Ike̱ng a ta tonong aYohana 20:14 - Izere New Testament

¹⁴ Ayong a barak Riku ame ne karo̱ kaya nabik áya a tá kus tú ku sor kaye̱e̱r icen kuro̱ng ame. Iyuna ne i nye riku rife̱ afa.

Ike̱ng a ta tonong aYohana 20:14 Referans Kwoze

1 aKoranti 15:26

Amudo̱n afe igang'e a tana fe̱r nye riku.

Ike̱ng a ta tonong aYohana 20:6

Aner riye̱ rikan ne a nye áner aya a tin se kaye̱e̱r kudorok ikom kufe ime̱se̱ng'e ne á nye ázhe̱l'e. Riku rife̱ afa sen ka se̱ ba baꞌ, amma ba ne á tà te átsi Adakunom be áfe aKiristi, á ta nye rigwo̱m ba mak be wu ma aye̱ izungu izining.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 19:20

Ayong a yiir kukewum ame mak be aner kuzarap abo̱o̱s aya a ta nye ike̱re̱ azhing be riyerek kukewum ame. Kamok ike̱re̱ azhing'e iyong ne i wo̱ro̱k áfe a tá be izizo̱ kukewum ame ne á ya ike̱ng kukewum'me ta nye iben. Cice̱r ba a tá barak ba be kutser kaye̱e̱r icen kuro̱ng kuya ku ta cishek dide̱ng ne itong ikak kyo̱ndi ife abindiga.

Ike̱ng a ta tonong aYohana 1:18

Mi ne i nye Afe Kutser! Mi tsang i ku, amma kyo̱o̱rna mi be kutser ma izen izen. Mi ne i be kukyem natoon riku ne natoon karo̱ kaya nabik áya a tan kus tu ku sor.

Ike̱ng a ta tonong aYohana 21:4

A tà ka re̱ng ba nanyisi cei. Riku ka riye̱ riwe ka kanak ka kuro̱'me ba sen kuse baꞌ, kamok ike̱re̱ kazatse izen cice̱r tà wei.”

Ike̱ng a ta tonong aYohana 20:13

Iyong ágbang adung be̱s be áner aya ba tá kus kaye̱e̱r ba. Riku be karo̱ kaya nabik áya a tá kus tú ku sor be̱s be afuba gip. A to̱ koangan amok te̱re̱ be kunye wu.

Ike̱ng a ta tonong aYohana 20:10

Ne amaan aner, aya a tá ka wo̱ro̱k ba ame, a tù ku barak kaye̱e̱r icen kuro̱ng kuya ku ta cishek dide̱ng ne itong ikan kyo̱ndi ife abindiga. A tù ku barak naro̱ kazining be kukewum ame ne áner kuzarap afe abo̱o̱s ame. Á tà so̱ risam azong kunom be katuk ma izen izen.

1 aKoranti 15:53

Kamok iya i tana sor ma izen izen ta kis iya i tana baan baꞌ, iya i tana won dar i ku ta kis iya i tana ku'ong.

Ike̱ng a ta tonong aYohana 20:15

Koangan afe a ta se̱ riyerek wu kaye̱e̱r kufumung kutser'e baꞌ, a tú barak kaye̱e̱r icen kuro̱ng ame.

Ike̱ng a ta tonong aYohana 2:11

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, riku rife̱ afa tu ku se̱ baꞌ, ko cie̱k.

Ike̱ng a ta tonong aYohana 6:8

Mi tá fa ye̱re̱k ne mi di itsaap ikak i ta se kyo̱ndi ashi aruron nasho̱o̱n mi. Riyerek aner aya a tin ngarak natoon itsaap'e nye Riku, karo̱ nabik áya a tan kus tu ku sor tsang ka ku kuus nama. Á tú no̱o̱k ba kukyem a tanin fe̱s ikes azining kaye̱e̱r ikes anaas ife kazatse be itsor ne izong be iro̱k ne ámaan kukewum.

Ike̱ng a ta tonong aYohana 14:10

wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.