Ike̱ng a ta tonong aYohana 2:3 - Izere New Testament

³ Mi ren wan n tsesek, wan tsesek kaye̱e̱r risam kamok riyerek'i, wan ro̱n baꞌ.

Ike̱ng a ta tonong aYohana 2:3 Referans Kwoze

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

aGalati 6:9

Kamok anong sang tu ro̱n yir be kunye kutek baꞌ, kamok izen saase ife i tana se̱ yir ishorong itomong yir, ke yir te yir wa baꞌ.

aKolosi 1:11

Yir bun i nye yir aduwa ye yin ta te yin gbugbong be ayiik kukyem wu nong yin ta se̱ yin ku naka tsesek ne i yiir yin aye̱. Won yin tu sor yin áfe riye̱ rikan,

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.

1 aKoranti 13:7

Kushim kyem fek koakye, ne ku ni ino̱o̱k katsak natoon koakye, ne ku te riye̱ natoon koakye, ne ku naka tsesek kaye̱e̱r koakye.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

Ibrani 6:15

Ibrahim tá fa mees riye̱ wu, yong a se̱ ike̱ng iya Adakunom tá fe̱ ye a tu ku nye'me.

Ibrani 6:12

Yir shim yin tu yo̱mo̱ng yin baꞌ, amma sor yin kyo̱ndi áya a tin no̱o̱k katsak ne á naka tsesek ma á ya kutse ike̱ng iya Adakunom ta tsang a fe̱.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

1 aTimoti 4:10

Ike̱re̱'ong ne ri sak yir ta nye yir itomong dide̱ng ne i tsesek yir kamok yir ta min te yir riye̱ na Adakunom afe kutser, Aner Kashesh ánerawe cice̱r, abanang áfe a ta min no̱o̱k katsak baꞌ.

2 aTasalonika 3:13

Amma yin ároneng, sang tu ro̱n yin be kunye kunye ritek baꞌ.

2 aKoranti 4:16

Kamok anong yir min tun yir riye̱ baꞌ. Iro̱m yir na ya kasho̱o̱n be kubeseng, amma kaye̱e̱r kabik yir se̱s yir agap koakye izen.

2 aKoranti 4:1

Kamok anong, kum yir ta nye yir itomong na kaye̱e̱r kuro̱ riye̱ Adakunom, yir min tun yir riye̱ baꞌ.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

aRom 8:25

Amma ke yir min te yir riye̱ nike̱ng iya sang yir tan se̱ yir nizham baꞌ, yir naka tsesek yir ta tor yir.

aLuka 14:27

Aner aya ne a sok kukon ku kutigak mo nong a tin kuus baꞌ, a tà kyem a te alimazhiri mi baꞌ.

Ike̱ng a ta tonong aYohana 1:9

Mi, aYohana, aronyining yin ne afudang yin kaye̱e̱r risam ne kaye̱e̱r rigwo̱m be kaye̱e̱r ku naka tsesek yir ku ta se kaye̱e̱r aYeso, a ti ro i ta tseng natoon rizik rikak a ta yis ye aPatmos kamok kutaas rife̱ Adakunom ne katsak aYeso ta tonong.

2 aBitrus 1:6

Ni barang yin kuyiir rice natoon kuren ike̱re̱ Adakunom, ni barang yin ku naka tsesek natoon kuyiir rice yin. Ni barang yin kuse kuri kufe Adakunom natoon ku naka tsesek'e.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

2 aKoranti 11:23

Ke ba di ye ba nye ásam aKiristi, mi tu nar ba! (Mi fe̱ kyo̱ndi aner aya rice ta kirik so̱!) Mi n nye itomong ne i ka nar ba, a min tes nitso̱m ne a toos'e, ne a ni whereng dide̱ng, mi n dis riku niren ze̱r ze̱r.

