Ike̱ng a ta tonong aYohana 2:14 - Izere New Testament

¹⁴ Amma gip be anong, ike̱re̱ ikak kuse cie̱k mi ta be be wan; Áner akak kuse kaye̱e̱r yin a tá kuus kubo̱so̱p aBalam, kuya a ta bo̱so̱p aBalak'e ta sak áner Isarela tá nye rine̱n, a tá ya naya naya itsi ne á nye rikuna.

Ike̱ng a ta tonong aYohana 2:14 Referans Kwoze

2 aBitrus 2:15

Á won iren itek nong á ta ban á kuus akpe̱de̱ng iren aBalam igon aBeyo, afe a tá shim a ta se̱ ishorong natoon amaan kunye wu.

Ike̱ng a ta tonong aYohana 2:20

Amma gip be anong, ike̱ng ikak kuse mi ta be be wan: Wan won abining'ong a tú ku yis ye aZhezebel, aya a tá sok rice wu ye wu nye aner kuzarap. Kubo̱so̱p wu sak ásam'i shaam á ta no̱ ninye rikuna ne á ya naya a ta nye kamok asidaka itsi.

aZhud 1:11

Awo̱ be ba! Á sok kuse aKayinu. Kamok ba tá tse̱r ishorong zizirik á wor á kuus kuri rine̱n riya aBalam tá nye kamok kushim itso̱m. A ta ka fe̱s ba kyo̱ndi a tá fe̱r aKora kamok kushonong.

Itomong Ámanzo 15:29

Won yin kuya rinam a ta min nye itsi, sang tu so̱ yin naso̱k baꞌ, sang tu ya yin ike̱ng ikak dar kutse̱e̱r'e baꞌ, sang tu nye yin rikuna baꞌ. I se gye̱r yin ta won yin kunye ike̱re̱ yir ta fe̱ yir na. Tato̱ yin.

Ibrani 13:4

Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

1 aBitrus 2:8

I bun i se ni izibir naro̱ kakak ye, “Kuta'me sak ánerawe ta tu atak, ku sak ánerawe ta kpas!” Ánerawe'me ti tu atak kamok ba raba kukuus rife̱ Adakunom. Kamok anong ne Adakunom tsang sak afe a tá gaar kukuus rife̱ wu'me.

Itomong Ámanzo 21:25

Amma natoon áfikuus áya sang á ta nye áner aYahuda baꞌ, yir n zibir yir kufumung ye sang a tu ya naya a ta nye kamok itsi baꞌ. A tu nye rikuna baꞌ. A tu ya rinam ike̱ng iya a ta tsibik kuto̱'me ka be naso̱k baꞌ.”

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

1 aKoranti 7:2

Amma kamok kunye kye̱re̱ tu ku se kaye̱e̱r yin, koangan ra sok abining wu ne koangan abining ra be amitek wu.

aMatiyu 18:7

“Awo̱ be kazatse kamok ike̱re̱ i ta sak ánerawe ta nye rine̱n. Ike̱re̱'me tà be̱s dim, amma awo̱ be aner aya a tana sak akak ta nye rine̱n.

aRom 14:21

I nar ta gaar kuya rinam ka kuso̱ ashi anap, ka ta nye ike̱ng ikak i tana sak afudang wu tana kpa.

aRom 14:13

Kamok anong, tu naka to̱ yir amok baꞌ. Koangan ra sok kaye̱e̱r riye̱ wu ye sang wu ta sor ike̱ng iya i tana sak akak tanin turuk kutak ka a tin kpa baꞌ.

Ike̱ng a ta tonong aYohana 2:4

Amma gip be anong, kudaam kufe mi ta be be wan se ana; Wan n tiburum be kushim wan kufe ime̱se̱ng'e.

1 aKoranti 1:23

Yir taas yir itak riku aYeso be kutigak wu, iyong sor ike̱ng áner aYahuda ta wor a shim kufok'e baꞌ, ne i sor rifunam nufe aner aya a ta nye aner aYahuda baꞌ.

aRom 11:9

aDauda bun a fe̱ ye, “Won naro̱ kuya naya ba ne naro̱ riye̱ rikan tu sor agunung ba, ne karo̱ a tanin tu atak, ne a se̱ ishorong ba.

aRom 9:32

Akye̱ sak anong e̱? Kamok sang ba tá tse̱r niren kuno̱o̱k katsak baꞌ amma be kukuus Itsi ne kunye kutek, yong a ti tu atak natoon “kuta kutu atak.”