Ike̱ng a ta tonong aYohana 21:10 - Izere New Testament

¹⁰ Ayong a ti sok kaye̱e̱r kabik a tá tseng be mi natoon agbang kawhanang kakak ka ta se ring ring nong a ta sen tonong Agbang Kuwo̱p Kuzhe̱l'e, a ta yis ye aUshalima. Ku se be kuwuruk kaye̱e̱r kaza nufe Adakunom, ku ta sen tiik kaben.

Ike̱ng a ta tonong aYohana 21:10 Referans Kwoze

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

Ike̱ng a ta tonong aYohana 17:3

Ayong amaleka'me ti sok kaye̱e̱r Kabik a tá tseng be mi kaye̱e̱r katse. Mi di abining akak azong a tan sonong natoon kukewum kukak kuseng ku ta be ayerek ritok nuro̱m wu be ace kanataar ne átom kuso̱k.

Ike̱ng a ta tonong aYohana 1:10

Katuk ime̱se̱ng'e na asate, izen iya mi ta se kaye̱e̱r Kabik, ne mi fok kuto̱ kukak ku ta fe̱ be mi be agap kyo̱ndi rigba nama mi

Itomong Ámanzo 8:39

Kum be kuwuruk ba kaye̱e̱r ashi'me, ne Kabik Kazhe̱l wor a sok aFilibus'e nong a tá tseng'e, ne aritek ame ba ku di baꞌ. Ayong aritek'e tseng ako̱o̱n wu be riye̱ rikan.

Ike̱ng a ta tonong aYohana 4:2

Nizen izining, Kabik ti tiik natoon mi ne mi di itsik rigwo̱m nasho̱o̱n mi be aner akak a ta min sonong natoon'e.

aGalati 4:26

Amma aUshalima afe a ta se naza se nye̱k, wu ne a nye ango̱ yir.

Ike̱ng a ta tonong aYohana 3:12

Aner aya ne a canang kazatse mi tù ku sak a ta sor itsik agbang kutu kuya Adakunom mi iben. A ta won karo̱'ong baꞌ, ko cie̱k. Mi tà zibir riyerek Adakunom mi natoon wu be riyerek agbang kuwo̱p Adakunom'i a ta yis ye aUshalima afas, a tana wuruk naza nufe Adakunom mi. Mi ta bun i zibir riyerek'i rifas natoon wu gip.

Ike̱ng a ta tonong aYohana 11:2

Amma tu maas kubang'e kufe ime̱se̱ng'e baꞌ. Sang tu maas baꞌ, kamok an no̱o̱k áfurin, ba ne a ta be̱ shesh kuwo̱p kuzhe̱l'e na ma ife̱n iso̱k inaas be afa.