Ike̱ng a ta tonong aYohana 19:7 - Izere New Testament

⁷ Won i tu nye yir riye̱ rikan ne i fok yir kusas'e ne i ku tiyiik yir! Kamok izen kuwe̱ne̱ng Aturuk'e n nye. Abining wu afas n naka zem.

Ike̱ng a ta tonong aYohana 19:7 Referans Kwoze

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

2 aKoranti 11:2

Mi be rifuup kamok yin, kuri rifuup riya Adakunom ta be natoon yin. Mi ma ka nye yin kanye̱k kuwe̱ne̱ng mak be aKiristi, mi shim yin tu sor yin zhe̱l nong mi ta ka nabak yin kyo̱ndi a ta no̱o̱k abining afas zhe̱l nasho̱o̱n amitek wu.

aMatiyu 22:2

“A ta kyem a maas rigwo̱m kaza be agwo̱m akak a tá nye igon wu kanye̱k riye̱ rikan kuwe̱ne̱ng.

Ike̱ng a ta tonong aYohana 19:9

Ayong amaleka'me fe̱ be mi ye, “Zibir ike̱re̱ na, ‘Áner riye̱ rikan nye áner aya a tú ku tak ba riye̱ rikan kuwe̱ne̱ng Aturuk na.’ ” Ne a bun a fe̱ ye, “Rife̱ na nye rife̱ Adakunom rife̱ katsak.”

Afisa 5:32

Iyuna nye agbang ike̱ng i tana ro̱ yin tana ren yin, amma mi ti fe̱ natoon aKiristi be áfikuus.

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

Afisa 5:23

Kamok atekasa ne a nye rice abining wu, kyo̱ndi aKiristi ne a ta nye ako̱k kasho̱o̱n ikilisiya, ba ta nye kuro̱m wu. Wu be rice wu nye aner kashesh'e.

aLuka 12:36

kyo̱ndi ásam áya a tá nye itomong nasa akak, á tá sen tor kube̱ atekasa ba. Nizen atekasa'me tá be naro̱ riye̱ rikan kuwe̱ne̱ng nong ke a be̱ a rus kanukutu, ne a wor a ku karak'e.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

aMatiyu 1:20

A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e.

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.