2 aKoranti 5:9

Iyong ne i sak yir nar kushim yir wu ta fok kusas yir, ka i tuse yir kaye̱e̱r kazatse ka kaye̱e̱r kaza.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

aLuka 18:1

aYeso tak álimazhiri wu kumaas na nong a tú ku bo̱so̱p ba ku yiir nye aduwa, sang á tu ro̱n baꞌ.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

Ibrani 13:13

kamok anong i wuruk yir nong ta be yir nufe nama kuwo̱p, nong ta fok yir isum kyo̱ndi wu tá fok.

1 aTimoti 5:17

A rin sak riye̱ dide̱ng na áko̱k kasho̱o̱n ikilisiya áya a ta nye itomong ba gye̱r, abanang áya itomong ba ta nye awazi rife̱ Adakunom be kubo̱so̱p ánerawe'me ba.

2 aTasalonika 3:8

ka yir ya yir naya akak na awarak baꞌ. Wayo, yir ban i can yir ni inye itomong yir katuk be kunom be rice yir fan yir ba ka sor yin acer.

2 aTasalonika 3:5

Won Agwo̱m Ágwo̱m tu sak yin tu ren yin agbang kushim Adakunom ne kutsesek kuya ku ta nes nufe aYeso Kiristi.

1 aTasalonika 2:9

Ároneng, mi ren tse̱ng tse̱ng ye yin ru yiring yin be kuri itomong ne risam yir tá so̱ yir. I nye yir itomong katuk be kunom kamok fan i ba ka no̱o̱k yin risam nizen yir tá sen ka nye yin awazi Rife̱ Ritek.

aFilipi 4:3

Ei, mi bun i fe̱ be wan afudang itomong'i afe katsak, ye i ra tobok ányining'ong kamok á gung rice be mi ni itomong i taas Rife̱ Ritek Adakunom, anong ne aKelemen be ribir áfudang yir áya i ta nye yir itomong mak, áya ayerek ba ta se kaye̱e̱r kufumung kutser.

aFilipi 2:16

Taas yin rife̱ kutser kaye̱e̱r katsak nong ba tà ren Adakunom, nong ase̱, mi tin tsor kafok be yin katuk kube̱ aKiristi, fan itomong'i bun te kpe̱de̱ng.

aGalati 6:2

Naka tobok yin kaye̱e̱r risam yin, be anong ne yin ta shining yin ike̱ng iya Itsi aKiristi ta fe̱.

2 aKoranti 10:15

Kuka yir gor karo̱'me baꞌ, i se natoon itomong ife ákak ta nye baꞌ, yir ti te yir riye̱ ye kuno̱o̱k katsak yin ta rasak be anong ne riko̱ itomong yir kaye̱e̱r yin tin barang kuya kasho̱o̱n.

2 aKoranti 6:5

be itsor ne a ni tes yir nitso̱m be kuren ne amaan itomong be kuko̱s dar ida be kusor be izong.

aRom 16:12

Ku nye shou yin aTirafena ne aTirafosa, ányining'ong á ta furku ni itomong Agwo̱m Ágwo̱m yir. Bun i ku nye shou yin agbang afertseng'i aPasis, abining'ong gip a furku ni itomong Agwo̱m Ágwo̱m yir.

aLuka 21:19

Nyeseng yin be agap, yin tà se̱ yin kashesh.”

aMarkus 15:21

Á tá se be kutseng ne a nyim be aner aSirin akak, a tú ku yis ye aSiman, atek Alekzanda ne aRufus, a ta ne nutseng wu, ne ásozha ame ku sak ye, ma a ra cer kakon a tanin tigak aYeso ame.

1 aTasalonika 5:12

Ároneng, yir ta nye yin izong ye, i ra fok yin áya a ta ka nye yin itomong kuto, áya a ta ka bo̱so̱p yin'e ne á nye kasho̱o̱n nufe yin kaye̱e̱r kusor aKiristi.

1 aKoranti 16:16

i ra fok yin áner ayong kuto, cei be áya i ta nye yir itomong mak ne i can yir mak.

aLuka 5:5

Ayong aSiman fe̱ be aYeso ye, “Atekasa, yir ko̱so̱ yir itomong, i se̱ yir ike̱ng ikak baꞌ. Amma kum wan tá fe̱ anong, won yir ta barak yir agunung'e.”