Ike̱ng a ta tonong aYohana 2:19 - Izere New Testament

¹⁹ Mi ren kunye wan, kushim wan be kuno̱o̱k katsak wan. Mi ren itomong wan be ku naka tsesek wan. Mi ren itomong wan ife akyo̱o̱rna nar ife ime̱se̱ng'e.

Ike̱ng a ta tonong aYohana 2:19 Referans Kwoze

1 aTimoti 1:5

Ike̱ng i ta sak mi ta fe̱ anong be agbang kuto̱ se ye nong áfikuus tà shim ánerawe be kushim kuri kuya ku ta ne kaye̱e̱r riye̱ rizhe̱l'e ne riye̱ rizining be kuno̱o̱k katsak kufe katsak baꞌ.

2 aBitrus 1:7

Ni barang yin ku naka shim natoon kuse kuri kufe Adakunom, ni barang yin kushim koangan natoon ku naka shim.

aYohana 15:2

Iwhang iya i ta se kaye̱e̱r'i, i tà tes baꞌ a ta te̱se̱ng. Iwhang'e iya i ta tes, ne a nye gye̱r nong i tin barang kutes dide̱ng.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

1 aBitrus 4:8

Ike̱ng iya i ta nye igbang'e cice̱r nye, naka shim yin dide̱ng, kamok kushim be̱e̱n kure̱ng rine̱n whe̱re̱.

1 aTasalonika 3:6

Amma kyo̱o̱rna'me aTimoti tá ne nufe yin, a ti be̱ yir be itak itek natoon kuno̱o̱k katsak yin be kuri kushim yin ta be yin, ye yin ru yiring yin be yir kaye̱e̱r aye̱ yin ye̱r ye̱r ne aye̱ yir ro̱ kyo̱ndi áfe yin ta ro̱ ye, ke yir ka di yin gip.

aKolosi 3:14

Natoon ike̱re̱'ong, nibarang yin kushim iyong ne i gung ike̱re̱'me cice̱r kaye̱e̱r kugung rice kutek.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Ike̱ng a ta tonong aYohana 2:9

Mi ren kuri risam wan tin se. Mi bun i ren rizor wan, amma wan nye arum'e kaye̱e̱r kabik. Mi ren kuri amaan rife̱ riya áfe a ta sok ace ba ye ba nye áner Adakunom, amma sang ba ra nye baꞌ, tin fe̱ natoon wan. Á nye áner Ishetan.

aLuka 1:23

Izen kunye itomong wu tá fa gang, a tú bun kari.