̱ng a ta tonong aYohana 21:17 - Izere New Testament

¹⁷ Amaleka ame tá fa maas kukpakarak kubar'e, yong a se̱ ku se kyo̱ndi amita iso̱k igataar be igataar. Amaleka'me maas kyo̱ndi ánerawe ta maas ike̱re̱ ba.

Ike̱ng a ta tonong aYohana 21:17 Referans Kwoze

Ike̱ng a ta tonong aYohana 13:18

Rife̱ na shim aner ra be kukyem. Aner aya a ta be kuto̱ro̱ng dide̱ng ra fa a ta di izibir kukewum'me kamok izibir'e nye ife anerawe. Izizo̱ kukewum'me nye igataar, igataar, igataar (666).

Ike̱ng a ta tonong aYohana 7:4

Ne mi fok ye áner aya a tú ku tse̱k ba izizo̱'me, se áner izungu kuso̱k inyak be iso̱k inaas be anaas kaye̱e̱r nazu áner Isarela kuso̱k be afa.

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 14:3

Á se be abom afas nasho̱o̱n itsik rigwo̱m ame be nasho̱o̱n ike̱re̱ inaas ame ne áko̱k kasho̱o̱n. Aner akak kyem a bom abom'e baꞌ, igak awan áner izungu kuso̱k inyak be iso̱k inaas be anaas 144,000 á tu ku shesh ba kaye̱e̱r kazatse ame tsek.

Ike̱ng a ta tonong aYohana 21:16

Abar'e se te̱re̱ abas akak nar afudang baꞌ, kuso̱p'e be kusaa'me se tite̱re̱'e. Nizen iya amaleka'me tá maas kuwo̱p'e be ishe̱n wu, yong a se̱ kuwo̱p'e se kyo̱ndi akilomita izungu ifa be iso̱k inyak ifa (2,200). Kuso̱p'e be kusa'me ne kugarang'e se tite̱re̱'e.