Ike̱ng a ta tonong aYohana 2:22 - Izere New Testament

²² To̱, mi tú ku sak a tà nye amaan kuro̱k, ne i sak áya a tá mereng be wu tà so̱ risam dide̱ng sang ke á shishing kuse ba baꞌ.

Ike̱ng a ta tonong aYohana 2:22 Referans Kwoze

Ike̱ng a ta tonong aYohana 17:2

Ágwo̱m kazatse na nye rikuna be wu. Ánerawe kazatse feng be ashi anap kamok rikuna wu.”

aLuka 13:5

Mi ta ka tak yin i se nong baꞌ. Ke yin shishing yin kuse yin baꞌ, yin gip tà kus yin cice̱r yin.”

Ike̱ng a ta tonong aYohana 18:9

“Nizen iya ágwo̱m kazatse á ta nye rikuna be wu ne á ya kazatse mak be wu tana di itsing kuro̱ng ku ta sen ku ya, á tà tos ne á nye riyo̱m kamok wu.

Ike̱ng a ta tonong aYohana 18:3

Kamok ánerawe kazatse cice̱r n feng be ashi anap afe amaan rikuna wu. Ágwo̱m kazatse nye rikuna be wu. Ágbang ázhik kazatse na te árum kamok kushim kusas kusor kazatse wu.”

aLuka 13:3

Won ta ka tak yin, i se anong baꞌ. Ke yin shishing yin kuse yin baꞌ, yin gip tà kus yin cei kyo̱ndi ba.

2 aKoranti 12:21

Mi fok inyim ye ke mi bun i be̱ nufe yin, Adakunom mi tin sak ta fok isum nasho̱o̱n yin. Mi ta nye riye̱ riwe kamok whe̱re̱ kaye̱e̱r áya a tá nye rine̱n, amma an tan shishing kuse ba baꞌ, rine̱n kunye rikuna, ne kuwun kuya ba ta nye dide̱ng.

Ike̱ng a ta tonong aYohana 2:5

Yiring be karo̱ afe wan tú ku se nizham wan tá ra kpa. Shishing kuse wan ne i nye ike̱re̱ iya wan tà nye ime̱se̱ng'e. Ke wan shishing kuse wan baꞌ, to̱, mi saase tà be̱ sok ike̱ng iya a tin te kuro̱ng wan naro̱ a tu ku saas.