Ike̱ng a ta tonong aYohana 19:15 - Izere New Testament

¹⁵ Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

Ike̱ng a ta tonong aYohana 19:15 Referans Kwoze

Ike̱ng a ta tonong aYohana 1:16

A yiir ádar kanataar nubo̱k riya wu, kaye̱e̱r kanu wu kutsor kuso̱p wuruk kuya ku tá ya dide̱ng abas afa. Kanyisi wu se kanang kyo̱ndi katite kunom.

2 aTasalonika 2:8

Nizen iyong ne a tà di agwo̱m kushonong ame, aya Agwo̱m Ágwo̱m yir aYeso tana ku fe̱r be isong kanu wu, ne a ku beseng be kuyiik wu nizen wu tana be̱.

Ike̱ng a ta tonong aYohana 19:21

A fe̱s ribir ásozha ame ákak be itsor i tá wuruk nanu aner aya ta se natoon itsaap ikan ame. Iyong nanon ti kumung rice ba ni iya ikom'e.

Ike̱ng a ta tonong aYohana 12:5

Abining'e tes igon kamitek'e aya a tana nye rigwo̱m natoon ánerawe kazatse cei. A tà nye rigwo̱m'e be ishe̱n kutso̱m. Amma a ti shan igon'e zhar a tà tseng'e naza nufe Adakunom naro̱ itsik rigwo̱m wu.

Ike̱ng a ta tonong aYohana 2:16

Kamok anong shishing kuse wan. Ke anong baꞌ, mi tà be̱ nufuan zizirik nong tà ba ka te̱se̱ng ba be itsor iso̱p i tan wuruk nanu mi.

Ike̱ng a ta tonong aYohana 2:12

“Zibir amaleka ikilisiya aPagamum'e ye: Rife̱ na ne nufe aner aya a ta be awe̱n itsor iso̱p iya i ta ya abas afa dide̱ng.

Ike̱ng a ta tonong aYohana 14:10

wu gip a tà so̱ ashi riye̱ kubeseng Adakunom, aya a tá nye be agap wu kaye̱e̱r kures riye̱ kubeseng wu. A tù ku no̱o̱k risam dide̱ng be kuro̱ng ne ike̱ng ikak kyo̱ndi itong abindiga itong ikak nasho̱o̱n ámaleka ázhe̱l'e ne nasho̱o̱n Aturuk'e.